• Home
• About BongoCelebrity
• UMEZISOMA HIZI?
• BC GUESTBOOK
•            Receive Email Alerts!
• Join Our Facebook Group!

Wadhamini / Sponsors

Search for Articles

Recent Posts

Current Date:

Recent Comments

Sponsored Ads

Blogroll

BC Archives

Sponsored Ads

Globe Tracker

28

Comments

→ August 1, 2007 → Tags: Bongo Flava, Muziki, Watangazaji →

Iwe umemsikia redioni,kuonana naye mtaani,kazini au kupata bahati ya kuhudhuria kwenye shughuli yeyote ambayo Gardner G.Habash alisimama kama MC, utakubaliana nasi kwamba ni kijana mwenye kipaji katika kitu anachokifanya,utangazaji na usimamiaji wa shughuli (MC).

Kabla jua halijazama na mpaka kiza kinapoingia,kupitia radio ya Clouds Fm,sauti ya Gardner huanza kuwasindikiza maelfu kwa maelfu ya watanzania wanaokuwa wanarejea majumbani kwao baada ya siku nzima ya kazi na kutafuta riziki. Wanapofika nyumbani huwa hawaachi bali huendelea kuwaliwaza kwa habari za burudani, sinema nk huku akicheza miziki ya aina mbalimbali inayoendana na wakati uliopo. Kwa sababu kipindi chake kinaitwa Jahazi na yeye ndio muendeshaji, unaweza kumuita Captain.

Lakini wangapi wanajua ilikuwa vipi Gardner akaingia kwenye utangazaji? Unalijua neno ambalo karibuni kila siku iendayo kwa muumba yeye hulitaja? Na je unajua yeye ni manager au mshauri wa wanamuziki wangapi wa muziki wa kizazi kipya? Anasemaje kuhusu kuwa manager wa msanii au wasanii na wakati huo huo kuwa mtangazaji redioni? Katika mahojiano haya,Gardner anaweka bayana yote yaliyotajwa hapo juu na mengineyo mengi. Fuatana nasi;

BC: Kama kawaida tungependa kuanza na historia ya maisha yako kwa ufupi. Ulizaliwa wapi,lini, ukasomea wapi na mambo kama hayo.

GH: Nimezaliwa Tanga barabara ya nne tarehe 17/03/1973. Nyota yangu samaki. Nimesoma Changa (msingi), Popatlal (secondary) Dar School of Accountancy (elimu ya juu). Pia nimepitia jeshini Ruvu JKT katika ile National Service. Halafu ndio nikaanza pilika pilika za kazi.

BC: Nini kilikusukuma kuingia kwenye kazi ya utangazaji? Katika familia yako kuna mtu mwingine yeyote ambaye ni mtangazaji au alikuwa mtangazaji?

GH: Katika familia yetu hakuna mtangazaji wala muimbaji na kama wapo basi siwafahamu na ningependa tufahamiane nao.Binafsi nilikuwa napenda kuwa na umaarufu wa kufahamiana na watu mbalimbali, lakini sikujua nitafanya kazi gani ili nifikie lengo hilo. Niliuza duka, counter ya bar katika disco na kadhalika, lakini sikuona njia mpaka nilipomuona Othmani Njaidi akitangaza ITV, ndio nikagundua kuwa nahitaji kuwa mtangazaji. Baada ya hapo ndo ikawa historia.

BC: Kama DJ unafanya maandalizi gani kabla hujaanza kipindi? Hapa nazungumzia jinsi unavyopanga cha kusema,kuchagua miziki utakayopiga,commercials,jingles mambo kama hayo.

GH: Naipanga shoo ya Jahazi kwa mtindo wangu ila nasaidiana na waandaaji kupata shoo kamili. Mfano script na jinsi ya kuongea napanga mwenyewe, nadhani hapo ndo kipaji changu kilipolalia. Muziki nasaidiwa na DJ Nelly, promos za kipindi natendenezewa na DJ Venture, matangazo napewa na idara ya masoko na hata watangazaji wenzangu na viongozi wangu wakipata jambo wananirushia katika Jahazi. Kwakweli tunafanya kazi kama team. Ni raha sana.

BC: Kwa faida ya watu ambao hawajawahi kuingia au kuiona studio ya utangazaji, unaweza kumuambia ni aina gani ya vifaa vinavyotumika au unavyovitumia wewe kama mtangazaji?

GH: Inabidi waje hapa Clouds FM waone wenyewe, au waongee na Daudi (Mr Delicious) ndio mtaalamu wetu katika vifaa.Kijana mdogo lakini mtundu sana.

BC: Kwa maoni yako, ni elimu ya aina gani au kiasi gani mtu anahitaji ili kuwa mtangazaji mahiri?

GH:Elimu ya kwanza ni ile inayotoka kwa mungu, kipaji. Ukishang’amua unacho kipaji basi jitokeze bila woga, jaribu chochote mpaka wadau wakuone.Pili fanya kazi na sio udengue kisa una kipaji na ukubali kuelekezwa na kujifunza kila siku. Pia ni muhimu kusoma ukiwa na hali au uwezo.

BC: Unadhani ili mtu awe mtangazaji au DJ mzuri, ni mambo gani anatakiwa ayazingatie zaidi?

GH: Ni lazima ujiandae kabla ya kuingia katika shoo. Kama utaongelea jambo basi hakikisha unalifanyia uchunguzi wa kina na pia unakusanya mukhtasari wa shoo yako. Iwe ni kuhusu burudani, jamii au siasa,ni muhimu sana kuandaa points na sio kubwabwaja tu.

BC:Je unakumbuka ilikuwa wapi na ilikuwaje siku ya kwanza uliposimama au kukaa mbele ya kipaza sauti huku ukijua kwamba “you are on air” na maelfu ya watu wanakusikiliza?

GH: Ilikuwa katika kipindi cha Bambataa, Mheshimiwa Amina Chifupa (alale pema peponi) ndiye alinitambulisha rasmi namshukuru sana alinisaidia sana katika kazi. Nakumbuka alisema nisalimie waskilizaji nami nikatamka ‘asalaam waleikhum wasikilizaji’ .Sitasahau hilo.

BC: Lipi kuhusu kazi yako ya utangazaji unalipenda zaidi na lipi unalichukia?

GH: Clouds FM inanipa nafasi kuandaa matamasha hivyo nakutana sana na artists wakubwa wa Tanzania na nje ya Tanzania kama Koffi Olomide, Shaggy na wengineo wengi. Pia watanzania wananithamini sana na kunialika katika mambo mengi. Pia nimejuana na watu wengi wakiwemo viongozi wa nchi, sababu ya hii kazi. Naipenda sana kazi yangu.

Jambo linalonikwaza katika kazi hii ni kwamba bado vyombo vya habari Tanzania tuna uoga wa kukosoa panapostahili. Naona tunakosoa wasanii tu, lakini kuna madakrari, wanasiasa, nk. Wanakosea na twaogopa kusema.

BC: Ni watangazaji gani wa zamani na hivi sasa unaopenda kazi zao?Kwanini?

GH: Namba moja wangu ni Charles Hilary, ana sauti ya radio, ana mzaha unaofurahisha katika radio, na pia lafudhi nzuri ya kiswahili.Charles Hilary anasikilizika hata atangaze chochote. Navutiwa pia Taji Lihundi, ana busara. Pamoja na Othman Njaidi (kwa sasa yuko USA). Kwa upande wa nje ya Tanzania navutiwa na Casey Cassam (mstaafu wa american top 40) na Walt Baby Love. Hao ndo nimekuwa nawafuatilia sana.

BC: Tangu umeanza kazi yako ya utangazaji ni wimbo gani ambao unadhani umeucheza katika vipindi vyako mara nyingi kuliko yote? Kwanini?

GH: Nafikiri nimecheza nyimbo nyingi mara nyingi lakini nakiri kuwa wapo wasanii ambao nawapa mchango mkubwa zaidi. Mfano Matonya (sababu ni mfano mzuri kwa msanii mdogo, alitoa albamu mbili na hakufanikiwa lakini hakukata tamaa mpaka albamu ya tatu akatoka). TID (sababu nadhani ni perfomer mkali Tanzania). Banana (sababu nadhani ni male vocalist mkali Tanzania) na Lady Jaydee (sababu ni female vocalist mkali Tanzania na pia ana kiswahili fasaha katika nyimbo na pia anachoimba kinagusa hisia za watu moja kwa moja)

BC: Je kuna wimbo wowote ambao unakumbuka kuucheza ulipoanza kazi ya utangazaji na bado unaucheza mpaka hivi leo?

GH: Hata sikumbuki.

BC: Nchini Tanzania kumekuwepo malalamiko kadhaa kutoka kwa baadhi ya wasanii kwamba watangazaji kama wewe, wanapokuwa ndio tena mameneja wa baadhi ya wasanii (wewe ni meneja wa baadhi yao) kunakuwepo na upendeleo fulani kuhusu air time mnayompa msanii fulani kulinganisha na mwingine. Unaliongeleaje suala hili? Unadhani kuna madhara yeyote yanayotokana na watangazaji kuwa pia mameneja wa wasanii?

GH: Nadhani mtu yoyote anayo nafasi ya kufanya kazi yoyote bila kujali jinsia au yuko wapi. Cha msingi ni awe na uwezo kiutendaji. Siku hizi waandishi ndio waandaaji wa mashindano ya urembo katika vitongoji hapa Tanzania, je wasipewe nafasi kisa wao ni waandishi? Wacheza mpira ndio wanakuwa makocha, watu mbalimbali maarufu wanagombea viti katika siasa nk. Nafikiri tusichague sura bali tuangalie mwenye uwezo apewe nafasi afanye kazi aliyochagua. Kama kuna ubaya fulani wa mtangazaji kuwa meneja wa sanaa, basi tuuseme ili yafanyike marekebisho.Mimi binafsi nasimamia baadhi ya kazi za wasanii kama Lady Jaydee, Mr Blue. Pia natoa mchango wa ushauri kwa wasanii wengine hapa home kama TID, Ferooz, Mandojo & Domokaya, Q-Chief… nk

Ukweli ni kwamba msanii anapewa upendeleo kutokana na hadhi, mafanikio na ukubwa wake. Mfano Michael Jackson na Akon wote ni artists wazuri, lakini MJ anaweza kupata attention zaidi ya Akon sababu ya nguvu aliyonayo. Na hata katika nyimbo zipo zinazopendelewa zaidi kutokana na uzuri wake na nguvu ya msanii kwa jamii. Msanii mzuri lazima atatoa wimbo mzuri na lazima utapigwa zaidi kwa sababu hata wasikilizaji wanapenda kusikia kitu kizuri na sio ilimradi tu. Hiyo ipo kote duniani na sio katika muziki tu.

BC: Unapokuwa haupo studio au katika maandalizi ya aina yoyote ile kwa ajili ya kipindi chako huwa unapendelea kufanya nini?

GH: Nakuwa home katika tv au theatre katika movie.

BC: Malizia sentensi ifuatayo tafadhali:

BC: Msemo au neno ninalolitumia sana kila siku ni………..
GH: Umeona Bwana.

BC: Unatoa ushauri gani kwa mtu yeyote anayetaka kufanya kazi ya utangazaji?

GH: Usiige, gundua hisia yako, sikiliza sana wenye uwezo ili ujifunze. Sifia zaidi kuliko kukosoa kwani tuko katika hatua za kujenga bado. Na mwisho promote vipaji na bidhaa za nyumbani.

BC:Asante sana kwa kutupa muda wako. Tunakutakia mafanikio mema katika kazi zako.

GH: Shukrani kwenu pia.

Feedback / Comments