“REAL HIP HOP HAIPIGWI RADIONI”-FID Q

Comments

→ February 25, 2010 → Tags: Bongo Fleva, Burudani, Muziki, Sanaa/Maonyesho →

Kila ifikapo tarehe 13 August, yeye hukumbuka na kusheherekea siku yake ya kuzaliwa. Alipozaliwa pale jijini Mwanza,kaskazini mwa Tanzania wazazi wake walimpa jina la Fareed. Leo hii kwa wengi anatambulika kama Fid Q.

Kama ambavyo umeshasikia,leo hii,tarehe 25 Feb 2010, album yake inayokwenda kwa jina Propaganda inaingia mtaani.Kwa hiyo leo ukizunguka mitaani,usishangae kukutana na mtu kabeba CD mpya ya Fid Q au ukasikia sauti yake kwenye gari,magari,usafiri wa umma.Jambo moja muhimu unaloweza kufanya ni kujipatia nakala yako halisi.Hakuna njia nzuri zaidi ya kuunga mkono juhudi za wasanii zaidi ya hiyo!

Hivi karibuni nilipata nafasi ya kuzungumza machache na Fid Q kuhusu ujio wa albamu hii ya Propaganda,muungano wa wasanii wa bongo fleva na pia suala zima la nyimbo nyingi za bongo fleva kuwa na maudhui ya mapenzi zaidi ya kitu kingine chochote.Kwanini ameiita album yake Propaganda? Anamaanisha nini? Je unajua Fid Q ana mtazamo gani kuhusu muungano wa wasanii?Je anasemaje kuhusu mchango wa vyombo vya habari katika maendeleo au kifo cha muziki wa kizazi kipya? Fuatana nami katika mahojiano yafuatayo;

BC: Kwanza hongera kwa album mpya.Labda kwa ujumla tu,album hii umeitengenezea katika studio zipi,itakuwa na nyimbo ngapi na umewashirikisha wasanii gani wengine?

Fid Q: Asante sana kaka.Album hii nimeifanya katika studio 3 tofauti.Nimefanya kwa MJ Records, Tongwe Records na kwa Lamar.Nimewashirikisha wasanii kama AY, NCHA KALI, MZEE ZORRO, JUMA NATURE,QJ, NYLON WA MANZESE CREW, BI KIDUDE na wengine kibao bila kuwasahau MATONYA na MZUNGU KICHAA.

BC: Kwanini umeiita Propaganda?Kuna ujumbe wowote maalumu kutokana na jina la album?

Fid Q: Nimeiita propaganda kwasababu kuna ujumbe maalum ndani yake nadhani hata kava linajieleza vizuri.

BC: Unaweza kunidokezea kidogo kuhusu ujumbe huo?

Fid Q:Kuna mstari (line) ndani ya hiyo nyimbo zinasema NI UCHUNGUZI TU WA KISAYANSI AMBAO HAUKUFANIKIWA/ KAMA ULE WA NG’OMBE KULA NYASI TU HALAFU ANATOA MAZIWA.

BC: Kumekuwepo na malalamiko kadhaa(mimi binafsi nikiwemo) kwamba wasanii wengi wa muziki wa kizazi kipya,wamejikita zaidi katika kuimba nyimbo zenye maudhui ya mapenzi.Najua wewe nyimbo zako nyingi zina falsafa.Lakini unadhani kwanini wasanii wengi wanaimba nyimbo za mapenzi zaidi na kutozingatia mambo mengine yanayoikabili jamii?

Fid Q: Kiukweli jamii yetu inakumbwa na mambo mengi… especially sisi ambao tuko 3rd world(dunia ya tatu) Lakini huwa sishangai kuona watu wanapenda kusikia love song au hata media kuzipromoti zaidi nyimbo zenye ujumbe huo kwa sababu Love is love, love is love is love love namaanisha LOVE IS LOVE,LOVE.LOVE IS LOVE..LOVE.

Binafsi huwa naona ni bora nifanye love song kuliko kufanya party song na nijuavyo mimi kuhusu soko letu la muziki wa Swahili Hip Hop kuna formula inabidi tuifate, ili kuweza kuteka masikio ya wasikilizaji nayo ni Even if you are trying to teach and motivate pia inabidi u-entertain.

Fid Q(kulia) akiwa na Mzungu Kichaa ambaye ni miongoni mwa wasanii aliowashirikisha katika Propaganda.

BC: Una maanisha kwamba wimbo kuhusu mapenzi unapewa kipaumbele zaidi na media kuliko nyimbo kwa mfano inayoongelea jinsi ya kujikomboa kifikra au kutoka katika umasikini?

Fid Q: Exactly.Love Songs zinapewa kipaumbele sana na media.Si unaona hata States; mbona ile ngoma ya HAITI haijahit? Au Bongo kuna ngoma ilifanywa kuhusu maafa ya mafuriko ya Kilosa lakini haijahit pia?

BC: Kwa hiyo ili wasanii wabadilike na kubalance kati ya nyimbo za mapenzi na nyimbo zingine,unachosema ni kwamba media lazima nayo ibadilike.Au sio?

Fid Q: YAP…na ndio maana kuna msemo huwa tunausema REAL HIPHOP

haipigwi radioni.Media zinasema Lil Wayne ndio mwana hiphop bora.Mimi nikimsikliza Lil Wayne naona hana similies, metaphors, words play na vitu vingi tu hata punchlinez zake sio kihiivyo lakini ndio kajinyakulia tuzo kibao mwaka jana na juzi.Media zimeupa kipaumbele uongo kiasi kwamba watoto wa siku hizi sio Afrika tu bali hata ulaya wanaamini RAMBO ndio hero!

BC: Tuje kidogo kwenye suala la umoja na mafanikio miongoni mwa wasanii.Wewe ni msanii ambaye tunaweza kumuita mkongwe.Unadhani ni kitu gani kinachowafanya wasanii msiwe na umoja wenye nguvu ili kuwa na mafanikio zaidi?

Fid Q: Wengi bado tuna njaa ya chips vumbi.Tushakaa sana na kujadili kuhusu suala la umoja lakini mara nyingi kikao huwa kikiisha na harakati zinaishia hapohapo.Unapomwambia mtu kuhusu kukomaa tusifanye show kwa kiasi hiki cha fedha, bali tufanye kwa kiasi kile wengi huwa hawaamini kwasababu wanahisi mie nishafanikiwa kiaina kwa hiyo labda nataka kuwapigisha ili wasiyafikie malengo yao.So hakuna atakaye risk on such an outlandish idea regardless of how many mifano ushawaonyesha.

BC: Pamoja na “njaa” za baadhi ya wasanii ambazo unazizungumzia,unadhani serikali kupitia wizara yake ya utamaduni kwa mfano,inaweza kufanya chochote ili kuhakikisha kwamba jasho lenu kama wasanii halipotei bure?

Fid Q: Serikali inabidi ijue kitu kimoja… ikitaka kujua kuhusu matatizo ya wasanii inabidi ikutane na wasanii wenyewe na sio mshika dau yeyote!! Sanaa yetu hii ambayo kila siku wasanii wake wanalia kwa shida na wengine wanadharaulika kama ikipewa kipaumbele inaweza kuzaa ajira zaidi ya milioni mbili ndani yake kama ikipewa kipaumbele.Sidhani kama unahitaji mifano kuhusu hili kaka.

Fareed

BC: Hivi karibuni nimesoma makala moja ambayo ilisema,mfumuko wa studio unachangia katika kudidimiza muziki nchini.Kwamba siku hizi msanii akipata hela kidogo anaenda na kujifunza kupiga keyboard kisha anaanzisha studio yake.Unasemaje kuhusu hilo..

Fid Q: Mimi siamini kama wingi wa studio unaua mziki.Kinachoua mziki ni kile kinachotengenezwa na hizo studio.Unajua mziki ni sanaa… na sanaa ni kitu ambacho hakina mipaka au sio?

BC: Asante kwa muda wako Fid Q.Nakutakia kila la kheri katika uzinduzi mzima wa album yako,mauzo na mitikasi mingine.

Fid Q: Asante sana kaka.Kila la kheri katika kazi zako na wewe pia.

Recent Articles

Wadhamini / Sponsors

Current Date:

Recent Comments

Sponsored Ads

Blogroll

BC Archives

Globe Tracker

Sponsored Ads

Register for Events

“REAL HIP HOP HAIPIGWI RADIONI”-FID Q

Name
E-mail