Blogging for good 5 YEARS. You definitely deserve all the Congratulations.Hongera mdada.Kwa picha na habari zaidi,tembelea hapa.

Be Sociable, Share!

• 

Ingawa kila siku idadi ya bloggers wa kitanzania inazidi kuongezeka,idadi ya wanawake wanaoblog bado ni ndogo ikilinganishwa na wale wa kiume.Yawezekana ni kwa sababu wanawake bado hawajapata mwamko wa kutosha au pengine ni kitu ambacho bado wanakipa kisogo.

Lakini pamoja na idadi ya wanawake kuwa ndogo,wanaofanya hivyo wanafanya kazi nzuri sana ya kuwawakilisha wanawake wenzao.Miongoni mwa wanawake hao ni pamoja na Shamim Mwasha au Zeze kama anavyojulikana kwa watu wake wa karibu.

Iwe ni shughuli yenye mvuto wa kitaifa au wa mtu binafsi(hususani zile zenye kuwagusa wanawake zaidi),ukihudhuria na kutizamatizama katika watu waliopo mstari wa mbele katika kuchukua kumbukumbu iwe ni kwa kutumia picha za mgando(still photos) au videos,bila shaka waweza kumuona Zeze.Ukimsalimia atakujibu na kukurushia tabasamu ambalo naweza kusema ni “signature” yake.

Hivi karibuni nilipata nafasi ya kufanya naye mahojiano ambayo utayasoma hivi punde.Zeze ambaye blog yake inakwenda kwa jina www.8020fashions.blogspot.com, anaweka bayana mambo kadhaa kuhusu harakati zake kama mwandishi wa habari(taaluma yake) na pia blogger pamoja na ujasiriamali.

Yote tisa,kumi ni kwamba siku chache zijazo,Shamim kupitia blog yake ya 8020fashions,anasheherekea miaka mitano(5) tangu aanze shughuli ya kublog au Libeneke la kublog kama ambavyo rafiki yangu Issa Michuzi hupenda kuiita shughuli hii.Nimemuuliza pia maswali machache kuhusu siku hiyo maalum kwake na kwa wapenzi wa blog yake ambayo itafanyika pale Diamond Jubilee tarehe 30 October,2011.Twende pamoja katika mahojiano yafuatayo;

BC: Umekuwa uki-blog kwa muda gani mpaka hivi sasa?Nini kilikusukuma katika kuanzisha blog yako?

SM: Huu ni mwaka wangu wa tano sasa tangu nianze hili libeneke.Kikubwa kilichonisukuma kilikuwa ni nia yangu ya kutangaza biashara ya duka langu la nguo liitwalo 8020 Fashion lililopo Sinza.Nikaona nifungue blog ili niwe naweka nguo na bidhaa zingine kadiri zinavyowasili dukani.Sasa kama ujuavyo si kila siku naweza kuwa na new arrival na ili watu warejee kuangalia blog ndio nikaanza kuweka picha za matukio mbalimbali huku nikiwa nimejikita kwenye fashion zaidi katika kuonyesha nini kilivaliwa wapi na nani na mambo kama hayo.

BC: Kitaaluma wewe ni mwandishi wa habari. Sasa ukiwa kama blogger,unadhani kuna tofauti gani za kimsingi kati ya mwandishi wa habari wa kawaida na blogger? Je,kuna misingi ambayo wote (a journalist and a blogger) wanayotakiwa kuzingatia?

SM: Ni kweli kabisa,ipo tofauti kubwa sana. Kama ujuavyo blogger inakuwa ni mimi kama mimi ambapo nisipo-update ni blog inakuwa imelala doro. Hivyo kuwa kama blogger inabidi uwe na juhudi binafsi za kujituma kitu ambacho ni tofauti na mwandishi wa habari ambapo hata wewe usipoenda kazini au kufanya kazi gazeti ni lazima litoke tu.

BC: Blog yako imejikita zaidi katika kuandika habari za urembo,shughuli kama vile harusi,kitchen party,fashion shows nk.Ni kwanini uliamua kuwa na “niche” kama hiyo?

SM: Niliamua kuchagua masuala ya fashion na urembo kwa sababu mimi mwenyewe napenda urembo na fashion. Nilichagua kuweka matukio hayo kwa sababu niliona ni matukio ambayo yanatokea kila wiki ambayo yanahusisha watu tofauti na ambayo mimi kama Shamim ndio ambayo huwa nayahudhuria mara nyingi ukilinganisha na masuala mengine.

BC: Wewe ni Mama,Mjasiriamali,Blogger nk.Bila shaka haya yote kwa pamoja ni majukumu ambayo yanakuhitaji uwe “organized” kupita kawaida.Unawezaje kutimiza yote haya kwa mpigo?

SM: Ni kweli kabisa kwamba ili kukabiliana na majukumu yote kama ulivyoyataja hapo juu kunahitajika suala la kuwa “organized”. Na naomba nikiri kwamba sometime inakuwa ngumu kuyabalance hayo ila najitahidi kila moja kulipa nafasi yake kulingana na upana wa jambo kwa wakati huo.

BC: Ni watu gani hapa ulimwenguni ambao unawaona au kuwachukulia kama role models wako?

SM: Kama mwanamke yeyote ambaye anapenda maendeleo na kujituma oprah winfrey ananikosha saana, kwa upande wa style na mavazi Michelle Obama ananibamba saana

BC: Kila kukicha watu mbalimbali wanaanzisha blogs.Una ushauri gani kwa bloggers wapya?Ni kitu gani muhimu inawabidi wazingatie pindi wanapoamua kuanzisha blogs?Siri yoyote ya mafanikio?

SM: ni kweli kila leo blogs zinaanzishwa na natumiwa link like niwasuport kwa kuwalink…ushauri ninaowapa bloggers ni kuwa wabunifu wakujua nini wanataka mfano mtu aamue ajikite kwenye michezo iwe michezo na pia wasikomalie kitu kimoja vile umeona michuzi ana blog ya habari basin awe uanzishe habari au sababu shamim anafanya fashion nawe ufanye iyo, kibuwa wawe wabunifu kwani kuna vitu vingi saana vya kuongelea ukiondoa habari na fashions, siri ya mafanikio ni kujituma tu

BC: Waandishi wengi huwa wanazungumzia kitu kinachoitwa “writer’s block.Yaani unaamka unakuwa hujisikii kuandika chochote na kimsingi unakuwa kama huna cha kuandika! Wewe kama mwandishi,hali hiyo inapokutokea huwa unafanya nini ili kujirudisha kwenye mstari?

SM: mimi blog yangu niliiweka iwe ya style ya picha zaidi kwa hiyo siandiki mara nyingi naamini ule msomo wa kusoma huwezi hata picha kuoni….yaani picha zangu zajielezea…na hata ikinitokea hilo kama unavyojua mambo ya utandawazi naweza ingia mtandaoni nikaperuzi kuna nini kipya kiulimwengu na refresh na kupata angle ya kuanzia

BC: Kuna jambo moja ambalo huwa linaongelewa sana mitandaoni; kwamba wanawake mara nyingi hampendani. Ukiwa kama mwanamke,tena mwanamke ambaye yupo mbele katika media nk.Kuna ukweli wowote katika hili au ni kutokuelewana tu kwa kiasi fulani katika hulka na mienendo?

SM: siwezi pingana na hilo la wanawake kutokupendana kwani ni kitu kipo na misemo imewekwa na wahenga (adui wa mwanamke ni mwanamke mwenzie) kikubwa ni sisi kama wanawake kubadilika kuweza appreciate kile mwenzako anachofanya badala ya kumkatisha tamaa kwa maneno ya dhihaka unaweza muelewesha ina right way na hata wengine wakaelimika na kile ambacho ulichonacho…maana sisi hadi kuamua kushare na watu hiki kidogo tulichonacho ni tuna nia nzuri tu nao watupe support kutimiza malengo yetu

Shamim Mwasha “Zeze” akifanya kile apendacho kufanya.

BC: Kuna kitu gani kuhusu wewe na maisha yako ambacho watu wengi wakisikia itakuwa mara yao ya kwanza kufanya hivyo?Anything?

SM: Hahhaha mie ni mpenzi wa michezo mnoo, mie mwenyewe ni mchezaji mzuri wa michezo kama basketball, netball na volleyball…. Kwani nilikuwa nashikiriki saana michezo hadi umiseta huko ni kitu napenda na ninakimudu, sema watu ndo wameniona nimejikita kwenye hii sekta tu, ila kama nisingekuwa nahii kitu mie ningekuwa nimejikita saana michezoni.

BC:
Wakati tunakupongeza kwa kutimiza miaka mitano lipo swali ambalo baadhi ya wadau wa blogs nikiwemo mimi mwenyewe tumeanza kujiuliza,kwanini sherehe ya mafanikio hayo ni maalumu kwa wanawake tu?Kwanini kauli mbiu ya siku hiyo umeiita Tujiamini,Tujipende,Tushikamane?

SM: Kwanini wanawake? kwa sababu ndio target yangu haswaa niliyoitarget tangu naanzisha libeneke.Kama nilivyoeleza hapo awali 8020 fashions blog niliifungua kwa ajili ya kutangaza bidhaa za dukani kwangu ambazo ni za kike, nikaja kujikita kwenye fashion  ambapo wengi ninao walenga ni wanawake na vitu vingi navyoongelea ni mavazi ya kike hata miitano huko ni shostito , mamito nk, na hata sherehe nyiingi nilizohudhuria humu ni kitchen party kushinda hata harusi na bachelors party.Hivyo nikaona hii sherehe wacha niungane na hawa hawa wanawake  wenzangu ambao mimi ninaona ndio tunaongea lugha moja tangu miaka mitano iliyopita.

Kauli mbiu ni tujiamini, tujipende na tushikamane

Yes tujiamini; ni mimi mwenyewe nataka niwaonyeshe Wanawake Tunaweza, kwanza  nimesimama toka miaka mitano iliyopita katika libeneke hili na hadi leo hii naikita miaka mitano nikiwa speed ileile, hivyo nataka hii kauili iwe changamoto kwao kuwa  hata wao wakitaka lao wanaweza kufika nakutimiza malengo yao.Siri ni kujiamini tu kuwa kile unachofanya kipo sawa na upo tayari katika kukitetea na kukisimamia .

Tujipende:Ndio…haswaa maana ya 8020 fashion blog ni mitindo mwanzo mwisho na ninaamini huwezi kufuatilia mitindo kama hujipendi. Kwa hiyo kujipenda kutakupelekea wewe kujiamini.

Tushikamane;Hii ndio nia kubwa ya 8020 kuna kitu naita K.K.W Kizuri Kula na Wenzio. kuwa tumejiamini, tunajipenda na sasa tunashikamana sisi kama wanawawe tushikamane as tusaidiane tupeane tafuu, tunyanyuane  ili kusaidia wanawake wote wajiamini na wajipende , na ndio maana hata wanaponunua tiketi kuna 5,000 inakatwa kwa ajili ya kwenda kuwasaidia wanawake wenzetu wajasiriamali wadogo wadogo ili nao waweze kujinyanyua ndo kushikamana kwetu huko.

BC: Nikupe nafasi utoe ushauri wowote ule kwa vijana hususani kuhusu maisha,kujiwekea malengo nk.

SM: Kikubwa nachoweza kuwashauri ni wao kujua nini wanataka na wakifuate, katu wasifanye kitu sababu Fulani anafanya, kabla ya kuanza kufanya chochote jiulize je unakipenda, uko tayari kukiendeleza au kukifanya kwa nguvu zako zote, sio wafanye kitu ikatokea wakapata challenge kidogo wanaachaa.

BC: Asante Shamim kwa muda wako.Kila la kheri katika kazi zako

SM: Shukran BC kwa kunipa nafasi hii adimu nami kushare haya nilonayo,

Be Sociable, Share!

• 

Nestory Fedeliko — wengi wetu tunamfahamu kwa jina “FeDë” — ni mchoraji katuni chipukizi kiumri. Lakini kwa upande wa kazi, utasamehewa ukidhani ni mtu ambaye labda mvi zimeanza kuota utosini!

Jamaa zetu wa Vijana FM walipata nafasi ya kumuhoji; kama ilivyo desturi yao, walimuuliza maswali matano tu. Walichopata ni majibu mazuri na ya kina — tafadhali, usiruhusu uvivu ukuingie kwasababu mahojiano yanaonekana ni marefu. Kuna hadithi na visa vya hapa na pale vitakavyokufanya utabasamu na ucheke. Majibu mengine yatakukumbusha mbali. Mengine yatakushangaza. Bila kusahau, FeDë ameamua kutoa nasaha kuhusu fani ya uchoraji wa katuni na maisha kwa ujumla.

BONYEZA HAPA KUSOMA MAHOJIANO HAYO:

Be Sociable, Share!

• 

Kama wewe ni mfuatiliaji wa masuala ya watanzania mtandaoni,bila shaka utakubaliana nasi kwamba miongoni mwa mahali ambapo mengi hutokea na mengi huandikwa kama sio kujadiliwa basi mahali hapo ni katika blog inayokwenda kwa jina la U-turn.

Ni blog ambayo ingawa haina umri mkubwa(ilianzishwa mwaka mmoja na nusu tu uliopita), tayari imefanikiwa kuwa chanzo muhimu cha habari,michapo,maoni,matukio bila kusahau udaku wa hapa na pale.Ni mafanikio ambayo sio ya kubeza.It is what it is!

Mwendeshaji na mmiliki wa U-turn si mwingine bali Mange Kimambi ambaye miaka michache iliyopita ilikuwa ukisikia jina lake basi ilikuwa ni kupitia kurasa mbalimbali za magazeti hususani yale yanayoitwa “magazeti pendwa”. Leo hii mambo ni tofauti. Ni mama,mke,mwanafunzi na blogger mwenye idadi kubwa tu ya wasomaji na wafuatiliaji.

Hivi karibuni tulipata nafasi ya kufanya naye mahojiano ya kina. Hii ni mara ya kwanza kwa Mange kufanya mahojiano ya kina na chombo chochote cha habari.

Je,Mange ni nani hasa?Ametokea wapi mpaka kufikia alipo hivi sasa ambapo kila siku idadi ya wasomaji na wanaofuatilia maisha yake na anachokiandika inazidi kuongezeka? Ni matukio gani katika maisha yake ambayo kwa namna moja au nyingine yamechangia in making her who she is today?

Nini siri ya mafanikio yake au ya blog yake?Unataka kujua ana maoni gani kuhusu mambo mbalimbali kama vile uongozi wa Rais Jakaya Kikwete?Ana ushauri gani kwa wasichana wadogo(teen girls)? Kwa majibu ya maswali hayo na mengine mengi,fuatana nasi katika mahojiano yafuatayo;

BC: Mange,Karibu sana ndani ya BC.Mambo vipi?

MANGE: Asante sana.Feels good to be here!

BC:
Nimewahi kusoma mahali kwamba maisha yako ni kama vile kitabu kilicho wazi(an open book) ambapo kila anayetaka kusoma anayo nafasi ya kufanya hivyo.Lakini bila shaka utakubaliana nami kwamba wapo ambao hawajui lolote kuhusu historia ya maisha yako.Naomba tuanzie hapo…kwa kifupi tu ulizaliwa wapi,lini,ukasomea na kukulia wapi na mambo kama hayo.

MANGE: Nilizaliwa Hindu Mandal,Hospital- Dar es Salaam.Cheti changu cha kuzaliwa kina mwaka tofauti na passport yangu.According to my passport, I was born in 1980 lakini tukifuata Birth Certificate kuna difference ya 4years.Hii imetokana na kuna wakati mama yangu alitaka kunitoa kwa baba yangu akidai kwamba nina miaka chini ya 7.So kutokana na sheria za Tanzania natakiwa kuishi na mama. Baba yangu naye akawa na documents zake zinazosema nimeshapita miaka 7 kwa hiyo natakiwa kuishi na baba.So mama alikuwa na cheti changu cha kuzaliwa chenye umri tofauti na baba naye na passport yangu yenye umri tofauti.GO FIGURE.

Primary nilisoma Arusha School iliyoko Arusha- the best memories of my childhood came from my time there. Nilifanikiwa kufaulu mitihani ya darasa la 7 na nilichaguliwa kujiunga na Arusha Secondary.Baba yangu alifurahi sana na akanizawadia kwa kunipeleka kusoma Zimbambwe.So niliishi Harare miaka kadhaa kwa masomo yangu ya secondary.

Baada ya hapo nilikwenda Marekani kuanza masomo yangu ya juu.Kwa bahati nzuri (siwezi kusema bahati mbaya) nilijifungua mtoto wa kike,Bhoke, nikiwa Marekani jambo ambalo lilinifanya nirudi nyumbani kujipanga upya.

Then in 2004 nilijiunga na AVU-UDSM ambapo nilipata degree yangu ya Business Administration na sasa nipo Dubai nasoma Masters(MBA)

Mostly nimekulia Dar-es-salaam.

BC: Unakumbuka nini zaidi kuhusu maisha yako ya utotoni?Ulitaka kuwa nani,ulipenda michezo gani na tukio gani la utotoni ambalo hutokaa ulisahau?

MANGE: Yaani sijui pa kuanzia. Maisha yangu ya utotoni hayakuwa mazuri sana.,Mimi nimelelewa na baba yangu pamoja na mama yangu wa kambo. Baba alinipenda mno kama roho yake yote.Ila mama yangu wa kambo alinitesa sana.Niliishi maisha machungu sana enzi za utoto wangu. Huyu mama aliolewa na baba yangu nadhani kabla hata sijafikisha miaka miwili.Imagine mwanamke ukabidhiwe mtoto wa miaka miwili huyo mtoto si atadhani wewe ni mama yake?Ila mama yangu wa kambo alikuwa na roho mbaya sana.Alikuwa akinipiga sana,kunitukana sana,hanivalishi vizuri kama anavyowavalisha wanae.Alichokuwa akichukia zaidi ni mapenzi baba yangu aliyokuwa nayo kwangu. Ilifika stage nilikuwa nalilia kusoma boarding school ili tu niwe mbali naye.

Na kutokana na mateso niliyokuwa nayapata kwa mama yangu wa kambo, nilijikuta nimekuwa bully shuleni. Kwanza nilifukuzwa shule ya vidudu nikiwa na miaka 6 sababu ya kupiga watoto wa kihindi.Imagine miaka 6 nilifukuzwa shule!Primary nilisoma Arusha school, ambako huko ndo mpaka leo nina maadui sababu nilikuwa ni mwonevu sana.Nilikuwa napiga sana watoto wa wengine.Nilikuwa sisikii,nilikuwa mtoto mtukutu.

Baadaye nilikuja kuelewa kuwa hii yote ilitokana na mateso niliyokuwa napewa na mama yangu wa kambo nyumbani na ndio maana na mimi nilikuwa nikifika shule nawafanya watoto wengine kama mimi navyofanywa nyumbani kwetu.

Mama yangu wa kambo alikuwa ni mnyanyasaji sana wa wafanyakazi wa ndani. Nyumbani kwetu siku zote kulikuwa na vyakula vya aina mbili;chakula chetu cha familia na chakula cha wafanyakazi. Na wafanyakazi chakula chao ni ugali maharage au ugali na mchicha.Nyama wanakula mara moja kwa wiki,na wali pia wanakula mara moja kwa wiki.Ilikuwa inaniuma sana mpaka nikaanza tabia ya kupakua chakula kingiii ambacho siwezi kumaliza ili niwape angalau waonje.Yaani nilikuwa najiona na mimi nina hadhi kama ya wafanyakazi wetu kwa jinsi alivyokuwa akinichukia.Naamini angekuwa na uwezo hata mimi angekuwa akininyima chakula.

Leo hii ninavyoishi mimi,chakula ninachokula mimi ndicho anachokula mfanyakazi wangu.Hata siku moja sijawahi kumwambia ale tofauti na ninavyokula mimi.

Ila kwa upande mwingine yule mama kutokana na maisha magumu aliyonipa tangu nina miaka miwili mpaka nimekuwa mkubwa amenisaidia sana. Kutokana na yale mateso nilijifunza kuji-defend, nilijifunza kufight for myself na the biggest thing nilijifunza ni kwamba hata leo hii ningeolewa na mtoto mwenye mtoto asiye wa kwangu ningempenda huyo mtoto zaidi ya wa kwangu niliyemzaa.

KWA KWELI MY CHILDHOOD WAS THE WORSE PARTY OF MY LIFE,huwa sipendi hata kufikiria wala kukumbuka.Yule mwanamke aliniumiza sana,ila alisahau kwamba watu huwa wanakuja kuwa watu wazima na huwa hawasahau especially kama hujawahi hata kuomba msamaha kwa ulichofanya.

Kuhusu michezo;nilikuwa napenda michezo mingi sana. Nilipata bahati ya kwenda shule iliyokuwa inajali sana sports(Arusha School).Yani mimi ni nilikuwa kapteni wa michezo yote,swimming,kukimbia, na wakati na graduate nilipata tuzo ya sports girl of the year.

Tukio la utotoni ninalolikumbuka mpaka leo ni hili; nilisomaga Bunge Primary School kwa muda wa mwaka mmoja. Basi kuna wakati sikwenda shule kwa muda wa wiki 2 nilikuwa naenda kucheza. Baba yangu akapata taarifa siendi shule.Basi kesho yake akaenda na mimi mpaka shule, asubuhi wakati wa assembly akanichapa mbele ya shule nzima,yani viboko vya ukweli.Ilikuwa noma sana.

BC: Du,pole sana Mange. Kwa upande mwingine nilisikia kwamba wewe na mama yako wa kambo mnagombea mali za Marehemu Mzee Kimambi?Kuna ukweli katika hili?

MANGE: Sio ukweli, hatukuwa tukigombea.Ni kwamba tu baba yangu hakuacha will.So youu can imagine mtafaruko uliotokea hapo. Mimi niliridhia yeye awe msimamizi wa mirathi nikiamini kuwa atanipa kilicho changu.Ila nikaona muda unaenda sikabidhiwi share yangu ndio nikarudi mahakamani.

Anyways,mambo yanaenda vizuri tu sasa nimeshakabidhiwa mali kadhaa. Kabla ya mwisho wa mwaka tutakuwa tumeshamaliza makabidhiano.Shukrani nyingi zimwendee mwanasheria wangu Mama Tenga ambae alinipigania sana nipate share yangu na mpaka sasa bado ana fight on my behalf sababu mimi niko mbali.

Mange and her daughter,Bhoke.

BC: Nakumbuka Mzee kimambi alikuwa anamiliki Tiger Motel na lile jumba kubwa la kifahari Mbezi Beach,je bado unaishi pale unapokuwa Tanzania? Na ile hotel imeuzwa au la?

MANGE: Mimi na familia yangu nzima tumeishi kwenye ile nyumba Mbezi Beach tangu mwaka 1989 tulivyohamia kutoka Temeke. Nikiwa Dar siishi pale na sijaishi pale zaidi ya mwaka mmoja sasa kutokana na kutoelewana na matatizo ya hapa na pale.Ila kisheria ile nyumba ina milikiwa na watu wanne wakiwa ni mimi,wadogo zangu wawili na step mother wangu na nina haki ya kuishi pale muda wowote nitakaojisikia.Hata watoto wangu wana haki ya kuishi pale. Same na Tiger Motel wote tumeshamegewa share zetu mahakamani sasa nasubiri tu kukabidhiwa mshiko wangu sababu shareholders waliobaki wanataka kuni buy out ila kama ikishindikana mimi nita wa buy out au hotel itapigwa mnada kila mtu apewe chake.Ni hayo tu.

Naomba usiniulize swali lingine linalohusu mirathi ya baba yangu.It’s a very sensitive issue, especially ukizingatia kwamba huyo mama yangu wa kambo pia ndo mama wa kaka zangu wawili ambao nawapenda kupita kiasi.So tuachie hapa hii issue.

BC: Kama binadamu huwa tunapewa ushauri au mawazo mbalimbali.Ni jukumu na maamuzi yetu kuyazingatia au kuachana nayo.Kwa upande wako unaweza kukumbuka ushauri gani ambao unadhani ulikuwa wa maana zaidi na ambao umeuzingatia mpaka leo katika kuendesha maisha yako.Nani alikupa ushauri huo?

MANGE: Ushauri mzuri sana niliowahi kuupata katika maisha yangu ni kuhusu elimu.Baba yangu alikuwa mkali sana kwenye suala la shule.Siku zote alikuwa akiniambia bila shule sitokaa kuheshimwa. Pia Dr. Mwele Malecela amekuwa akinishauri kuhusu suala la shule mpaka leo hii. Na naweza kusema huu ushauri umenisaidia sana kwenye maisha yangu kwani nina uhakika chochote kikitokea kwenye maisha yangu elimu yangu itanistiri.

Na baada ya baba yangu kufariki ghafla na kutuacha tukiwa hatujui tuanzie wapi, nilijifunza kwamba mwanamke hutakiwi kujiweka tu bila shughuli yoyote au elimu sababu umeolewa na mtu mwenye uwezo kwani huwezi kujua Mungu kapanga nini.Kwa hiyo ni lazima kujidhatiti na elimu.ELIMU ITAKUSTIRI.

BC: Ni kitu gani kilichokushawishi kuanzisha blog ya U-Turn na kwanini jina U-Turn?Malengo yako ya awali yalikuwa ni yapi? Bado malengo ni yale yale au yamebadilika kidogo?

MANGE: Ukweli ni kwamba kitu kikubwa kilichonifanya nianzishe U-TURN ni baada ya kuona nanyanyasika sana kwenye magazeti ya udaku na blog za watu wengine.Yani magazeti ya udaku –ya Eric Shigongo yalikuwa yanaandika mambo mengi sana ya uongo juu yangu na nilikuwa sina pa kwenda kuelezea upande wangu.Au sometimes nilikuwa nafungua blog ya mtu nakuta comments kuhusu mimi halafu nakuwa sina jinsi ya kujitetea.Kusema ukweli this was the biggest motivation, I JUST WANTED TO BE HEARD.

At first lengo la u-turn lilikuwa ni ku-entertain watu,watu wenyewe wakiwa ni the younger generation 18-40yrs old,na mpaka leo lengo bado ni hilo hilo.

Jina U-TURN nilichagua kutokana na neno lenyewe u-turn.I believe in second chances in life; kwamba unapoona unaelekea kusiko and you wish to make a u-turn uanze upya you can always do so.

BC: Umekuwa blogger kwa muda sasa.Unaweza kusema blogging imebadilisha maisha yako kwa njia moja au nyingine?Kivipi?

MANGE: Mpaka sasa nimekuwa nikiblog kwa muda wa mwaka mmoja na mienzi 6 hivi.Yaani blogging imebadilisha maisha yangu.Before blogging wengi walikuwa wananijua coz of magazeti ya udaku na blog zingine.Ila baada ya mimi mwenyewe kuanza kublog,sidhani kama kuna mtu hanijui…lol….which in a way is great coz message zangu zinakuwa zinawafikia watu wengi sana.

Kwa upande mwingine ni mbaya kwa sababu sasa kuna wasichana wengi wadogo wanapenda kufanya vitu navyofanya,au kuvaa ninavyovaa na mambo kama hayo.In short wanani-admire so hiyo no pressure kubwa kwangu sababu inanibidi niwa influence positively.

BC: Je,kuna siku iliwahi kutokea ukatamani kuachana na blogging?Kama ndio,ilikuwaje?

MANGE: Yes, kuna wakati mwaka jana nilitaka kuacha kublog kutokana na ambitions zangu nilizonazo for the future.Washauri wangu wakaniambia kama kweli nataka hicho kitu niachane na kublog huku wengine wakiniambia nisiachane na u-turn coz naweza kuihitaji huko mbele.

Pia mwaka jana mwishoni nilitaka kuacha sababu ya shule na kuwa na mtoto mchanga. Na nilishaacha ila wasomaji wangu walinisihi sana nisiache wakidai washakuwa addicted to u-turn.My readers are amazing….

BC: Blog yako imekuwa ikitupiwa lawama mbalimbali.Lawama kubwa ni kwamba imekuwa ikitumika kama sehemu ya watu kutukanana,kusengenyana na mambo kama hayo.Nini msimamo wako kama mwendeshaji na mmiliki rasmi wa U-Turn.

MANGE: Unajua mimi ni mtu niliye wazi sana. Kama wewe ni mfuatiliaji mzuri wa uturn utaona kwamba mie huwa naachia comments za watu hata wanapokuwa wananinanga mimi mweneywe.That’s because I believe in freedom of speech.Ila ni kweli naona inabidi nichuje kidogo posts za uturn na comments ambazo zinasengenya watu sababu nia yangu sio kumfedhehesha yeyote.

Mange with one of her best friend,Mwamvita Makamba

BC: Kuna maneno kwamba wewe huelewani na bloggers wenzako hususani wa kike. Kuna ukweli wowote katika hilo? Kama sio unadhani nini kinachangia kuenea kwa tuhuma kama hizo?

MANGE: Ha ha ha, unajua mimi ni mtu tofauti sana.Mimi ni mtu ambaye ni rahisi sana mtu kumpenda na pia ni rahisi sana mtu kunichukia tena bila sababu.Kuna wengi hawanipendi halafu hawajawahi hata kuniona,meaning hawanijui,nina damu ya kunguni tu.lol

Kuhusu hao bloggers wa kike,I guess unayemuongelea ni TK.TK kaokoka these days.So her being the God fearing person that she is, she got in touch with me na kwa muda wetu,privately bila kumuhusisha yeyote tumeyamaliza matatizo yetu recently.

Blogger yeyote mwingine wa kike mwenye matatizo na mimi ni wivu tu unamsumbua.Si unajua wanawake jinsi hatupendani na kuoneana wivu bila mpango.Most bloggers wamekuwa around kabla yangu,halafu mie nikaanza tu ghafla nikawafunika basi ndo imekuwa issue.Manake ukiwauliza Mange kakufanya nini sidhani kama utapewa jibu la msingi.

BC: Blog yako inatembelewa na watu wangapi kwa siku na unatumia muda kiasi gani kwa siku katika kuandika,publishing,kukagua maoni na vitu kama hivyo?

MANGE: Siku za weekdays, kwa siku U-turn in hits kati ya 5000-8000.

Siku za weekends hits ni kati ya 2000-4000. Yani wasomani wangu wanapenda sana kutuma comments.Natumia muda mrefu mno kusoma comments ili nijue zipi niachie,sometimes nachoka kuzisoma na bahati mbaya nakuwa naachia comments zisizofaa.Kwa siku natumia kama 3hrs hivi kutafuta materials za kupost.

BC: Bila shaka umewahi kuzisikia hizi shutuma kwani nakumbuka umewahi kuziongelea; kwamba blog yako au maisha yako una=promote kwamba kuolewa na mzungu ndio njia mbadala au ya kisasa kwa wasichana wa kitanzania endapo wanahitaji kuwa na maisha mazuri.Unajisikiaje unaposikia tuhuma kama hizo?

MANGE: Yani hii issue inaniumiza sana.Sijui hata imetokea wapi.Hivi watu wamesahau nina mtoto wa kike anayeitwa Bhoke na baba yake ni Mtanzania?Sasa leo kwanini niseme kuolewa na mzungu ndio the only way?Labda wanahisi kama ningeolewa na mweusi nisingeweka maisha yangu hadharani.Ukweli ni kwamba I’m such a free spirit na chochote nachofanya sasa hivi ningefanya hata kama ningeolewa na mbongo mwenzangu.

Halafu nani kasema kuolewa na mzungu ndio kuwa na maisha mazuri? Mbona nawajua watu wengi sana walioolewa na wazungu na wamefulia tu? Na kuna wengi nawajua wameolewa na weusi na wako juu ile mbaya? Na pia kuna wanawake nawajua hata kuolewa hawajaolewa na maisha yao ni babkubwa.Na wengine wako divorced na maisha yao ndio yamezidi kushamiri.

Kuolewa na mzungu wala mweusi si chochote.Mwanamke wa maana ni yule ambaye siku yoyote anaweza kuishi bila mwanaume na maisha yake yakawa babkubwa.

Mange,her husband and son,Kenzo.

BC: Pamoja na ku-blog,wewe ni mfuatiliaji wa masuala mbalimbali ya siasa za Tanzania.Bila kuficha umekuwa ukiunga mkono Chama Cha Mapinduzi(CCM).Ni mambo gani ya kiutendaji na kiutawala ambayo yanakuvutia zaidi katika CCM ambayo huyaoni katika vyama vingine? Unauzungumziaje uongozi wa Rais Jakaya Kikwete?

MANGE: Mimi ni mtoto wa CCM.CCM ni kila kitu kwangu.Bila CCM labda nisingekuwa hapa nilipo.Baba yangu alikuwa supporter mkubwa wa CCM.So toka utotoni nimelelewa nikiona wazazi wangu wakikipenda Chama Cha Mapinduzi.Of course na mimi hakuna kingine ninachokijua zaidi ya CCM.

Mambo ya kiutendaji yanayonivutia ni kuhusu suala zima la udini.Hivi umenotice kwamba CCM has an unwritten law kwamba lazima marais wanakuwa wanapokezana kutokana na dini? This time Rais akiwa Mkristo basi atakayefuata atakuwa Muislam.That way watanzania wanakuwa united.Pia angalia bara la Africa ni nchi ngapi Africa zinaweza kujivunia amani kama Tanzania? CCM ni chama chenye nguvu,chama cha haki,chama cha wananchi.

Nilipata bahati ya kumfahamu vizuri Rais Jakaya toka nina umri mdogo sana.I have watched him climb the political ladder toka enzi hizo. Ukweli ni kwamba JK ni Rais mwenye charisma na ndio maana watanzania wengi walimpenda sana na waliweka imani zao nyingi kwake wakati anaingia Ikulu.

Ila sijui nini kilitokea hapo kati kati akajikuta kazungukwa na mafisadi, na ameweka rekodi ya Mgombea wa CCM aliyeshinda kwa kura ndogo sana.Hii yote inatokana na kwamba watanzania wengi walipoteza imani nae kutokana na zile tuhumu za ufisadi zilizotokea ndani ya baraza lake la mawaziri hapo kati kati.Ila kwa hiki kipindi chake cha pili kwa kweli kajitahidi sana na baraza lake la mawaziri.Tumeona new faces ,na old faces zilizorudi ni watu wanaopiga kazi kweli kweki kama Magufuli,Mwakyembe,Nyalandu etc.

Unajua Tanzania ni nchi yenye potential sana.At the moment kuna matatizo kidogo ya utendaji kwenye uongozi mzima wa nchi na watu wenye uchu wa madaraka kama CHADEMA wanatumia matatizo tuliyonayo sasa hivi kuwadanganya wananchi kwamba CHADEMA ndio suluhisho.

Watanzania nina hili la kuwaambia siku mtakayo wakabidhi CHADEMA nchi yetu,labda mtakuwa na umeme kwenye majumba yenu,ila pia tutakuwa tunalala tukisikia sauti za mitutu ya bunduki next door.

Kwanini wewe kama mtanzania unayelalamika kuwa CCM hawaiongozi nchi vizuri kwanini wewe usiende kugombea ubunge huko CCM,au nyadhifa yoyote serikalini ili ubadilishe mambo? Mbona kuna vijana wengi mwaka jana wamegombea na wameingia mjengoni,kama January Makamba. Kuliko kukaa na kulaumu jiulize na wewe unaifanyia nini nchi yako,CHADEMA,NCCR MAGEUZI,CUF na upinzani mwingine wowote sio solution.Solution ni sisi wenyewe na sio kukabidhi nchi yetu watu wasio na experience, au chama kichanga kilichojaa wauza sura. BE WARNED MTANZANIA.

BC: Sasa tuongelee kidogo kuhusiana na masuala ya urembo na fashion kwani ni wazi kwamba mambo hayo unayapa kipaumbele.Ni designer gani unayempenda zaidi au ambaye unavaa vitu vyake zaidi?

MANGE: Mie sivai designer kaka yangu.Natengeneza college fund za watoto ,retirement funds na nyumba.

Mie navaa nguo kutoka duka lolote lenye hadhi ya kati kati kama vile Zara,Jane Norman,River Island,Bebe,Oasis,Top Shop, H&M, Forever 21,KIKIS FASHION etc.

The only thing lazima nivae disigner ni sunglasses tu.Ila tukiongelea designer anayenivutia kwa nyumbani ni Ally Rhemtullah na Mustafa Hassanali.Kwa mamtoni ni Oscar de la Renta.

Mange(right) with some of her best friends

BC: Ni vitu gani vya urembo ambavyo ni never miss katika pochi yako unapotoka?

MANGE: My Mac face powder,Clarin lip gloss,hair brush,Driving licence ,cash & MY BLACKBERRY.

BC: Wewe ni mke,mama,mwanafunzi(pursuing MBA),blogger,shangazi,Ndugu nk.Unawezaje kuoanisha au ku-balance mambo yote haya kwa mpigo?

MANGE: Yani ni ngumu sana.Sababu nawapenda wote walio kwenye maisha yangu na pia napenda kusoma na kuwa na elimu.So nimetafuta jinsi ya kujigawa .Hubby akiwa busy na drawings zake na mie nablog.Mchana akiwa kazini nakuwa busy kusoma au kwenda class na kucheza na mwanangu,Kenzo.

Also natafuta muda wa kuchat na ndugu,jamaa na marafiki kwenye blackberry yangu.I’m addicted to my phone.Weekends siblog kabisa.Weekend ni muda wa kuspend time na mume wangu na mtoto wangu na sometimes going out with friends.

Mange’s husband with their son,Kenzo.

BC: Nikikupa nafasi ya kuwapa ushauri wasichana wadogo(teen girls),ungependa kuwapa ushauri gani?

MANGE: Ningependa kuwashauri kwamba ELIMU ni ufunguo wa maisha.Pia ningependa kuwaambia kwamba, wawe wajasiri wa kuongea wanachotaka kuongea bila woga.Na wawe wakijiamini na kujipenda wenyewe.Wasisikilize yoyote anayewaambia hawawezi kufika mbali au kufanya hiki au kile.In life there will always be people to discourage you.Just be strong.

BC:
Nini mipango yako kimaisha,kiutendaji na uwajibikaji katika miaka 5 ijayo?Will the U-Turn phenomena remain alive?

MANGE:
Yani nina ndoto nyingi sana.Muda mwingine silali usiku nawaza vitu navyotaka kufanya na maisha yangu.Nashukuru Mungu nimepata mume ambae hanibani na anayenishawishi kufuata dreams zangu.

Kuna kitu kikubwa sana napanga kufanya 2015.Nikiwa tayari nitakiweka wazi kwa mdomo wangu mwenyewe.Ndani ya miaka 5 ijayo nataka kutumia umaarufu nilioupata kupitia U-turn kuwasaidia wanaohitaji msaada wangu.Nataka kuonyesha watu kuwa kuna side nyingine ya Mange kimambi ambayo ni kuwa humble and caring.

Nategemea kuitumia MBA yangu kupata misaada ya kuwasaidia wanaohitaji msaada.In short I want to give back to the county that has given me so much.

U-TURN ipo kwa sasa, inaweza ikawepo ndani ya miaka mi5 ijayo au labda kuna siku tutaamka asubuhi na kukuta haipo hewani.Lets enjoy it while it lasts.lol…

BC:
Asante sana Mange kwa muda wako.Kila la kheri katika kazi zako.

MANGE: Asanteni pia na endeleeni na kazi nzuri mnayofanya.

Be Sociable, Share!

• 

Ankal Michuzi (Issa Michuzi) ambaye ni mmoja wa waasisi wa mitandao ya habari ya jamii (blogs) hapa nchini amewashauri wadau wa sanaa hasa wasanii kuanza kuingia kwa kasi kwenye matumizi ya teknolojia hiyo kwani ni njia kubwa ya kujitangaza na kuuza kazi za sanaa kote duniani.

Akizungumza kwenye Jukwaa la Sanaa leo Jumatatu,Michuzi ambaye blog yake ya www.issamichuzi.blogspot.com imepata umaarufu mkubwa kutokana na kutembelewa na watu wengi aliweka wazi kwamba,blogs zimekuwa zikitembelewa na watu mbalimbali duniani hivyo wasanii hawana budi kuzitumia ili kujitangaza, kusambaza kazi zao na hata kujitambulisha katika masoko ya kimataifa.

Alisema kwamba, blogs tofauti na aina nyingine za vyombo vya habari inatumiwa kuhifadhi picha nyingi na kazi mbalimbali, kupata taarifa kuhusu tasnia ya sanaa, kupokea mawazo ya wateja wa kazi za sanaa na hata kuwa na wasaa wa kuwasiliana na wasanii wengine na hivyo kupanuka kimawazo na kiujuzi.

Akizungumzia historia ya blogs,Michuzi alisema kwamba ni teknolojia mpya hapa nchini na kwamba,ilianza kwa kuandika habari za kawaida lakini leo hii ni tegemeo katika kupasha habari kwa uharaka zaidi, kuwafikia watu wengi kuliko vyombo kadhaa vya habari na kimbilio la jamii kwani imekuwa kama sehemu ya jamii katika masuala mbalimbali.

Kwa ujumla Michuzi aliwataka wasanii na wadau wa Sanaa kuamka na kuanza kutumia teknolojia hiyo kwani wasanii mbalimbali duniani si tu wamekuwa wakitumia blog katika kujitangaza na kutambulisha kazi zao bali pia wamekuwa wakimilki mitandao na technolojia mbalimbali za mawasiliano.

Katika kuonesha kwamba, teknolojia hiyo ni muhimu Michuzi ameahidi kuwapa mafunzo ya bure wadau wa Jukwaa la Sanaa juu ya kufungua na kumiliki blog ambayo yataendeshwa Ijumaa ya Desemba 10,2010 kwenye Ukumbi wa BASATA.Wadau wote wa Sanaa mnakaribishwa.

Pichani juu ni Ankal Michuzi akiwaonyesha wadau wa Jukwaa la Sanaa jinsi ya kuweka video kwenye YouTube.

Be Sociable, Share!

• 

Jina la Madaraka Nyerere(pichani) sio geni miongoni mwa watanzania.Ukiachilia mbali ukweli kwamba yeye ni mtoto wa sita wa Hayati Baba wa Taifa, Mwalimu Julius Kambarage Nyerere (kitu ambacho bila shaka kinampa automatic celebrity status), yeye pia ni mwandishi,mfanyabiashara na mtu ambaye huwa hasiti kuelezea hisia zake kuhusu mambo mbalimbali iwe ni katika nyanja za kisiasa,kijamii na hata kiuchumi kila mara fursa ya kufanya hivyo inapojitokeza.

Mwaka jana mwezi wa nne(April) yeye na Jaffar Amin(mtoto wa Iddi Amin-Rais wa zamani wa Uganda) waliingia katika vitabu vya kumbukumbu vya wapenda amani duniani walipokutana kwa mara ya kwanza ikiwa ni ishara ya amani na usuluhisho barani Afrika na kwingineko.

Hivi karibuni nilipata nafasi ya kuzungumza naye kuhusu mambo kadhaa yakiwemo ya kifamilia na pia kupata maoni yake kuhusu mambo mbalimbali.Je,ni kwanini mpaka leo hii hajajiingiza katika masuala ya siasa au uongozi?Anamuelezeaje Hayati Baba wa Taifa kama baba yake na kama kiongozi?Ana ushauri gani kwa wapiga kura katika mwaka huu wa uchaguzi? Ana mtizamo gani kuhusu viongozi mbalimbali ambao hupenda kumuenzi Baba wa Taifa kwa maneno huku vitendo vyao vikiwa tofauti kabisa? Unataka kujua kwanini alipewa jina la “Madaraka”? Ana ushauri gani kwa vijana kuhusu suala zima la kujiletea maendeleo? Fuatana nasi katika mahojiano yafuatayo;

BC: Madaraka,asante sana kwa kukubali kufanya nami mahojiano haya. Kwa faida ya wale ambao hawawajui watoto wa Hayati Baba wa Taifa,Mwalimu Nyerere,nyumbani kwenu mmezaliwa watoto wangapi na wewe ulizaliwa lini,ukasomea wapi na kukulia wapi?

MADARAKA NYERERE: Tuko watoto nane. Mimi wa sita. Nimesoma shule

zifuatazo:

-Shule za msingi: Bunge, Forodhani, Arusha School, Isike (Tabora), Tarime.

-Sekondari: Mzizima, na Tambaza (Dar)

-Post-secondary: Shinyanga Commercial Institute

-Vyuo: Finafrica College (Milan, Italy); Algonquin College (Ottawa, Canada)

BC: Turudishe kidogo wakati wa utoto wako.Ni kitu au tukio gani unalolikumbuka zaidi kuhusu utoto wako?Na ulikuwa na ndoto za kufanya kazi gani utakapokua?

MADARAKA NYERERE: Sina tukio lolote kubwa ninalokumbuka la utotoni. Nahisi baada ya kuanza masomo ya biashara kuanzia kidato cha tatu, tayari nilianza kuwa na mawazo ya kuwa mfanyabiashara. Kabla ya hapo, sikumbuki kama nilikuwa na ndoto za kufanya kazi nyingine.

BC: Uliwahi kuelezwa kwanini ulipozaliwa ulipewa jina la Madaraka?Ilikuwaje kukua kama mtoto wa Rais au katika mazingira ya Ikulu na mambo kama hayo?

MADARAKA NYERERE: Nilipewa jina hilo kwa sababu nilizaliwa kabla ya Uhuru, 1960, wakati mamlaka ya utawala yalianza kukabidhiwa kwa wazalendo kwa ajili ya kujiandaa kwa Uhuru. Wakati huo iliundwa Serikali ya Madaraka, na ndiyo nikapewa hilo jina.

Tuliishi iliyopo Ikulu ya sasa kwa muda wa miaka michache baada ya Uhuru, lakini kwenye miaka ya katikati ya sitini, tulihamia Msasani. Mazingira ya kuishi Ikulu na Msasani hayakuwa na utofauti sana na jamii tuliyokuwa tunaiona kila siku tukienda shule, au tuliyotembela nje ya mazingira ya nyumbani, zaidi ya kwamba yalikuwa ni makazi ya rais na yalilindwa na askari.

Lakini hao walikuwa ni walinzi wa rais, na sisi hatukuwa na walinzi wowote. Lakini naamini hili ndiyo hali ilivyo hata mpaka sasa hivi kwa familia ya Rais, kuacha mke wa Rais.

BC: Pamoja na masuala ya uandishi,unajishughulisha na kazi zipi zingine?Je,na wewe ni mkulima kama alivyokuwa Hayati Baba wa Taifa?

MADARAKA NYERERE: Shughuli kubwa ninayofanya sasa hivi ni kuweka jitihada katika kutangaza Kijiji cha Butiama kama eneo la kumbukumbu inayomhusu Mwalimu Nyerere kwa kuwa ni sehemu aliyozaliwa, na ni sehemu ambayo amezikwa. Ninafanya jitihada pia ya kukusanya kumbukumbu zinazomhusu yeye. Najihusisha pia na kuendeleza utalii wa utamaduni katika kanda ya Ziwa, kwa mikoa ya Kagera, Mwanza, na Mara.

Aidha, kila mwaka (tangu 2008), hupanda Mlima Kilimanjaro kuchangisha pesa za hisani kusaidia masuala mbali mbali.

BC: Wewe ni mtu unayefuatilia kwa karibu masuala ya mila na desturi.Nimekusoma mara kwa mara ukielezea habari mbalimbali za kimila na kitamaduni hususani za kabila lenu la Wazanaki.Sasa kwa upande mwingine,vijana wengi wa siku hizi hawataki sana kusikia au kuzingatia masuala ya mila na tamaduni.Wanadai mambo hayo yamepitwa na wakati.Unasemaje kuhusu mtazamo huo wa vijana?

MADARAKA NYERERE: Jamii yoyote isiyoweka jitihada ya kulinda na kudumisha utamaduni wake inatoa fursa kwa tamaduni nyingine kuchukuwa nafasi na kuweka ushawishi katika mawazo ya vijana wake.

Mimi naamini kuwa kushabikia tamaduni nyingine kuna hatari ya kutufanya tusiwe na misimamo thabiti ya kutetea yale ambayo yanaweza kuwa na manufaa kwetu. Ukishakuwa huna utamaduni wa kutetea, unakuwa tayari kupokea lolote linalokuja toka kwenye tamaduni nyingine, na siyo yote yanayotoka nje yana manufaa kwetu.

Hao vijana ambao wanaona kuwa utamaduni umepitwa na wakati watakuwa tayari wamekumbwa na hilo tatizo.

Madaraka Nyerere(mtoto) akimuangalia baba yake,Mwalimu Nyerere,akipiga ngoma.

BC: Umewahi kuandika mahali kwamba mara nyingi watu hutegemea kwamba mtoto wa mwanasiasa,tena wa mwanasiasa mashuhuri na maarufu kama Mwalimu,na yeye atakuwa mwanasiasa.Kwa bahati nzuri au mbaya wewe mpaka hivi sasa umejiweka pembeni kidogo na siasa.Unaweza kuniambia sababu zako za msingi hasa za kutojishirikisha na siasa kama ambavyo watu wengi wangetegemea?

MADARAKA NYERERE: Tatizo kubwa ninaloliona kwenye siasa za Tanzania ni kuwa kuna utaratibu wa kutokuelezana ukweli, hata kama yule anayepaswa kuelezwa ukweli anafanya mambo ambayo yanakiuka maadili ya uongozi, au yanapingana na azma ya kuleta maendeleo kwa watu, na wakati mwingine kuwa hata ni mambo ambayo yanahatarisha maslahi ya vizazi vijavyo.

Ukisema ukweli, unajenga uhasama na viongozi wenzako. Siamini kama maendeleo yanaweza kuja bila kukubali utaratibu ambao Mwalimu Nyerere aliuzungumzia wa “kujisahihisha.” Na mtawezaje kusahihishana kama hamuelezani ukweli?

Inawezekana binadamu wengi tuko hivyo, yaani hatupendi kukosoa wenzetu mara kwa mara. Na mimi sidhani kama niko tofauti sana, isipokuwa najifahamu vizuri kuwa naweza kujizuwia kusema jambo kwa muda mrefu, lakini kuna wakati lile ambalo nimelikalia kwa muda mrefu litatoka tu, halafu nitajenga uhasama na viongozi wenzangu, iwapo nimeingia kwenye uongozi.

BC: Katika utafiti wangu wakati naandaa maswali kwa mahojiano haya,nimegundua kwamba wewe ni mpenzi mzuri wa muziki.Kitu ambacho sikuweza kugundua ni aina ya muziki uipendayo,wanamuziki uwapendao .Unaweza kunitatulia kiu yangu ya kujua vitu hivyo?

MADARAKA NYERERE: Ni kweli napenda muziki, lakini siwezi kusema kuwa ni muziki wa aina moja tu ambao napenda; napenda miziki ya aina nyingi. Mimi naamini kuwa ukisikiliza muziki wowote kwa muda, utasikia kitu kinachopendeza tu. Miziki mingi ambayo naipenda ni ya zamani. Kwa hiyo kwa upande wa Tanzania nasikiliza sana Zilipendwa, na pia Zilipendwa za Congo ya kina Rochereau, na Lwambo. Lakini hata baadhi ya miziki ya kizazi kipya ya Tanzania napenda kusikiliza.

Kwa kipindi kisicho cha zamani sana napenda sana miziki ya Orchestra Maquiz du Zaire, Dk Remmy Ongala, na baadhi ya miziki ya Mlimani Park Orchestra.

Kwa nje, napenda miziki ya UB40 na Bob Marley, na wanamuziki wengine kama Ray Charles na Stevie Wonder.

BC: Tukiwa bado kwenye suala hilo hilo la muziki,kumekuwepo na mabadiliko makubwa katika sanaa ya muziki nchini Tanzania.Kulikuwa na miziki ambayo leo hii tunaiita “zilipendwa” ,kukawa na mfumuko mkali sana wa miziki ya ki-Congo na hivi sasa tunayo Bongo Fleva au muziki wa kizazi kipya.Nini mtazamo wako katika safari hii ya mabadiliko?Ungependa labda kutoa ushauri gani kwa wanamuziki vijana wa leo?

MADARAKA NYERERE: Mabadiliko makubwa ya mzuiki wa sasa yanasukumwa na teknolojia. Nakubaliana na msimamo ambao alitoa Waziri Ally hivi karibuni, mwanamuziki wa bendi ya Njenje ambao aliutoa kwenye mahojiano, kuwa tukiendelea na mtindo huu, baada ya muda si mrefu (yeye alisema miaka kumi), hatutakuwa na wanamuziki tena hapa Tanzania.

Wanamuziki wengi wa sasa, wana uwezo wa kuandika mashairi tu, lakini hawana uwezo wa kupanga mpangilio wa ala kwa sababu hawajajifunza muziki. Kuendeleza muziki kunahitaji kusomea muziki (kusoma na kuandika muziki) pamoja na kujifunza kupiga ala.

Ushauri kwangu kwa wanamuziki vijana ni waanze kusomea muziki.

BC: Umeshatembelea nchi kadhaa ulimwenguni zikiwemo nyingi za barani Afrika.Kwa uzoefu wako kutokana na safari hizo,unadhani bara la Afrika linakabiliwa na changamoto zipi ambazo zinafanana kutoka nchi mpaka nchi na unaweza kutoa ushauri gani katika mbinu au njia za kukabiliana na changamoto hizo?

MADARAKA NYERERE: Changamoto zinafanana kwenye nchi nyingi. Kukuwa kwa umasikini kutokana na wakazi wengi wa nchi hizi kuendelea kuishi maisha duni kutokana na uwezo mdogo wa Serikali zao kuleta mabadiliko katika maisha yao, au kutokana na uongozi mbovu, au kutokana na sera zisizozingatia mahitaji ya wengi.

Utegemezi ni kikwazo kikubwa cha kuleta mabadiliko na maendeleo kwa wananchi; utegemezi wa sera, wa fikra na wa nyenzo za kuleta maendeleo. Kwa kuwa tuna utegemezi wa sera, hata zile rasilimali ambazo tunazo na ambazo zingetusaidia kupunguza kuomba omba, tunazibinafsisha kwa kufuata sera za wengine na matokeo yake tunajipunguzia uwezo wa kujitegemea.

Sioni njia ya kujikwamua na changamoto hizi kwa kuendelea kuwa wategemezi.

BC: Umepanda Mlima Kilimanjaro mara kadhaa sasa(kama sikosei mara mbili).Ingawa wewe umepanda mlima kwa sababu za NGO,.Utalii wa ndani.Ungemshauri nini mtu ambaye leo hii anapanga au anatamani kupanda Mlima Kilimanjaro?Zaidi ungemshauri nini katika maandalizi ya kuupanda mlima huo?

MADARAKA NYERERE: Ingawa kupanda Mlim Kilimanjaro siyo gharama ndogo kwa Watanzania waliyo wengi, ni jambo ambalo nashauri wote wenye uwezo (wa fedha) wajaribu hata kwa mara moja. Fedha peke yake haziwezi kukufikisha kileleni, kwa sababu hata Bilionea Abramovich hakuweza kufika kileleni alipojaribu kupanda Kilimanjaro.

Hata hivyo, kwa mtu anayekusudia kufika kileleni, inahitaji kufanya mazoezi ya kuongezea mwili uwezo wa kuhimili kutembea kati ya saa 6 – 8 kila siku kwa kati ya siku 6 hadi 8. Zaidi, ni uwezo wa kufanya hivyo katika mazingira ambayo hewa ya oksijeni inapungua kadri unavyozidi kupanda juu kutoka usawa wa bahari.

Zoezi lolote linaloongeza ‘fitness’ linasaidia. Inahitaji kufanya mazoezi hayo kwa muda usiyopungua miezi mitatu. Pia ni muhimu kufanya mazoezi ya kutembea (kama ni nje, au kwenye ‘treadmill’) kwa muda mrefu (labda mara moja kwa juma).

Jambo kuu linalosababisha wengi kushindwa kufika kileleni ni uwezo mdogo wa mwili kuhimili upungufu wa oksijeni, mpandaji anavyozidi kukaribia kileleni. Hata hivyo, njia ambayo nimekuwa naitumia mimi (Lemosho route) inasaidia sana kuuzoesha mwili hali ya kuwa mlimani na kuhimili upungufu huo wa hewa safi.

Jambo la mwisho muhimu ni kuwa na ari ya kufanikiwa; kutokubali kushindwa.

Madaraka Nyerere(kulia) akiwa katika kilele cha Mlima Kilimanjaro.Mwenzake ni Gerald Hando,mtangazaji wa Clouds FM

BC: Kwa muda sasa umekuwa ukiandika masuala kadha wa kadha katika blog yako.Nini kilikuvutia katika kuanzisha blog?Unazungumziaje zana hizi mpya za habari na mawasiliano? Je,kwa mtazamo wako,watanzania tunazitumia ipasavyo katika kupashana habari na kuwasiliana?

MADARAKA NYERERE: Sababu kubwa iliyonisukuma kuanzisha ‘blog’ ni kuhabarisha yale ambayo nafikiri yanaweza kuwa ya manufaa kwa wengine, au yanayofurahisha kwa namna fulani. Pia, nakusudia kuwa mwandishi katika siku za usoni (labda wa vitabu), na nilisoma mahali kuwa kila mwandishi anahitaji kujitangaza kupitia njia hii.

Naamini ‘blog’ ni zana nzuri ambayo inampa kila mtu fursa ya kusema lile ambalo lipo kichwani mwake. Kwa maana nyingine, inapanua wigo wa kupata mawazo mbadala ambayo hayatolewi kwa kuzingatia vizingiti ambavyo vinaweza kukabili baadhi ya vyombo vya habari.

Hata hivyo, kuna baadhi ya Watanzania wanatumia ‘blog’ kuandika maoni au habari ambazo zinakiuka maadili ya uandishi, na badala ya kuwa jambo zuri linakuwa jambo ambalo linaleta athari kwa wale wanaoandikwa vibaya.

Madaraka Nyerere(kulia) akiwa na Jaffar Amin walipokutana mjini Musoma mwaka jana.Ukitaka kusoma alichoandika Madaraka kuhusu mkutano huo,bonyeza hapa.

BC: Mengi yameshaandikwa kuhusu historia ya Mwalimu Julius Nyerere.Lakini mpaka hivi leo bado hakuna Biography ya Mwalimu ambayo imeandikwa aidha na yeye mwenyewe au mtu wa karibu sana na Mwalimu.Mtu kama wewe hivi.Je,unadhani kwanini mpaka leo hakuna biography ya Mwalimu?Una mpango wowote wa kuandika kitu kama hicho?

MADARAKA NYERERE: Nafikiri kuandika kitabu juu ya maisha ya Mwalimu ni kazi ambayo siyo rahisi iwapo kusudio ni kukiandika kwa ukamilifu, kwa sababu maisha yake yamegusa maeneo mengi ya historia, siyo ya Tanzania tu bali hata ya baadhi ya nchi za Afrika, hasa wakati wa harakati za vita vya ukombozi wa nchi hizo zilizoshirikisha pia mchango mkubwa wa Tanzania. Labda ugumu huo ndiyo unasababisha kuwa hakijaandikwa mpaka sasa.

Sijui kama nina uwezo wa kufanya hivyo peke yangu, lakini nadhani ni jambo ambalo napswa kulitafakari.

BC: Kama mtoto wa Rais,umepitia mambo mengi,kuona mengi. Kwa maneno yako mwenyewe,unamuelezeaje baba yako? Au tuseme Mwalimu Nyerere tuliyekuwa tunamuona kwenye majukwaa ya siasa alikuwa ana tofauti gani anapokuwa nyumbani?

MADARAKA NYERERE: Ni swali zuri. Sisiti kusema kuwa Mwalimu aliyesimama jukwaani hakuwa anafanya maigizo; alikuwa ni mtu yule yule ambaye aliporudi nyumbani. Maadili yale aliyoyazingatia katika uongozi wake, aliyaishi pia.

BC: Huu ni mwaka wa uchaguzi.Hivi sasa kampeni mbalimbali za kisiasa ndio zimeshamiri.Nikikupa nafasi ya kumsaidia mwananchi wa kawaida katika uamuzi wake wa kumchagua kiongozi bora ungemwambia nini mwananchi huyo?

MADARAKA NYERERE: Mimi naamini kila mpiga kura anaweza kuamua ni kiongozi gani atamfaa katika uongozi kwa kuangalia mazingira anayoishi, mahitaji yake, na kuangalia sera ambazo anaamini zitaleta mabadiliko katika maisha yake, na mwisho kuchagua yule mgombea ambaye anaamini atakabili changamoto ambazo zitaleta maendeleo kwake.

Tatizo ni kuwa inawezekana kabisa kuwa hata wale wagombea watakaojitokeza hawatakuwa wamefikia kiwango ambacho mpiga kura anatarajia kutoka kwa kiongozi wake.

BC: Chaguzi za kisiasa nchini Tanzania huenda sambamba na kutajwa sana kwa jina la Hayati Baba wa Taifa.Takribani kila kiongozi hujaribu kujihusisha na jina lake kwa namna moja au nyingine huku wengi wakijinadi kwamba wanamuenzi Baba wa Taifa kwa jambo moja au mawili.Unaongeleaje suala au tabia hizo za wanasiasa?

MADARAKA NYERERE: Kila mwanasiasa analenga kujenga umati wa watu ambao watamkubali na kumpigia kura. Naamini kuwa bado mpaka sasa hivi, kuna wapiga kura wengi wanaamini kuwa Mwalimu Nyerere alikuwa ni kiongozi ambaye alikusudia kwa dhati kuleta maendeleo kwa Watanzania wote. Kwa hiyo, si ajabu kuona kuwa wapo viongozi ambao wanao msimamo huo huo kuhusu Mwalimu Nyerere na wanasema hivyo wakati wa kupiga kampeni ili wapate kukubaliwa na baadhi ya wapiga kura.

Hata hivyo, si ajabu kuwa wapo viongozi wengine ambao watakaojitokeza kusema wanamuenzi Mwalimu Nyerere wakati wanayofanya ni tofauti kabisa na yale aliyoyasimamia Mwalimu. Huu ni utapeli. Sio lazima kukubaliana na kila kitu Mwalimu Nyerere alichosimamia. Kiongozi wa kweli ni yule ambaye ataonyesha msimamo wake waziwazi, na siyo kutoa picha kuwa ni wa aina moja kumbe wa aina nyingine.

BC: Nimeona katika blog yako mara kadhaa umekuwa ukiwakaribisha wageni wanaotaka au wanaokuwa wamekuja kuona kaburi la Hayati Mwalimu Nyerere.Je,kuna utaratibu maalum ambao sharti mtu aufuate endapo anataka kuja kuliona kaburi?

MADARAKA NYERERE: Kila mtu yuko huru kutembelea Butiama. Haihitaji kupata ruhusa yoyote. Anapofika Butiama anaweza kutembelea Makumbusho ya Mwalimu Nyerere, kaburi lake, na baadhi ya nyumba zake. Kwa anayehitaji maelezo zaidi, anaweza kuwasiliana nami kwa barua pepe kupitia: madaraka.nyerere@gmail.com

BC: Una ushauri gani kwa vijana wa ki-Tanzania katika suala zima la kujiletea maendeleo yao binafsi na pia ya taifa?

MADARAKA NYERERE: Narudia maneno ambayo Mwalimu aliyasema kuwa kufanya kazi kwa bidii na maarifa ni muhimu sana. Maarifa ya leo hii yanajumuisha matumizi makubwa ya teknolojia zinaozohusiana na kazi na changamoto zinazotukabili.

Serikali ina jukumu la kuweka mazingira mazuri pia ili wale waliyokuwa tayari kufanya kazi ili kuleta mabadiliko kwenye maisha yao waweze kufanya hivyo kwa mafanikio. Lakini, kazi na maarifa peke yake haitoshi kwa sababu hata yale mazingira ambayo Serikali itaweka yatahusisha sera na mfumo ambao Serikali inaona ndiyo unafaa kwa wakati huo.

Swali kubwa ambalo wakati wote linahitaji majibu ni: sera zinazosisitiza soko zaidi ya jamii zinaweza kuleta maisha bora kwa kila mtu kwa mafanikio zaidi kuliko sera ambazo zinaweka mkazo kwenye masuala ya jamii?

Baadhi ya tafiti zinaonyesha kuwa sera za soko ambazo zimekuwa kama dini duniani kote zimeleta umasikini kwa watu wengi zaidi duniani, ingawa zimefanikiwa kutajirisha watu wachache kwa kiwango cha juu sana.

Vijana waache kuwa walalamikaji kuhusu Serikali na viongozi wao, na waanze kuchukuwa jukumu la kuhakikisha kuwa maamuzi yanayofanywa na Serikali na viongozi wao yataleta manufaa kwa wote, na kwa vizazi vijavyo.

BC: Wewe na mke wako mna watoto wangapi? Majina yao?

MADARAKA NYERERE: Tuna watoto watatu: Julius, Julia, na Helena.

BC: Madaraka,shukrani sana.Nakutakia kila la kheri katika kazi zako

MADARAKA NYERERE: Asante Jeff

Ukitaka kuperuzi kwenye blogs za Madaraka Nyerere Bonyeza Hapa kwa Blog ya Kiingereza

Bonyeza Hapa kwa Blog ya Kiswahili.

Be Sociable, Share!

• 

Upende,usipende,leo hii unapoongelea masuala ya nyanja ya habari na mawasiliano kupitia zana za blog kwa upande wa Tanzania(Tanzanian Blogsphere), huwezi kuepuka kumtaja Muhidin Issa Michuzi a.k.a Ankal,Mzee wa Libeneke.

Mwanzoni alipoanzisha blog yake maudhui yake yalikuwa zaidi ni picha na maelezo kidogo juu ya picha hiyo au picha hizo.Hiyo ilitokana na ukweli kwamba Michuzi ni seasoned professional photographer.

Baada ya muda fulani,na kutokana na mafanikio aliyokuwa ameyapata,ilimlazimu kutanua wigo wa blog yake na hivyo kutoishia katika picha na maelezo mafupi mafupi tu bali kujumuisha maelezo au habari zaidi.Leo hii,blog yake imekuwa kimbilio la wengi pale wanapotafuta habari motomoto kuhusu kinachoendelea nchini Tanzania,maeneo ya jirani na hata sehemu mbalimbali za ulimwengu.

Hivi sasa yupo mbioni(keshazianza mbio zenyewe) kuboresha zaidi kazi ngumu anayoifanya ya kuendeleza “libeneke”.Ameanzisha tovuti/blog mpya inayopatikana kupitia http://michuzipost.com

BC imepata nafasi ya kuongea naye machache kuhusu ujio huo wa MichuziPost na mambo mengine kuhusiana na tasnia ya habari na mawasiliano. Je,”wadau” watarajie nini katika uwanja huo mpya?Nini siri ya mafanikio yake mpaka hivi sasa?Ana ushauri gani kwa bloggers wapya na wale wanaofikiria kuanzisha blog?Fuatana nasi katika mahojiano yafuatayo;

BC: Kwanza nikupe Hongera nyingi kwa kazi nzito unayoifanya.Mambo yanakwendaje?

MICHUZI: Ahsante sana, mambo mswano tu. Libeneke kwa kwenda mbele. Yaani baada ya miaka mitano ya tufanikio kiduchu tulikopatikana, sasa ni wakati muafaka wa kupiga hatua tano mbele, na kusaidia ujenzi wa taifa letu kwa njia ya habari.

Nitakuwa mtovu wa hisani na fadhila endapo kama nitaanza kujieleza bila kwanza kuwashukuru wadau wa Globu ya Jamii popote walipo duniani, kwani bila sapoti yao sidhani kama ningefikia robo tu ya hapa nilipo.

Naomba kwa heshima na taadhima wape AHSANTE SANA wadau. Waambie nawapenda, nawaheshimu na nitandelea kuwa mtumishi wao wakati wa raha na wakati wa shida. Pia naomba ninaowaudhi kwa njia moja ama nyingine wanisamehe kwani mie ni binadamu na si kamilifu. Pia si rahisi kumridhisha kila mdau kwa kila jambo. Napenda sana kutumia ule msemo wa ‘what’s good for the goose, is bad for the hen’. Hivyo naomba uvumilivu na kuelekezana pale palipo na dosari.

BC: Hivi karibuni utatimiza miaka mitano tangu ulipoanza ku-blog pale Helsink,Finland.Umepitia mengi,umeonana na wengi.Waliokuwa hawakujui,bila shaka hivi sasa wanakujua japo kwa sura tu.Unaielezea vipi safari hiyo ndefu tangu ulipoanza kwa maana ya kwamba umekabiliana na changamoto zipi nzito nzito na umejifunza mambo gani ya msingi katika uwanja mpana wa habari na mawasiliano?

MICHUZI: Changamoto nzito kubwa ya kwanza kwangu mimi ni maoni ya wadau. Kwa kweli haya maoni, ambayo ndiyo kiungo muhimu, nayaheshimu sana kiasi hata siruhusu mtu mwingine ayapitie maana yote yameletwa kwa minajili ya kuonekana na kusomeka.

Sasa linapokuja swala la kuchuja hapo ndipo kunakuwa na kazi kubwa kupita zote. Na hapo sijataja wingi wake (saa ingine hufika hadi 2000 kwa siku) wala urefu wake, katika kupitia ambapo inabidi upitie yote neno kwa neno.

Kaka Ndesanjo Macha alipokuwa ananiingiza rasmi kwenye tasnia ya Blog hiyo September 8, 2005 kule Helsinki, onyo la kwanza alilonipa ni kuwa makini sana na michango ya wadau. Awali nilikuwa naachia ‘Fungulia Mbwa’ ikaelekea wadau kutumia uhuru huo isivyofaa na kuanza kuchafua hali ya hewa na kujeruhi watu.

Changamoto ingine ni gharama za uendeshaji kwani inabidi utumie pesa nyingi sio tu kwenye intaneti bali pia vifuta jasho kwa wasaidizi.Nashukuru kwamba hivi karibuni michuzipost.com itakuwa kampuni kamili na kuanza kuajiri wafanyakazi wa kada zote. Tuombe mungu tu.

Cha msingi nilichojifunza katika safari yangu hii ni kwamba Watanzania tunapendana, hatusiti kusaidiana na pia ni wacheshi na wapenda utani sana. Kama huna haiba hiyo unaweza kujikuta unakuja juu na kukasirika kwa kucharurwa kidogo tu, na watu walio na nia njema tu kwako.

Mfano nilikuwa natuhumiwa kwamba napendelea CCM katika kuposti, ila hawakutaka kujua kwamba CCM wana njia nzuri ya kufikisha habari kila kona. Hatimaye vyama vingine kama CHADEMA na CUF vilipoanza kuleta habari nami kuchapisha, nikaanza kucharurwa – ati nimewagwaya CHADEMA na CUF kwa kuwa wamenipiga mkwara, wakati ukweli ni kuwa habari zao sasa zinapatikana kirahisi. Hizo ndizo changamoto nilizozipata nami nashukuru nimeshazoea, na kujua fika kwamba ubinadamu kazi.

BC: Blog yako ni miongoni mwa vyanzo muhimu vya habari.Leo hii watu wengi,hususani waliopo nje ya nchi,wakitaka kujua kinachoendelea nchini,hukimbilia kwenye blog yako.Nini siri ya mafanikio hayo?

MICHUZI: Hakuna siri ya mafanikio zaidi ya kumuomba Mungu, kufanya kazi kwa mapenzi (passion), kujua nini wadau wanataka na sio nini wewe unataka. Uendelevu usiokoma (unflagging consistency), kupenda utani na matani na kuelezea kitu kwa lugha nyepesi iliyo katika anga kwa wakati husika.

Vile vile kuwa na lengo la kupasha habari chap chap, na sio kungoja taarifa ya habari ya saa mbili ama gazeti la kesho. Mambo ya leo lazima wadau wayajue leo leo. Nafurahi kuona vyombo kibao vya habari vimebuni tovuti na kuweka habari zao humo. Nawasikitikia wenye vyombo vya habari ambao hawana mitandao ya magazeti, redio, TV na kadhalika. Ni mawazo hasi kudhani kuwa kwa kuweka habari kwenye tovuti ni kudumaza usomaji ama usikilizaji.  Tovuti hujenga heshima kwa chombo husika na kuaminika. Pia ni muhimu kwa waandishi wa vyombo kuwa na blog kila mmoja. Yaani baada ya kuandika habari kwa chombo chake, anatumia blog kuchambua tukio kwa muono wake.

Wenzetu ughaibuni wanafanya hivyo na hupelekea wingi wa wasikilizaji ama wasomaji kuongezeka. Mwandishi wa habari aliye na blog ambayo kijuujuu inaonekana anashindana na mwajiri wake si adui bali ni rasilimali ambayo ikitumiwa vyema inaweza kupandisha chati chombo husika. Hapo ni kujipanga na kumtaka mwandishi awe anaelekeza wasomaji ama wasikilizaji kwenye chombo hicho. Mfano kukiwa na Breaking News mwandishi kwenye blog yake anaweza akatoa dondoo ya tukio ama habari hiyo kwa ufupi, kisha kumwelekeza msomaji apate habari nzima kwenye chombo husika. Hapo atakuwa amewezesha idadi ya wasomaji kuwa wengi na hakuna kitu ambacho watangazaji (advertisers) wanapenda kama wingi wa wasomaji katika chombo husika.

BC: Hivi sasa upo katika soft launching ya mtandao mpya ambao bila shaka katika siku kadhaa zijazo unatarajiwa kuumeza mtandao wa sasa.Naongelea http://michuzipost.com ambayo tayari ipo hewani.Unawaambia nini wasomaji wako na watanzania kwa ujumla kuhusu uwanja huu mpya?Umejiandaa vipi kuhakikisha kwamba unaendeleza “libeneke” kwa namna ile ile ambayo watu wengi wameshaizoea?

MICHUZI: Ama hakika kama ni ndoto, basi imetimia. Siku zote katika miaka hii mitano ya ku-Blog nimekuwa nikiota kuwa na mtandao kama huu http://michuzipost.com na kama utakumbuka kuna wakati nilijaribu kuja na aina nyingine ya mtandao ila ukashindikana kwani sikuwa nimejiandaa. Sasa hivi nimejiandaa kikamilifu kwa kuwa na nyenzo kibao ikiwa ni pamoja na kuwa na dedicated server yangu mwenyewe ambapo wasomaji 100,000 wanaweza kuwa ndani ya wavuti kwa wakati mmoja bila kuleta kwikwi ya spidi ama nini.

Pia kuna viunganishi katika social networks zingine maarufu kama vile facebook, twitter na YouTube pamoja na RSS feeds ili kuweza kufikia kila mtu katika kile kona.

Jipya katika libeneke hili la http://michuzipost.com ni Michuzi TV ambayo kwa kupitia ‘Live Streaming’, na mambo yakishakaa sawa kabisa, wadau watakuwa na fursa ya kuangalia matangazo ya moja kwa moja ya TV kwenye kompyuta zao. Yaani kutakuwa na matangazo ya TV  ya taarifa za habari, upembuzi wa magazetini leo, muziki na matukio kama zilivyo TV zingine. Mfano wakati wa kampeni za uchaguzi mkuu ujao wadau watapata fursa ya kuona na kusikia kinachoendelea moja kwa moja toka sehemu ya tukio na wakati ule ule kupitia Michuzi TV. Mipango ya kuwa na Michuzi Radio ndani ya tovuti hii pia iko mbioni.

Uwanja huu mpya pia utajikita katika kutoa taarifa muhimu kama vile nyumba (real estate & property) zilizo sokoni kwa kuuzwa ama kupangishwa, tenda zilizopo serikalini ama kwa watu binafsi, manunuzi (procurement) na kadhalika. Pia kutakuwa na uwanja wa wadau kuleta Hoja Binafsi zijadiliwe. Hali kadhalika mfumo mzima unaompa msomaji fursa rahisi ya kufunua ukurasa autakao, tofauti na blog ya kawaida ambapo kila kitu kipo katika ukurasa mmoja na hutoweka ukurasani baada ya muda. Hivyo kama utataka habari za michezo unabofya penye ‘Sport’ nawe utapata mlolongo wote wa mambo ya michezo yaliyopo hewani katika ukurasa husika. Ukiangalia kwa makini utakuta kurasa zote ni rafiki wa matumizi (user friendly) na haihitaji mtu kuwa mtaalamu wa TEKNOHAMA kuweza kuperuzi na kudadisi.

Vile vile sehemu ya maoni ipo wazi kwa kila post, na hakuna jambo linalochangamsha mtandao kama kuruhusu ushiriki wa wasomaji (interaction), badala ya habari kuwa ya upande mmoja tu. Yaani hivi sasa msomaji naye ana uhuru wa kuchangia mawazo ama upande mbadala wa lililoandikwa ama kutangazwa.

BC: Kila kukicha watanzania mbalimbali wanaanzisha blogs.Pamoja na hayo blog nyingi zinakuwa active kwa muda mfupi sana kisha zinatokomea.Una ushauri gani kwa watu wanaoanzisha blogs kuhusu jinsi ya kuhakikisha kwamba blog zao zinakua na kubakia active?

MICHUZI: Ni kweli kila kukicha blog mpya huanzishwa nami huwa nafurahi sana. Aidha, huwa sisiti kumtangazia mtu blog yake akiomba nifanye hivyo. Lakini si uwongo kwamba wakati mwingine inaboa, hasa pale blog uliyoipromoti inapododa baada ya muda mfupi.

Lakini nadhani kuna mambo kadhaa yanayochangia hilo, na si vyema kutuma lawama za jumla. Tuangalie sababu ambazo nadhani ndizo chanzo cha kudoda kwa blog nyingi.

Mtu kuanzisha blog bila kuwa na lengo mahususi la kufanya hivyo. Mtu anakurupuka kuanzisha blog na kutaka kuwa kama BongoCelebrity ama Michuzi kwa usiku mmoja. Hajui ama kasahau kwamba wenzie sio tu wameanza muda mrefu na wameumia sana kufika hapo walipo kwa kazi za usiku na mchana (mfano mie muda wa kulala nimeshasahau ni wakati gani kwa wingi wa kazi, hasa za kupitia maoni ambayo kuna wakati hufikia hata 2000 kwa siku! Na lazima uyapitie yote ili yasijepenya ya kuchafua hali ya hewa ama kujeruhi nafsi ya mtu ama za watu). Hivyo utakuta mtu asiye na malengo anadhani blog ni habari za kila siku tu, kwa vile Michuzi na wenzie wanafanya hivyo na kupata wasomaji kibao. Anasahau kuwa wakina Michuzi ni wanahabari wenye vibali vya kuingia kila mahali na kusaka habari.

Ushauri wangu ni kwamba sio lazima kila blog iwe ya habari za siku. Tafuta mada ambayo utaivalia njuga na kucheza nayo kila siku. Mfano rahisi ni kama kina Jane John ambaye anashambulia mambo ya michezo na wachezaji. Shamim Zeze anaendeleza libeneke la mitindo na mavazi. Kuna Jiang Alipo anayekupa habari za mama na mwana (malezi na uzazi), ama Ernest Makulillo jr anayecheza mna libeneke na vyuo vikuu na nafasi za masomo ughaibuni. Hivyo utakuta hawa hawahangaiki sana, kwani mada zao zipo kila pembe na haina kazi kuzipata. Nashauri kila mtu aanzishe blog lakini iwe na mada anayoifahamu, anayoimudu na ambayo haina ukomo.

BC: Kila la kheri kaka katika kazi zako.

MICHUZI: Nashukuru sana BC

Be Sociable, Share!

• 

Huu hapa ni ujumbe kutoka kwa Zitto Kabwe(MP)

Ndugu msomaji, nimekuwa na blogu hapo kabla lakini sikuweza kuifanyi kazi kama invyostahili. Nimeamua kuanzisha blogu hii mpya ili liwe jukwaa la kujadiliana jinsi ya kuimarisha demokrasia nchini kwetu Tanzania, Afrika Mashariki na Afrika kwa ujumla. Karibu kwa maoni, ushauri na hata makatazo! Bonyeza hapa kumtembelea.

Be Sociable, Share!

• 

Blog ya Muhidini Issa Michuzi ipo mbioni kuhama.Hivi punde itakuwa tovuti kamili inayojitegemea na hivyo kuondoka katika ulingo wa .blogspot.com.Ufuatao ni ujumbe kutoka kwake Issa Michuzi.

Asalaam Aleikhum, Bwana Asifiwe, Tumsifu Bwana, Shalom, Namaste, konnichiwa, Nihao, olá…..

Kwa heshima na taadhima nawaamkia  wadau wote popote mlipo ulimwenguni. Salamu nilizotoa hapo juu naomba ifahamike kuwa  hizo nilizozimudu ni kama kielelezo kwamba nia ni kumuamkua kila mmoja kwa nafasi yake popote alipo. Mie sijambo na naendelea na Libeneke kama kawaida.

Waama, baada ya salamu, napenda kuwafahamisha kwamba Globu ya Jamii hivi karibuni itaingia kwenye awamu mpya ya dot com, ikiwa katika jitihada za kuboresha Libeneke zaidi.

Imechukua muda kuchukua hatua hii kutokana na mazoea kwani toka September 8, 2005 hadi leo si kidogo ati. Hivyo mabadiliko kama yapo inabidi yafanywe kwa uangalifu wa hali ya juu ili kutoleta usumbufu wa aina yoyote kwa wadau wa Globu ya Jamii ambao kwangu ndiyo waajiri wangu wakuu.

Naam, wakati wowote kuanzia sasa libeneke la issamichuzi.blogspot.com litaingia katika awamu ya www.imichuzi.com. unakaribishwa kujaribu na kutoa maoni yako.

Mabadiliko haya  tayari yameshaanza na sasa yako katika hatua za nchani. Kilichosalia ni kuhamisha ‘mzigo’ wote toka issamichuzi.blogspot.com na kuutua katika www.imichuzi.com ili libeneke liendelee vile vile kama siku zote, ukaicha mabadiliko kiasi ya muonekano.

Ni kweli jina litabaki lile lile la ‘MichuziBlog’ lakini si uwongo kwamba hivi sasa itakuwa tovuti kamili ila  katika sura ya globu kama siku zote. Hii yote ni katika juhudi za kuongeza ufanisi, tija na vionjo vingi zaidi pamoja na kuondoa kero ya kusaka mitundiko iliyopita. Nadhani sasa itaeleweka kwa nini kulikuwa na kwikwi katika kutafuta posti za zamani.

Mdau usihofu kwamba labda utapata shida kusaka www.imichuzi.com. La, hasha. hautopata shida kwani hata kama utaingia Globu ya Jamii kwa kutumia issamichuzi.blogspot.com ama hata kwa kutumia ‘michuzi’ pekee utapelekwa moja kwa moja kwenye kurasa mpya bila matatizo. Isitoshe, posti zitabakia kwenye ukurasa wa mwezi husika na kuingia kwenye ‘archive’ baada ya mwezi huo kwisha.

Hivyo basi, kwa unyenyekevu naomba niwashukuru wadau wote popote mlipo kwa kampani yenu wakati wote huu ambayo kwa kweli bila nyie Libeneke lisingefikia hapa lilipo, hususan katika wakati huu wa kulifanya bora zaidi.

Maoni, ushauri na mawazo vinakaribiushwa kwa mikono miwili, pasina kusahau kukosoana kwa kujenga na mawazo mbadala ili kieleweke na Libeneke liendelee mbele.
Kwa kuwa nawapenda wadau wote, nitakuwa mtovu wa fadhila endapo kama sintowaonjesha Libeneke litalokuja kwa muonekano mpya. Hapo hapo naomba radhi kwa usumbufu wowote utaotokea kwani kama inavyofahamika si rahisi kwa binadamu kuwa sahihi kwa kila jambo. Hivyo n penye kwikwi na tusameheane na tushtuane haraka iwezekanavyo kupitia anuani ile ile ya issamichuzi@gmail.com ambayo nayo itabadikika mambo yakikaa sawa muda si mrefu ujao itakuwa info@imichuzi.com

Be Sociable, Share!

• 

Miongoni mwa mambo mapya katika kongamano hilo,ilikuwa ni pamoja na kualika rasmi waandishi na hususani waandishi wa mitandaoni kama vile bloggers.Almaarufu Issa Michuzi alikuwa miongoni mwa sio tu waalikwa,bali pia watoa mada(mahojiano naye kuhusu uzoefu wake kufuatia kongamano lile yapo mbioni). Mwandishi mwingine mkongwe na blogger aliyekuwepo katika mkutano huo ni Freddy Macha. Mbali ya kuwa mwandishi,blogger,Freddy pia ni mwanamuziki na muelemishaji hususani katika masuala ya afya na michezo ya kujihami au kujikinga(self-defense). Unaweza kusoma mahojiano yangu ya kina naye kwa kubonyeza hapa na hapa.

Baada ya kongamano lile,Freddy aliketi chini na kuandika  kuhusu yaliyojiri kwenye kongamano na zinapoelekea zama hizi za tekinolojia ya habari na mawasiliano. Bonyeza hapa usome alichokiandika Freddy Macha. Usisahau pia kusoma makala zake katika gazeti la Mwananchi kila Jumapili.

Be Sociable, Share!

•