Leo ni Siku ya Ukimwi Duniani. Ni siku ambayo hutumika kwa mengi ikiwemo kuwakumbuka wenzetu wote,ndugu,jamaa na marafiki ambao walishapoteza maisha kutokana na ugonjwa huu.

Pia ni siku ambayo inatumika kuungana,kuwatia moyo na kuwafariji wote ambao wameathirika na ugonjwa huu bila kusahau kuchangia kwa hali na mali katika vita ya kupambana na ugonjwa huu hatari.Ni siku muhimu ya kukumbushana kwamba Ukimwi bado upo na bado unaendelea kuteketeza maisha ya mamilioni ya watu na kwamba vita kubwa bado ipo mbeleni.

Siku ya Ukimwi ilianzishwa rasmi tarehe 1 Decemba mwaka 1988. Hivi sasa Shirika la Umoja wa Mataifa linaloshughulikia Ukimwi( UNAIDS) linakadiria kwamba hivi sasa kuna zaidi ya watu milioni 33.3 ambao wanaishi ya Virusi Vya Ukimwi duniani. Miongoni mwa hao,milioni 2.6 walipata maambukizi ndani ya mwaka 2009 tu!

Ndugu,jamaa,rafiki na msomaji wa BC,tunapoiadhimisha siku hii,tafadhali tukumbuke kwamba Tanzania bila Ukimwi inawezekana.Uwezekano huo,unaanzia kwangu,kwako,kwake na kwao.Play Your Part.

Be Sociable, Share!

• 

MTABIRI maarufu wa Afrika Mashariki, Shehe Yahya Hussein ametabiri kuwa Rais Jakaya Kikwete atashinda kwa kishindo katika uchaguzi mkuu ujao na atakayempinga ndani ya chama chake atakufa ghafla.

Sambamba na hilo, atakayeonekana kumshinda nje ya chama chake pia atapoteza maisha vivyo hivyo.

Akitoa utabiri wake jana Dar es Salaam, juu ya uchaguzi mkuu mwakani, Shehe Yahya alisema ushindi wa Rais Kikwete unatokana kurithishwa na Baba wa Taifa, Mwalimu Julius Nyerere mwaka 1995 ilipodaiwa kuwa Rais Kikwete alishinda kwenye kura za maoni lakini akamsihi amwachie Benjamin Mkapa.Kwa undani wa habari hii bonyeza hapa.

Je huu unaweza kuuita “utabiri” au ni…Unakubaliana naye ?Kwanini ?

Pichani juu ni Sheikh Yahya akiwa nyumbani kwake mapema mwaka huu.Ubavuni mwake ni mkewe Bi.Fetty

Be Sociable, Share!

• 

Bahati nzuri ni kwamba nadhani watu wazima wamejiona ovyo na kuamua kufuata njia zinazostahili. Mchezo sasa umegeuka kuwa wa kudaiana “vijisenti”. Bila shaka umesikia mmoja kadai fidia ya Tshs Bilioni 10 huku mwingine akidai fidia ya Tsh 1 tu. Kama ingewezekana huenda angedai ile ya mkoloni kabisa iliyokuwa na tundu katikati. Sijui tugange yajayo au bado tuendelee na nguvu ya hoja,uchambuzi nk.

Tuyaache hayo.Leo ni burudani ya kale.Wenyewe mnaziita Zilipendwa. Natamani tungeziita Tunazozipenda kwani ukweli ni kwamba bado nyimbo hizi zina mafundisho kemkem na ni kama zilitungwa jana. Leo tunaye Gwiji Marijan Rajab(RIP). Wimbo unaitwa Ndoa ya Mateso. Binti karudi kwao.Anasema ndoa imemshinda.Mume anamtesa.Pesa zote anamalizia kwenye makuku ya kukaanga akiwa na “vimwana’ wake huko nje wakati familia inakufa kwa njaa.Binti hana msaada wowote,hana ndugu wala jamaa hapo alipo.Kwa masikitiko anauliza kwani kuolewa ni utumwa? Binti anaomba talaka yake.Mjumbe ndie anaombwa kuwa shahidi. Kwa uchungu na aibu anasimulia yaliyokuwa yanamsibu.Anataka kurudi nyumbani kwao kwani anasema hakuzaliwa juu ya miti bali ana kwao.Ana baba na mama. Mateso.

Pata burudani,pata ujumbe na furahia weekend yako. Maisha mafupi haya.

Be Sociable, Share!

• 

Pamoja na mafanikio na “soko” ambalo tayari alikuwa ameshajitengenezea,hivi karibuni alifanya uamuzi mgumu wa kuamua kurudi shuleni ili kunoa zaidi kipaji alichonacho.Hivi sasa anasoma katika Chuo Kikuu cha Cape Town nchini Afrika Kusini.Mbali na kuamua kurudi shule,Bobby ndio kwanza alikuwa “amepata jiko” kabla ya kuwa baba mapema baadaye.Mchanganyiko huo wa mambo ndio unaotufanya tuuite uamuzi wake wa kurudi shule kuwa mgumu!How is he handling all these?

Hivi karibuni tulipata nafasi ya kuzungumza naye machache kuhusiana na maisha yake,shule,ndoto zake na mengineyo mengi.Je anasemaje kuhusu Afrika Kusini anaposomea hivi sasa?Anasomea nini?Nini ushauri wake kwa vijana wanaoota kila siku kwenda “bondeni”?Anazungumziaje maendeleo ya muziki na filamu ya Tanzania akilinganisha na Afrika Kusini? Fuatana nasi katika mahojiano yafuatayo;

BC: Bobby,karibu sana ndani ya BC.Tunafurahi kupata fursa hii ya kufanya nawe mahojiano.

BOBBY: Niwashukuru nyie BC kwa kunipatia mimi fursa hii ya kipekee.

BC: Kwanza kabisa hongera sana kwa mambo kadhaa uliyofanikisha hivi karibuni.Tunajua umeoa hivi karibuni,umepata mtoto na sasa umerudi tena shuleni.Mambo yanakwendaje katika maeneo yote hayo matatu?Unasomea nini hivi sasa?

BOBBY: Namshukuru Mungu kwa kunijalia mwenza anayenifaa na pia mtoto wa kiume mwenye afya njema aitwaye Ethan Patrick. Kwa sasa ninasoma katika Chuo Kikuu cha Cape Town nchini South Africa, ninachukua BA in Film and Media Production.

Bobby pamoja na mkewe Helena Mkonyi(now Mrs.R.G.Mongi) siku ya harusi yao.

BC: Ilikuwaje ukaingia kwenye fani ya utangazaji na mambo yote ambayo umekuwa ukiyafanya hususani upande wa burudani?

BOBBY: Kwa upande wa burudani hili ni jambo ambalo lilikuwa likinifurahisha tangu utotoni. Nilianza kutambua kipaji changu nilipokuwa Umbwe High School( I think you remember the Mawenzi concert…you did a Bob Marley Song….) that is when I first realised what I want to do later on life, if not personally be the one entertaining then at least be part of the whole entertaining process.

Proud Father.

BC: Ni kwanini umeamua kurudi tena darasani hata baada ya kuwa umeshajitokeza kama mmojawapo miongoni mwa Djs na MCs mahiri kabisa nchini Tanzania?Je ulikuwa uamuzi mgumu sana kufikia?

BOBBY: Ukweli ni kwamba kipaji peke yake hakitoshi haswa kama ni mtu mwenye falsafa za kiharakati za kuleta mabadiliko katika maisha ya mtanzania kama mwafrika. Fani ya media nchini imekuwa kwa kasi sana lakini taaluma yenyewe bado haijafikia viwango vya kiushindani.Wapo wadau wachache mno wenye uwezo wa kufanya kazi zitakazoweza kushindana kimataifa lakini sio wengi kama inavyotakiwa na ndio maana nikaamua kurudi masomoni. Kingine ni kwamba sikupata bahati ya kufahamu chuo kinachotoa elimu katika fani ya filamu hapa nchini, kama vipo haviingii ndani zaidi kitaaluma ndio maana nikachagua kuja kusoma South Africa.

MC: Kama DJ,MC,TV personality nk ndani ya Tanzania utakuwa umekuwa ukifuatilia maendeleo ya sanaa na maonyesho kama vile kwenye muziki,filamu nk.Unaweza kuyaongelea vipi mabadiliko mbalimbali ambayo umekuwa ukiyashuhudia?Na sasa ukilinganisha kidogo na Afrika Kusini ulipo,unadhani tupo wapi katika medani za kimataifa?

BOBBY: Fani ya muziki ni fani ambayo naweza nikasema ndio inayopeperusha bendera ya Tanzania kisanaa. Vijana wanafanya kazi kama vile hawataamka kesho.Guys are working very hard and have created a trade mark for Tanzania as the Hip Hop/Rap Hub of East Africa.

Kwenye sanaa ya filamu, hatua za mchakamchaka ndio zinaanza kuchanganya, licha ya kwamba kuna mengi ya kuboreshwa najivunia kusema ya kwamba sasa hivi watanzania sio waoga kujaribu vitu vipya japo kuwa wakati mwingine unaweza ukahisi wadau wa fani hii wanataka kuiga mtindo wa Nigeria. Ushauri wangu ni kwamba, tusitizame ushindani wa Nigeria tu, tujiandae kushindana na watengeneza filamu wa duniani kote, haswa nikizungumzia lugha na ubora wa picha na sauti zinazotumiwa kwenye filamu zetu. Mifano yakutizama na kushindana nayo iwe Bollywood na Hollywood.Tukiweza wafikia hao then mwendo utakuwa ni wa mbio za kasi na sio mchakamchaka kama sasa. Mfano mzuri ni music videos za Bongo mbona quality inafaa hata kimataifa?

Kiujumla lakini, hatua na mwendo uliopo ndio wenyewe. Ndio kwanza tumeanza, dunia inapaswa kuogopa kwani Bongo ndio inapanda sasa. Inapendeza kuona pia ya kwamba hivi sasa wameanza kutoa tuzo kwa ajili ya filamu za kitanzania, hii itakuwa changamoto kubwa kwa sanaa hii huko tunakoenda.Ila ufisadi na uswahili usiingizwe humu tu!

BC: Ni wanamuziki gani wa barani Afrika wanaokuvutia?Una sababu zozote?

BOBBY: Wapo wengi sana ila ningependa kuwataja kwa mtiririko huu, Uganda, Kenya, Tanzania na South Africa. Hawa ni Bebe Cool, Nameless, Profesa J na HHP. Sababu zangu kuu ni kwa sababu kazi zao siku zote haziyumbi bali huboreshwa siku hadi siku.Wametoka mbali mno mpaka wamefika walipo, wamejitunzia heshima zao na wanaheshimu walipotoka. Kwa ufupi” these are hustlaz who made it big and are still humble!”

BC: Ni jambo gani ambalo unaweza kusema huwa unalihofia zaidi unapokuwa unasimamia shughuli au kwa maneno ya kigeni unapokuwa Master of Ceremony?

BOBBY: Kwangu mimi kuna sheria moja tu, uoga ni neno ambalo halipo kwenye kamusi yangu. Ila kama ushauri, ni muhimu mtu kuwa na utulivu kwanza, kujua utakachokisema na kwa mtirirko upi.Kuwa na mbinu mbadala endapo hitilafu yeyote itatokea ukiwa jukwaani na kama ni muoga wa halaiki basi usiwatazame usoni bali uwa tazame vitosi vyao haswa vile vya waliosimama nyuma kuliko wote.Kwa kufanya hivi utakuwa hauwatizami machoni lakini utaonekana kuwa unajiamini na kuwatazama wao.

Bobby(kushoto) akiwa na MC mwenzake Jokate Mwegelo katika usimamizi wa shughuli.As he puts it,confidence matters.

BC: Ni jambo gani unalolihofia zaidi maishani mwako?

BOBBY: Ninachokihofia kuliko vyote duniani ni kifo kusema kweli. Sio kuogopa kufa bali kuhofia kifo chenyewe. Nadhani ukiwa na wale uwapendao hupendi utengane nao na hilo wazo tu la kutengana… nalihofia mno!

BC: Umeshakaa Afrika Kusini kwa muda sasa.Miezi michache iliyopita paliibuka vurugu zinazotokana na baadhi ya wa-Afrika Kusini kudai kwamba wageni wanawachukulia kazi zao na nafasi zao za kuendelea.Unadhani hiyo inatokana na nini?

BOBBY: Hili jambo ni la kisiasa mno lakini kwa ufupi ukweli ni kwamba wenzetu walipata taabu sana wakati wa Apartheid na hii iliwaathiri kwa kila namna lakini haswa kitaaluma na kisaikolojia.Haya tunayoyaona ni matunda au madhara ya utawala huo.

BC: Labda kwa mtu ambaye hajawahi kufika Afrika Kusini,unaweza kumuelezea vipi kwa kifupi kuhusu nchi hiyo ambayo katika siku za hivi karibuni imetokea kuwa kimbilio la waafrika wengi katika kutafuta riziki na maslahi?

BOBBY: Ni nchi yenye maendeleo mazuri ukizungumzia infrastructure lakini kama mtu hana shughuli maalum kule sishauri mtu akajitosa kwenda kutafuta riziki kule kwani Bongo kuna mengi yakufanya na riziki imejaa tele. Kama ni biashara ya kihalali sawa, masomo sawa, kuhamia na kufanya kazi endapo utaipata sawa kwa sababu uchumi mzuri sana lakini kujilipua au kuzamia….ohoooo mbona utasota!! Wapo wengi tunaowaona huku.

Bobby(wa pili kutokea kulia) akiwa na marafiki zake,wanafunzi wenzake,U of Cape Town,Afrika Kusini.Kila la kheri Bobby!

BC: Mwisho ungependa kutoa ushauri gani kwa vijana wenzako kuhusiana na suala zima la maisha?

BOBBY: Kusema kweli maisha hayana formula ila binafsi ninayo ya kwangu ambayo ni….. mwogope Mungu, ogopa UKIMWI, chapa kazi / jitume, heshimu watu, tenda mema nenda zako……the rest leave it to God.

BC: Asante kwa muda wako Bobby.Tunakutakia kila la kheri katika masomo yako na pia familia.

BOBBY: Thanks BC.

Be Sociable, Share!

• 

Bila shaka hujafanya bado dhambi ya kumsahau Mr.Paul.Huyu ni miongoni mwa wanamuziki ambao wapo katika lile kundi linaloweza kuitwa la “waanzilishi” wa aina za miziki ambazo hivi leo tunaziita miziki ya kizazi kipya.

Mr.Paul ambaye jina lake kamili ni Paul Mbena hivi sasa anaishi nchini Australia.Anafanya nini huko?Bado anajishughulisha na masuala ya muziki?Hivi karibuni alifanya mahojiano na blog ya Spoti na Starehe ambayo ndio kwanza imehamia katika makazi yake mapya ili kukupa wewe msomaji ladha zaidi na mambo lukuki zaidi.Bonyeza hapa ili kuwatembelea Spoti na Starehe na pia kusoma mahojiano yao na Mr.Paul.

Pichani juu ni Mr.Paul(kushoto) akiwa na mkewe Natascha Klocker huko nchini Australia.

Be Sociable, Share!

• 

Kisha baada ya hapo likaja suala ambalo sisi hapa BC tumeona ni suala ambalo linahitaji kutokupuuziwa wala kupumzishwa kwa sababu zozote zile.Ni suala la mauaji ya albinos. Shukrani kwenu nyote mlioguswa pia na habari hizo na pia kuwa tayari kuungana nasi katika kuzidi kukemea na kujaribu kutokomeza kabisa imani hizo potofu na pia mauaji ya albinos kwa ujumla.Cha muhimu ni kuzidi kuelimishana na kuwapeleka katika mkono wa sheria wote wanaobainika kuhusika na ukatili huo.Kwa pamoja tunaweza.

Baada ya hapo likaja suala la Mtikila na mwenzake Rostam.Leo hii kila mmoja wetu anajua amuamini nani na amuache nani au la basi wote wanaingia kwenye lile kundi la politricians na wala sio politicians.Ili mradi tu imekuwa ni wiki nyingine yenye mauzamauza ya siasa.

Kama kawaida yetu,Ijumaa ni siku ya burudani na kupumzisha vichwa kidogo.Leo tumeona tuhame kidogo nchini kwetu na kuelekea Zaire(siku hizi Jamhuri ya Kidemokrasia ya Congo).Pale tunamkuta Mbilia Bel ambaye ni miongoni mwa wanamuziki waliowahi kutamba sana barani Afrika.Kibao kinaitwa Nadina.Tunatumaini kitakukumbusha “enzi zako” au kama wewe sio wa “hapo zamani” basi pia kitakuburudisha.Tunakutakia Weekend Njema.

Be Sociable, Share!

• 

Wiki hii Tanzania ilitembelewa na Kelly Rowland,mmoja kati ya wanamuziki waanzilishi wa kundi maarufu la muziki lililojulikana kama Destiny’s Child.Kelly alikuwa nchini Tanzania kama Balozi Maalumu wa Taasisi ya MTV Staying-Alive.Ukitaka kujua mengi kuhusiana na taasisi hiyo,bonyeza hapa.

Alipokuwa nchini Tanzania,Kelly Rowland ambaye aliongozana na Mkurugenzi Mtendaji wa taasisi hiyo, Georgia Arnold, alitembelea sehemu mbalimbali za jiji,alikutana na watu na vikundi mbalimbali kama ambavyo unaweza kuona katika picha hapo chini.

Kelly Rowland (kushoto) akiwa na binti aitwaye Eliza(katikati) pamoja na Mkurugenzi Mtendaji wa MTV Staying-Alive Foundation,Georgia Arnold(kulia) wakati wa ziara ya Kelly nchini Tanzania .Eliza anaongoza Kikundi kijulikanacho kama Elizabeth Youth Group kinachojishughulisha na miradi mbalimbali ya vijana katika kutoa elimu kuhusu ukimwi na matumizi ya madawa ya kulevya.Eliza mwenyewe ambaye ni muathirika,aliwahi kufanya kazi ya kujiuza kabla hajaamua kubadili maisha yake na kuamua kusaidia wengine.Iangalie documentary kuhusu Uwanja wa Fisi(Hyena Square) na Eliza kwa kubonyeza hapa

Kwa picha zaidi na maelezo zaidi,bonyeza (more) hapo chini;

Kelly Rowland akiwa na baadhi ya wanafunzi wa shule ya Sekondari Biafra iliyopo maeneo ya Kinondoni jijini Dar-es-salaam.Kelly aliitembelea shule hiyo ambapo alipata nafasi ya kuzungumza machache na wanafunzi kuhusiana na suala zima la ugonjwa wa ukimwi na umuhimu wa kupima afya na kujikinga na maambukizi.

Kelly Rowland akimkabidhi Eliza tuzo maalumu ya MTV Staying-Alive kutokana na mchango wake katika kuelimisha vijana kuhusu janga la ukimwi na jinsi ya kujikinga na maradhi hayo nk.

Mojawapo ya maeneo aliyoyatembelea Kelly ni eneo maarufu liitwalo Uwanja wa Fisi.Pichani ni Kelly Rowland akiwa ameongozana na Eliza na watu wengine mbalimbali, huko Uwanja wa Fisi.Eneo hilo ni maarufu kwa pombe,madawa ya kulevya,ngono zembe nk.Inasemekana kwamba hapo Uwanja wa Fisi kuna machangudoa wanaojiuza kwa hata shilingi 200/=Tshs!!

Mkurugenzi Mtendaji wa MTV-Staying-Alive Foundation, Georgia Arnold(kulia), akimkabidhi tuzo Kelly Rowland(kushoto),kutokana na shughuli zake kama balozi wa MTV Staying-Alive.Katikati anayeshuhudia huku akiwa amejawa na tabasamu ni binti Eliza kutoka Elizabeth Youth Group.

Picha ya kwanza juu ni Kelly Rowland akiwa amembeba mtoto ambaye ni muathirika wa ukimwi.

Be Sociable, Share!

• 

Bila shaka tunakubaliana kwamba kama ilivyo kwa mama,bila baba hakuna mtoto.Kwa maana hiyo mchango wa baba na mama katika malezi ni jambo muhimu.Kinachohitajika ni kila mmoja kutimiza wajibu wake.

Kuisindikiza siku hii,sikiliza kwa makini Wosia huu mzito kutoka kwa Baba kwa kubonyeza player hapo chini.Kisha zingatia yasemwayo katika wimbo huo.Happy Father’s Day.

Be Sociable, Share!

• 

Pichani ni wasanii wa Kikundi cha Splendid wakiigiza kama Mama mjamzito akiwa na watoto wake wakiwa wamekaa kwa masikitiko.Hii ilikuwa ni wakati wa shughuli za uzinduzi wa Kampeni ya Kukataa Kunyanyaswa Kwa Wanawake zilizofanyika jijini Dar-es-salaam jana.

Kama inavyoonekana pichani mama mjamzito amezungukwa na majukumu ya watoto wake bila kuwapo kwa mzazi mwenzake(mwanaume). Sasa ingawa waliopo pichani wanaigiza tu,hali halisi ndio hiyo katika jamii zetu.Single motherhood linazidi kuwa suala la kawaida katika jamii zetu.Nani wa kulaumiwa katika hili?Ni wanawake au wanaume? Jamii je?

Hii ndio picha yetu ya wiki na ni kwa hisani ya Athumani Hamisi.

Be Sociable, Share!

• 

Mwanamke anaingia mtegoni na kumuacha mume wake kisha anafuatana na “mshikaji”.Baada ya muda mfupi tu jamaa anasema hamtaki tena.Jamaa keshapata alichokitaka kisha analala mbele,anasema Next!!Mwanamke anaanza kujuta,balaa gani hili?

Mambo haya si yanatokea jamani?Nani wa kulaumiwa kwenye situation kama hizi?Mwanamke au mwanamume?Huo ndio ujumbe muhimu kutoka kwa International Orchestra Safari Sound(IOSS) katika wimbo wao Homa Imenizidia.Bonyeza player hapo chini upate burudani.Ijumaa Njema.

Na kwa wale wazee wa kuruka majoka kutoka majuu,pata burudani kutoka kwa Mfalme wa Pop,MJ,katika Wanna Be Startin’ Something.

Be Sociable, Share!

•