Nahodha wa Taifa Stars, Shadrack Nsajigwa ameumia nyonga (groin) kwenye mazoezi ya timu hiyo yaliyofanyika jana (Oktoba 3 mwaka huu) kwenye Uwanja wa Karume, Dar es Salaam. Kwa mujibu wa daktari wa Taifa Stars, Dk. Mwanandi Mwankemwa, maumivu hayo yatamweka Nsajigwa ambaye pia ni Nahodha wa Yanga nje ya uwanja kwa kati ya wiki mbili hadi nne.

Kutokana na ushauri wa daktari, Kocha Jan Poulsen amemuondoa kwenye kikosi hicho ambacho kitasafiri Oktoba 6 mwaka huu kwenda Casablanca, Morocco kwa ajili ya mechi dhidi ya Morocco itakayochezwa Oktoba 9. Badala yake Kocha Poulsen amemuita kwenye timu yake Nassoro Masoud Said ‘Cholo’ wa Simba kuziba nafasi ya beki huyo wa pembeni.

WACHEZAJI KUTOKA NJE

Wachezaji wanaocheza nje ya nchi walioitwa na Kocha Poulsen wameanza kuwasili. Idrissa Rajab anayechezea Sofapaka ya Kenya na Mbwana Samata wa TP Mazembe ya Jamhuri ya Kidemokrasi ya Congo (DRC) wamewasili jana jioni na tayari wameripoti kambini Taifa Stars.

Henry Joseph wa Kongsvinger IL ya Norway), Nizar Khalfan (Vancouver Whitecaps, Canada) na Athuman Machupa (Vasalund IF, Sweden) wanatarajiwa kuwasili leo (Oktoba 3 mwaka huu) usiku kwa ndege ya KLM. Washambuliaji Abdi Kassim na Dan Mrwanda wanaochezea timu ya DT Long An ya Vietnam ndiyo watakaokuwa wa mwisho kujiunga na kambi ya Stars ambapo watawasili nchini kesho (Oktoba Freetown,Seirra Leone,

Boniface Wambura

Ofisa Habari

TFF.

Be Sociable, Share!

• 

Mojawapo ya majina yaliyovuma sana katika ulimwengu wa soka nchini Tanzania,hususani miaka ya themanini, ni lile la Ahmed Abdulthabit Amasha(pichani).Ahmed Amasha alikuwa ni beki wa kutumainiwa wa timu ya Yanga ya jijini Dar-es-salaam. Mwaka 1984 Amasha alichaguliwa kuwa Mchezaji Bora wa Mwaka.Hivi sasa anafundisha soka huko Oman akiwa kocha wa timu ya Seeb SC.

Picha kwa hisani ya Mroki.

Be Sociable, Share!

• 

Hapo zamani kulikuwa na majina kama Athumani Mambosasa, Juma Pondamali,Joseph Fungo,Sahau Kambi, Iddi Pazi, Mohamed Mwameja na wengineo. Hao wote walikuwa ni walinda milango (makipa) waliojizolea sifa kemkem kutokana na umahiri wao katika kuzilinda nyavu zao zisitikiswe na timu pinzani.

Hivi sasa, huku watanzania wakiwa wamepata upya mwamko wa kupenda soka na kuunga mkono timu za nyumbani(hususani Taifa Stars), tunaye Tanzania One,Ivo Mapunda (pichani). Huyu ndiye kipa nambari moja wa timu ya taifa ya soka kwa upande wa wanaume,Taifa Stars na pia klabu maarufu na kongwe ya Yanga ya jijini Dar-es-salaam. Ameshatwaa tuzo ya Mchezaji Bora wa mwaka nchini Tanzania mara mbili. Ushauri kwa Ivo Mapunda?

Be Sociable, Share!

• 

Wote kwa pamoja, kama unavyowaona pichani ni celebrities. Majina yao hivi sasa ndio yametawala vinywa vya wapenda michezo, watanzania kwa ujumla. Wengine wamediriki hata kusema “utaifa” uko mabegani mwao hivi sasa.

Jumamosi hii kuanzia saa tatu usiku, timu yetu ya taifa ya soka ambayo inajulikana kwa jina lisilo rasmi la JK Boys, watateremka dimbani kukabiliana na majirani zetu kwa upande wa kusini, Msumbiji, katika mchezo muhimu wa mwisho katika kuwania tiketi ya kucheza katika fainali za mataifa ya Afrika 2008 zitakazofanyikia nchini Ghana mwakani. Mchezo huo utafanyikia katika uwanja wa taifa mpya na wa kisasa wenye uwezo wa kuchukua mashabiki 60,000.

Mara ya mwisho Taifa Stars ilishiriki katika fainali za mataifa ya Afrika mwaka 1980 zilizofanyikia nchini Nigeria. Je vijana wetu watatutoa kimasomaso hiyo jumamosi? BongoCelebrity inaungana na watanzania wote popote walipo, kuitakia kila la kheri timu yetu ya taifa. Go Go Taifa Stars!

Be Sociable, Share!

•