BongoCelebrity » Uncategorized

SHUKRANI

bongocelebrity — Wed, 08 Feb 2012 08:36:10 +0000

Khadija Abdul-1972-2012

Familia ya Ndugu Abdallah Mrisho Salawi – Meneja Mkuu wa Global Publishers Ltd, inachukua fursa hii kutoa shukrani za dhati kwa watu wote walioshiriki, kwa namna moja au nyingine, katika mazishi na maziko ya mpendwa mkewe, Khadija Abdulhussien, aliyefariki dunia usiku wa kuamkia Alhamis Feb 2, 2012, katika hospitali ya Aga Khan jijini Dar es salaam.

Shukrani za pekee ziwaendee wafanyakazi wote wa Global Publishers na hususani Mkurugenzi Mtendaji, Ndugu Eric Shigongo, ambaye alikuwa akifuatilia kwa karibu maendeleo ya afya ya marehemu tangu mwanzo na kutoa ushauri kila mara, alijitolea kwa hali na mali ili kuokoa maisha ya mpendwa wetu bila kuchoka hadi dakika ya mwisho neno la Mungu lilipotimia.

Shukrani pia ziwaendee Dk. Wayi wa Kinondoni Hospital, Dk. Hirji wa Ebrahim Hajji Hospital na Dk. Nyawawa wa Aga Khan Hospital kwa jitihadi walizozifanya za kujaribu kuokoa maisha ya Khadija.

Familia inawashukuru pia majirani, jamaa na marafiki wote wa Mrisho waliyoko nchini na nje ya nchi ambao wamekuwa wakimfariji kwa njia mbalimbali za mawasiliano na kumtia moyo katika kipindi hiki kigumu.

Familia haina cha kuwalipa zaidi ya kuwaombea kwa Mungu abariki kila jambo mnalolifanya hapa duniani na hakika mmejiwekea thawabu nyingi kwake. Kwa kuwa kila nafsi itaonja mauti, basi hatuna budi kumshukuru Mungu kwa kutimiza ahadi yake na tuseme: Yeye (khadija) ni wa Mwenyezimungu na kwake Mungu sote tutarejea!

Mungu ampumzishe Khadija katika moja ya viwanja vya peponi – Amen!

Be Sociable, Share!

“NDUGU NA JIRANI”-MZUNGU KICHAA(OFFICIAL NEW VIDEO)

bongocelebrity — Sun, 29 Jan 2012 08:43:27 +0000

The video was produced by Louise Kamin and shot by the Danish/Tanzanian cinematographer Talib Rasmussen for Caravan Records. The video was shot in a derelict building belonging to the Egyptian embassy along Kenyatta Drive which has now been torn down. It features some of the musicians who perform with Mzungu Kichaa and the legandary Tanzanian boxer Sheni who met with Mohammad Ali during the “rumble in the jungle” fight in Congo in 1974.

The song is about the process of saying goodbye to a loved one and metaphorically could be interpreted as saying goodbye to life. Mzungu Kichaa sings: ‘We have struggled in this world together and now the time has come to say goodbye. It will make me happy if you smile rather than cry. Who knows if we’ll meet in the heavens? We must respect and help each other here on earth, for we might never return again’.

Twalumba kabotu / Twalumba kabotu mama… baba

Ndugu zangu, nawashukuru sana / Tumepambana katika ulimwengu / Muda umefika wa kuachana / Tuagane kwa furaha sitaki lawama / Ninakokwenda nayo nikuzuri / Majani yanaota na maji yanakwenda / Nitafurahi ukicheka kuliko kusononeka / Kilatukiachana tutaonana tena

Ninaenda zangu, nina kimbia / Ukiniomba kubaki nita anza kulia

Ndugu na jirani, rafiki na mtu flaani / Muko na mimi moyoni / Mola tu ndyio ana jua / Ndiyo maana tusaidiane / Tuheshimiane / Kuna siku tuta achana, peponi je tutaonana? / Ulimwenguni haturudi tena / Tupendane tukiwa hai

Be Sociable, Share!

VIJANA.FM:5 QUESTIONS WITH WAVUTI’S SUBI

bongocelebrity — Thu, 26 Jan 2012 07:31:58 +0000

One of the things I like doing when I surf the internet is reading the interviews. In most cases,I am an interviewer so when I get a chance to read what other interviewers are asking and what their interviewees are saying, I get over excited. I can, at times,feel my heartbeats going faster. I wanna run,read it faster.Be in the Know! That’s me.

It was,therefore, a great morning for me when I came across an interview featuring Subi a lady who runs www.wavuti.com. I know there are lots of ladies doing a fantastic job of blogging out there. But in my opinion,Subi is a rock. She doesn’t only blogs but also assists a lot of younger bloggers to get where she is or where other bloggers are. She understands what is happening behind the pages full of maneno and photos that a lot of us like to peruse through. I have personally benefited from her “good heart”. When I get stuck with a software issue,I always think of Subi. And she is always there to assist unless she is busy saving lives elsewhere.

Here is the interview she did with Vijana FM(another group of people I admire and appreciate when it comes to dot com stuff and mapinduzi halisi). Well done Subi.

Be Sociable, Share!

UNAWEZA KUIPA MAELEZO YA ZIADA PICHA HII?

bongocelebrity — Fri, 20 Jan 2012 15:47:00 +0000

Pichani ni Katibu Mkuu wa CHADEMA,Dr.Slaa na mkewe

Be Sociable, Share!

NONI ZONDI:MZALIWA WA AFRIKA KUSINI MWENYE…

bongocelebrity — Fri, 20 Jan 2012 13:34:18 +0000

Anaitwa Noni Zondi.Ni msanii,model na muigizaji mzaliwa wa Afrika Kusini mwenye makazi ya kudumu nchini Uingereza.

Noni Zondi

Be Sociable, Share!

AFRICAN LYON Vs TFF:

bongocelebrity — Fri, 20 Jan 2012 13:09:13 +0000

TAARIFA KWA VYOMBO VYA HABARI

MAHUSIANO MABAYA SANA KATI Y A TFF NA AFRICAN LYON FC

Kwa masikitiko makubwa sana, uongozi wa timu ya African Lyon Fc inapenda kuwaeleza watanzania hususani wapenzi wa mpira wa miguu kuwa, katika jitihada zote za timu yetu ya kukuza na kuedeleza soka hapa nchini, Tumekuwa na mahusiani MABAYA SANA na chama cha mpira wa miguu yaani TFF.

Napenda kuweka wazi bila kificho chochote kuwa TFF imekua ikitukandamiza na kutuchafua mbele ya jamii kwa makusudi. Tena ni kana kwamba si mtu mmoja ndani ya TFF bali ni kuwa agenda ya TFF nzima.

Kuanzia kwa Rais wa shirikisho kamati ya mtendaji, kamati ndogondogo na pia sekretarieti cha kusikitisha kama si kufurahisha mpaka kwa walinzi wa milangoni siku za mechi.

Napenda nitoe baadhi ya mifano michache ambayo tunakutana nayo katika jitihada zao za kutuyumbisha pamoja na vilio vyetu vya kila siku.

RATIBA YA LIGI KUU.

Timu zote ambazo zimekua zikienda kucheza mechi kanda ya ziwa zimekuwa zikicheza mechi zote mbili(yaani kucheza na Toto Fc na Kagera sugar). Kitu ambacho African Lyon Fc chini ya uongozi wetu hatujawahi kukutana nacho.

Nakama hiyo haitoshi mechi yetu ya mwisho wanatupeleka Manungu Turiani kucheza dhidi ya JKT Ruvu na hali sisi na JKT uwanja wetu ni Chamazi alafu wenyeji wa Turiani (mwenye Uwanja wao) Mtibwa wanapelekwa Morogoro kucheza dhidi ya Moro United.

Ni vigezo vipi vilivyowekwa kutupeleka sisi na si Simba wala Yanga. Je hii TFF ni ya Simba na Yanga tu.

MBWANA SAMATA

Ndugu watanzania, Tumeandika barua zaidi ya 15 kwa sekretarieti,kamati ya haki ya wachezaji, Raisi Tenga. Lakini hakuna yeyote aliyezungumzia jinsi ambavyo Simba imegushi uhamisho wa Mbwana Samatta kutoka African Lyon Fc. Cha kushangaza ndugu Alex Mgongolwa ambaye pamoja na kupelekewa barua yetu TFF ofisini kwake,kaibuka na timu ya Kimbangulila Fc na African Lyon tumeachwa bila hata kusikilizwa.

Napenda kumlaumu kwa nguvu zote ndugu Alex Mgongolwa kwa makusudi yake kabisa tena kwa kukusudia ya kugoma kukaa na sisi na kutisikiliza. Na kwa dharau yake ya kushindwa hata kutujibu japo moja ya barua zetu.

Na kwa kuonyesha chuki za wazi kwetu ni pale ambapo aligoma kukutana na WAFADHILI wetu aliokuja kutoka Marekani na Uarabuni kutaka kujua maswala haya hususani ya MBWANA SAMATTA. Hawa ni watu waliotumia fedha na mda wao kuja nchini kwetu alafu mtu anagoma.

Na si yeye tu aliyegoma hata uongozi wa juu wa TFF uligoma kukutana nao ili hali hawa wote walipata taarifa wiki moja kabla juu ya ujio wa wageni hawa.

YUSUFU SOKA

TFF kupitia kwa kaimu Katibu mkuu wake bwana Sunday Kayuni na wakala waliamua kumpeleka Sweden mtaja hapo juu na tunasikia kuwa hivi sasa yupo Jela. Tunalaani na tunaomba vyombo vya dola viingilie kati na sheria ichukue mkondo wake vielelezo vya mchezaji alivyoondoka na wahusika wa safari yake tunavyo.

TIKETI ZA MILIONI 35

Mwaka 2009 TFF walituomba tuwaletee tiketi toka Marekani zenye thamani ya shilingi milioni 40 na wakaturudishia tiketi za shilingi milioni 5 zilizobakia baada ya kutumia katika mechi kadhaa hivyo kwa sasa tunawadi milioni 35. Tiketi zenyewe zilitumiwa kwa mechi mbalimbali zikiwemo za Kilimanjaro Taifa Cup na Kagame cup. TFF wamekuwa mara kwa mara wanatoa ahadi hewa juu ya malipo yetu. Hii inatufanya tuzidi kuamini kuwa TFF haina nia nzuri na timu yetu African Lyon Fc. Tunaomba tulipwe.

SWALA LA KASSIM DEWJI

TFF nathubutu kusema kuwa haiko makini kwa jambo lolote lile hapa nchini, baada ya sisi kununua timu 2009/2010. Timu yetu ilipata zawadi ya sh.milioni 5 kama timu yenye nidhamu bora cha kushangaza kaimu Katibu mkuu ndugu Sunday Kayuni alimuandikia hundi kwa jina la Kassim Dewji,huku akijuafika kuwa sisi ndio tunaomiliki timu, na hata kama angekuwa yeye ni mmiliki bado jina lingekuwa ni la timu na sio la mtu binafsi.

Kuna uwezekano mkubwa sana hela hizo viongozi wa juu kabisa wamegawana na ndio maana wanalikingia kifua. Tunataka hela zetu, hii ni haki ya wachezaji.Ni nidhamu gani aliyoonyesha uwanjani Kassim Dewji mpaka apewe yeye?

FEDHA ZA VODACOM 2010 – 2011

Jamani hadi leo hii tumepokea shilingi 3.5 milioni tu. Je wenzetu wote wamepewa hivyo? Vodacom wanajua? Halafu wanataka bado tuvae jezi za Vodacom ambao udhamini wao ni wa hela ya mboga. TFF wanajipaka matope na aibu iwakute kwa wizi wa mchana kweupe.

TAMKO LA AFRICAN LYON

African Lyon Fc kwa nguvu zetu zote na tunapenda tuelewe kuwa TFF ina mpango madhubuti wa kuishusha timu yetu daraja kama si kuiondoa kwenye ramani ya soka.

Hivyo basi tunatoa siku 30 kwa TFF kukutana nasi na kuzungumzia matatizo yetu na kama ikishindikana basi sisi tunajitoa kwenye ligi pasipo kujali chochote.

Asante sana.

Kwa maelezo zaidi wasiliana:

Sherally Abdallah Hammed

0759 302496

Be Sociable, Share!

HAPPY BIRTHDAY “ZEZE”

bongocelebrity — Sat, 14 Jan 2012 10:02:38 +0000

Today,one of the prominent blogger,Shamim Mwasha aka Zeze is celebrating her birthday.As a friend and brother,would like to wish her all the best.Keep moving,keep writing,keep inspiring.Happy Birthday.

You can visit her blog via 8020fashions.blogspot.com

Be Sociable, Share!

HAPPY MAPINDUZI DAY

bongocelebrity — Thu, 12 Jan 2012 08:28:11 +0000

Leo ni sikukuu ya kitaifa.Wenzetu wa Visiwani wanakumbuka Siku ya Mapinduzi.Lakini unajua yepi kuhusu mapinduzi hayo?Yalikuwaje?Yaliwezekana vipi? Fungua ukurasa huu na usome kidogo. Pia unaweza kusoma mengi kuhusu historia,mila,tamaduni na desturi za visiwani hapo kwa kubonyeza hapa.

Happy Mapinduzi Day

Be Sociable, Share!

PUMZIKA KWA AMANI MZEE KIPARA

bongocelebrity — Wed, 11 Jan 2012 16:08:15 +0000

Msanii mkongwe wa sanaa ya maigizo na filamu,Mzee Fundi Said almaarufu kama Mzee Kipara,hatunaye tena!

Habari za uhakika ambazo BC imezipata,zinapasha kwamba Mzee Kipara amefariki dunia majira ya saa tatu na nusu asubuhi ya leo nyumbani kwake maeneo ya Kigogo jijini Dar-es-salaam.

Msanii huyo maarufu ambaye alitamba tangu enzi za maigizo kupitia radio(Radio Tanzania) mpaka kwenye luninga(hususani ITV) akiwa na kundi la sanaa za uigizaji la Kaole,amekuwa akisumbuliwa na maradhi mbalimbali kwa muda sasa.Ilifikia mpaka wakati pakaitishwa harambee ya kujaribu kunusuru afya yake ambapo wasanii kadhaa walijitokeza katika kusaidia.

Kwa namna yoyote ile,hili ni pigo sio tu kwa familia yake bali kwa tasnia nzima ya filamu na uigizaji nchini Tanzania.Tunaungana na wote katika kuwatakia faraja ndugu,jamaa na marafiki wa Marehemu Mzee Kipara.Mwenyezi Mungu aiweke roho ya marehemu mahali pema peponi.Amin

Be Sociable, Share!

“PUNGUZA MATUMIZI YA POSHO SIYO MATUMIZI YA RELI,BARABARA,ELIMU NA AFYA”-ZITTO KABWE

bongocelebrity — Tue, 10 Jan 2012 19:22:57 +0000

Mwezi Disemba mwaka 2011 Waziri wa Fedha na Uchumi alimwandikia barua Mkurugenzi Mkuu wa Shirika la Fedha Duniani (IMF) kumwahidi mambo yepi Serikali ya Tanzania itafanya ili kurekebisha Bajeti yake. Utaratibu huu hufanyika kila mwaka kupitia mpango unaoitwa ‘Policy Support Instrument (PSI). Katika barua hiyo Waziri wa Fedha wa Tanzania ameahidi kwamba Serikali itafanya juhudi kupunguza matumizi ili kuweza kupunguza uwiano wa nakisi ya Bajeti na Pato la Taifa (fiscal deficit to GDP ratio) kutoka asilimia 7.2 mpaka asilimia 6.6 ya Pato la Taifa.

Waziri wa Fedha na Uchumi ameiambia IMF kwamba ifikapo mwisho wa Mwezi Disemba mwaka 2011 (wiki mbili zilizopita) Baraza la Mawaziri la Tanzania limefikia maamuzi ya kupunguza nakisi ya Bajeti kwa kiwango kilichotajwa. Maeneo yanayotajwa ni Pamoja na Miradi ya Maendeleo ambapo jumla ya miradi yenye thamani ya Tshs 157bn itakatwa. Waziri
wa Fedha ametaja miradi hiyo katika Ukarabati na Ujenzi wa Miundombinu.

Kambi ya Upinzani Bungeni inapinga kuondolewa kwa miradi ya maendeleo ili kupunguza matumizi ya Serikali. Kimsingi wakati kama huu ambapo hali ya uchumi ni mbaya na vijana wengi vijijini na mijini hawana ajira tunasisitiza umuhimu wa kutumia zaidi kwenye miradi ya maendeleo.

Punguza matumizi ya kawaida

Kambi ya Upinzani Bungeni inarejea wito wake kwa Serikali kupunguza matumizi ya kawaida ili kupata fedha za kutosha kwa ajili ya maendeleo. Haiwezekani kamwe tukawa Taifa huru iwapo miradi yetu yote ya maendeleo inafadhiliwa na wahisani. Kiwango kidogo tulichokiweka katika Bajeti ya mwaka huu ndicho hicho sasa kinakatwa na hivyo miradi yote ya maendeleo kubakia kwa wahisani ama kwa mikopo au misaada. Kiwango cha Tshs 203bn sawa na 0.5% ya Pato la Taifa ambacho Serikali imeahidi kupunguza ni kidogo mno na kinalenga kuumiza watumishi wa kada ya chini ya Serikali na sio viongozi wakubwa. Bajeti ya Mafunzo inayoenda kukatwa itaumiza Manesi na Walimu au watumishi wanaoongeza ujuzi ili kuboresha kazi zao. Serikali ikate matumizi yote yasiyo ya lazima na hasa posho (360bn), ipunguze matumizi ya magari na yale yasiyo na uhitaji yapigwe mnada na viongozi wote isipokuwa Rais, Makamu wa Rais, Waziri Mkuu, Spika na Jaji Mkuu washushwe madaraja ya kusafiria kwenye ndege. Safari zote ambazo hazina mahusiano na miradi ya maendeleo zipigwe marufuku kwa muda wote wa miezi sita ya Bajeti iliyobakia.

Serikali ihakikishe matumizi katika Sekta ya Elimu na Afya hayakatwi kabisa ili kuhakikisha tunalinda mafanikio kiduchu ya upanuzi wa sekta hizi na kuongeza uwezo wa Serikali kutoa huduma bora kwa wananchi hasa wa vijijini.

Matumizi ya Maendeleo yasiguswe, yaongezwe

Tayari imeonekana kwamba katika kipindi chote cha nusu ya Bajeti Halmashauri za Wilaya hazijapata fedha za maendeleo. Mfano Halmashauri ya Wilaya Kigoma imepata asilimia 0.3 tu ya Bajeti ya Maendeleo ilhali Halmashauri ya Mji wa Mpanda imepata asilimia 4 tu. Ni dhahiri miradi ya maendeleo kwa maeneo mengi ya vijijini itakwama kwani ni wazi kabisa kwamba Halmashauri hazipati fedha zote za Bajeti ya Maendeleo. Serikali itambue kwamba miradi ya maendeleo sio anasa bali ndio vyanzo vya baadaye vya mapato ya serikali. Miradi ya maendeleo hutoa ajira kwa wananchi na hivyo kuwapunguzia umasikini wa kipato. Jumla ya Tshs 157bn zinazotakiwa kukatwa zisikatwe bali ziongezwe ili kupata fedha za kurekebisha miundombinu kama Reli ya Kati.Kwa mfano Reli ya Kati inahitaji Tshs 200bn katika kipindi cha miaka 3 ili iweze kusafirisha mizigo tani 1.5m kwa mwaka kila siku na kuzalisha faida.

Ongeza Mapato ya Ndani

Inashangaza kwamba katika mpango wa Serikali kupunguza nakisi ya Bajeti mkazo umewekwa kwenye kuondoa miradi ya maendeleo badala ya kuongeza mapato. Nakisi hupunguzwa ama kwa kupunguza matumizi au kwa kuongeza Mapato. Serikali katika Taarifa yake kwa IMF imeibua njia moja tu ya kuongeza mapato, kodi ya mapato kutoka Kampuni ya Geita Goldmine. Huu ni uvivu wa kufikiri.

Serikali imeambiwa mara kadhaa suala la kuanza kutumika kwa sheria mpya ya madini kwa Kampuni za Madini zilizokuwapo. Makusanyo ya Mrahaba peke yake kwa sheria mpya, kiwango kipya na kanuni mpya ya kukokotoa ingeongeza mrahaba mpaka Tshs 203bn kutoka Tshs 99bn za sasa. Kwanini Serikali ianvuta miguu katika kutekeleza hili? Waziri wa Nishati na Madini aliahidi Bungeni kwamba mazungumzo na Kampuni za Madini yanaisha Mwezi Septemba. Mbona Serikali imekuwa BUBU katika hili?

Serikali iliahidi kuangalia suala la mauzo ya mali za makampuni zilizoko Tanzania na kodi ambayo tunapaswa kukusanya, Serikali imekuwa kimya kabisa katika suala hili. Marekebisho ya Sheria ya Kodi ya Ongezeko la Thamani (VAT) kwa kuondoa msamaha kwenye ‘deemed capital goods yangeongeza mapato ya Serikali kwa kiwango kikubwa na kupunguza mzigo wa
misamaha ya Kodi.

Uwajibikaji kwa Bunge

Inashangaza zaidi kwamba sasa imekuwa ni mtindo kwa Serikali kutoa ‘commitments’ muhimu za kibajeti kwa Shirika la IMF badala ya wananchi kupitia Bunge. Bunge limepitisha Bajeti, mapitio yeyote ya Bajeti yanapaswa kuidhinishwa na Bunge. Bila kufanya hivyo maana ya Bunge kupitisha Bajeti inakuwa haina mantiki na uhuru wa Taifa letu unakuwa haupo kwetu.

Umuhimu wa Bunge kutunga haraka Sheria ya Ofisi ya Bajeti ya Bunge (Parliamentary Budget Act) sasa unaonekana waziwazi. Muswada umewasilishwa Bungeni na Wabunge binafsi kutaka kuundwa kwa mfumo wa kuisimamia Serikali katika Bajeti. Ofisi ya Spika wa Bunge ihakikishe muswada huu unachapishwa katika Gazeti la Serikali mara moja ili usomwe kwa mara ya kwanza katika mkutano wa Sita wa Bunge na kutungwa kuwa sheria katika mkutano wa Saba.

Kambi ya Upinzani inaitaka Serikali ilete mpango wa kupunguza matumizi Bungeni ili ujadiliwe na kuidhinishwa na Bunge kabla ya kuanza kutumika. Vinginevyo Mpango wa Serikali kwa IMF utakuwa ni kudharau wananchi na kuuza uhuru wetu kwa Shirika la Fedha la Kimataifa. Mwalimu Nyerere aliwahi kusema mwishoni mwa miaka ya Sabini ‘toka lini Shirika la Fedha la Kimataifa (IMF) limekuwa Wizara ya Fedha ya Kimataifa (International Ministry of Finance)?’

Kabwe Zuberi Zitto, Mb

Waziri Kivuli Fedha na Uchumi

Naibu Kiongozi wa Upinzani Bungeni (NKUB)

Dar es Salaam, 10 Januari 2012.

Be Sociable, Share!