Pichani ni Ephraim Kibonde mmojawapo miongoni mwa watangazaji mahiri wa Clouds Fm.Mbali  na utangazaji, Ephraim  pia ni mshereheshaji kwenye shunghuli mbalimbali zikiwemo,harusi,tafrija mbalimbali na hata mambo ya kijamii.Pia kama mnavyojua,Kibonde ndio mtangazaji mahiri nchini wa mapambano ya ndondi(ngumi).

Hapo pichani alikuwa akiwajibika kama MC katika send off moja jijini Dar-es-salaam.

Be Sociable, Share!

• 

Jina la Sophia Kessy au maarufu pia kama Malkia wa Bambataa sio geni hususani miongoni mwa wapenzi na wasikilizaji wa radio nchini Tanzania. Amepitia radio mbalimbali mpaka alipotua Clouds FM ambapo kama mwenyewe anavyokiri, ndipo jina lake lilipofahamika zaidi kutokana na ukweli kwamba radio hiyo ni miongoni mwa vituo vya redio vyenye wasikilizaji wengi zaidi nchini Tanzania.

Kwa miaka takribani mitatu na ushee iliyopita amekuwa akiendesha kipindi cha Afrika Bambataa ambacho kinarushwa na Clouds FM kuanzia Jumatatu hadi Ijumaa saa moja mpaka saa tatu usiku. Sophy alifanya hivyo mpaka hivi karibuni alipotangaza kwamba anaachia ngazi kutoka katika kipindi hicho na kuangalia kwingine. Uamuzi huo uliwashangaza wengi,hususani wapenzi wake,wasikilizaji wa Clouds FM.

Nilimtafuta hivi karibuni ili kuongea naye mambo kadhaa ikiwemo kutaka kujua kwa ufupi historia yake,mtizamo wake katika mambo mbalimbali na zaidi kutaka kujua baada ya Afrika Bambataa, what next??

Unataka kujua alipokuwa mdogo Sophy Kessy alitaka kuwa nani ukubwani?Unajua kwanini hivi leo amebobea katika muziki wa kiafrika japokuwa hapo mwanzo anasema hakuwa anaufagilia sana? Je ni wanamuziki gani ambao wanamgusa zaidi barani Afrika?Fuatana nasi katika mahojiano yafuatayo;

BC: Sophy,asante sana kwa kukubali kufanya nami mahojiano haya.Mambo yanakwendaje?

SK: Mambo yanaenda vizuri mpaka sasa.Nafurahi kuona mnatukumbuka huku. Karibu kwa maswali yako.

BC: Asante.Kwa faida tu ya wale ambao wanalijua jina lako na kwa muda sasa wamekuwa wakikusikia kupitia Clouds FM,unaweza kuniambia kwa kifupi tu kuhusu historia ya maisha yako?Ulizaliwa wapi,ukakulia wapi na mambo kama hayo?

SK: Mimi nimezaliwa miaka 31 iliopita pale Manyara wakati huo wazazi wangu walikuwa wakifanya kazi katika Hifadhi ya Ngorongoro baba akiwa Tour Guide na mama akiwa pale kama katibu wa kina mama.Baada ya hapo nilibahatika kupata elimu yangu ya awali huko Tanga vijijini kwa bibi yangu mzaa mama na kisha elimu ya sekondari niliipata huko Moshi Ushirika Secondary School ambayo kwa sasa inajulikana kama Wazalendo Secondary School. Elimu yangu ya chuo VETA. Kwa kifupi naweza sema nilikulia mkoani Kilimanjaro.

BC: Mara nyingi tunapokuwa watoto huwa tuna ndoto nyingi.Tunatamani kuwa kama fulani au fulani pindi tutakapokuwa.Je kwa upande wako,utangazaji ilikuwa ni ndoto yako ya toka utotoni au ulipokuwa mtoto uliota kuja kufanya kazi gani baadaye?

SK:Ni kweli sikuwahi kutarajia kama ningeweza kuwa mtangazaji hata siku moja. Ndoto zangu zilikuwa tofauti sana nilipokuwa mdogo. Nilitamani kuwa Rubani mwanamke na nilijitahidi sana katika masomo kuhakikisha nafikia ndoto zangu.Lakini kutokana na sababu ambazo hazikuwa ndani ya uwezo wetu na kufuatia kifo cha baba yangu ndoto zangu zote zilipotea kabisa.

Wakati huo mama yangu,Salama Mohamed, hakuwa na uwezo wakuni- support kuweza kufikia kile nilichotaka kutokana na hali duni ya kipato. Hali hiyo ilinilazimu kujikita katika fani nyingine kama ya ufundi ambayo niliipata pale Veta Moshi kwa miaka 3. Pale nilisomea Instrument Mechanics na hii ndio ilionipelekea leo Sophia mimi kujulikana na kufanya kazi katika Radio mbali mbali nchini.

BC: Mpaka hivi leo umepitia au umefanya kazi katika vituo gani vya radio?Na ilikuwaje siku ya kwanza ulipotambua kwamba unasikika “live” radioni?

SK: Siku ya kwanza kusikika katika Radio ilikuwa ngumu kidogo kuamini.Na wala hakuna hata mmoja alieyeamini hilo hususani nyumbani. Nakumbuka nilikuwa muoga kidogo…ha ha ha ha. Nakumbuka dada zangu na mama walikuwa wakinitania sana kwasababu hawakutegemea kama ningekuwa jasiri kiasi kile. Ni historia ndefu kidogo ngoja nikusimulie;

Kwanza baada ya mimi kusoma ufundi nilipata Field katika kituo cha Radio kilichopo Moshi RADIO SAUTI YA INJILI ( RSI). Hii ni radio ya dini walinichukua kama fundi mitambo. Sasa kutokana na ujanja wangu baada ya rafiki yangu kuugua ambae alikuwa ni mtangazaji na yeye alikuwa akifanya kipindi cha salamu ikabidi nizisome mimi. Hilo liliwezekana kwasababu nilirecord na nilikuwa fundi mitambo wake. Nikazifanya katika ubora wa hali ya juu na kuzirusha vizuri tu. Sio kwamba najisifia lakini kweli baada ya kurusha kipindi hicho nilipokea simu na maoni mengi sana kila mtu akitaka nifanye kipindi hicho na sio mimi tu mpaka bosi wangu na huo ndio ukawa mwanzo wa mimi kutangaza.

Baadae nikajinoa kwa kupata mafunzo zaidi mpaka nikakomaa. Ila mpaka sasa kufika hapa Clouds Media nilianya kazi sehemu Tatu tofauti ikiwemo hiyo RSI radio ya Moshi mjini, ORS FM hii ni community radio ipo Simanjiro Manyara , na TRIPLE A FM iliyopo jijini arusha na pale nilikuwa Programs Manager na kisha ndio nikajiunga na Clouds Fm .

Sophy Kessy enzi za Afrika Bambataa

BC: Umaarufu ulionao hivi leo umetokana na kipindi cha Afrika Bambataa ndani ya Clouds FM.Unakumbuka ilikuwaje mpaka ukapata kazi ya kutangaza kipindi hicho?Kilikuwa ni kipindi kipya au ulimpokea mtu?

SK: Bambataa ni kipindi cha muda mrefu sana hakikuwa kipya nilikipokea kutoka kwa Agape Msumari ambaye ndie alinibatiza jina la Malkia. Wakati huo baada ya mimi kuchukuliwa kutoka Triple A FM huko Arusha nakumbuka vyema bosi wangu wa baadaye, Bwana Ruge wenzake walikuwa ziarani Arusha kwenye kazi zao na ndipo walibahatika kunisikia kutokana na kazi yangu niliyokuwa nikifanya pale Triple A ndipo wakavutiwa. Bila shaka waligundua kwamba nina kipaji. Baada ya mazungumzo kadhaa ya kawaida ya mambo ya kazi, wakanichukua kutoka pale ndio mpaka Clouds Dar-es- saalam.

Huo ndio ukawa mwanzo wa safari yangu na Clouds FM kitu ambacho I am thanklful for kwani ndio imechangia kunifanya nijulikane sio tu Dar-es-saalam bali pia mikoa mingine ambayo sikuwahi kusikika kabla ya hapo.Nawashukuru sana Clouds kwani ni wazi kwamba wamenifikisha mahali fulani ingawa bado nataka kufika mbali zaidi. Naamini nitafika kwani nimedhamiria.

BC: Nini hasa maana ya Afrika Bambataa hususani neno bambataa?

SK: Africa wote tunaijua maana ila neno bambataa ni neno ambalo linamaanisha kukamata na kutoa burudani zaidi kama ilivyo jadi yetu wana Clouds. Kwamba jadi yetu ni kuendeleza burudani bamba inakaa kama kamataa taa ndio hiyo burudani yenyewe. So Afrika Bambataa inakuwa ni kuburudika kujiachia na ku enjoy. Labda nikieleza kwa maana hiyo nitaeleweka kirahisi zaidi.

BC: Hivi karibuni ilitangazwa kwamba Malkia wa Afrika Bambataa anakiacha kipindi hicho na kuelekea kwenye luninga(televisheni).Niambie kidogo kuhusu mabadiliko hayo.Inakuwaje?

SK: Yes ni kweli kabisa kaka Jeff nilitangaza kujiengua kutangaza kipindi cha Bambataa.Hii yote ni katika kuwapa pia wengine nafasi waweze kuja na mambo mapya kwasababu muziki umebadilika na wakati pia umebadilika. Binafsi niliona sio mbaya kwa kipindi pia kubadilika. Mbali na hayo,niliona katika luninga(televisheni) ndio kuna future zaidi hivyo nikaona niangalie na upande huo pia. Baada ya kuwatumikia Clouds kwa upande wa Radio na wao kuniomba kujiunga na TV niliridhia hususani kutokana na ukweli kwamba o nisingeweza kutumikia mabwana wawili kwa wakati mmoja.Mshika mawili moja humponyoka. Nikaamua kuchagua moja ili nilifanyie kazi zaidi. Na hii ni baada ya kutafakari kwa muda mrefu mie pamoja na familia yangu. Pia nikapitia mikataba yao nikaona inanivutia.

Kwa hiyo huo ndio ukweli. Bado nipo Clouds Media Group ila nipo upande wa TV na soon mashabiki wangu wataniona na kunisikia vyema nikija na style nyingine. Najua wataipenda.

BC: Unaweza kuniambia japo kwa kifupi tu kuhusu kipindi cha televisheni utakachokuwa unahusika nacho?Kimeshapatiwa jina,ratiba nk?

SK: Naomba nisiseme kwa sasa nakuja na kipindi gani kwasababu bwana bongo siku hizi ukisema kidogo tu watu wanaibuka nayo. Naomba nifanye siri ila soon mashabiki wangu watajua hilo na wewe pia nitakujulishana ratiba zote na siku gani. Nitakujulisha soon nakamilisha mipango.

BC: Ni mambo gani ambayo bila shaka utayamiss sana kutoka katika kipindi cha Afrika Bambataa?

SK: Dah mengi sana ila muziki niliupenda sana muziki huo kutoka katika damu.Nitawamiss sana mashabiki wangu ambao kila wakati nilikuwa na chart nao. Kweli mazoea yana tabu lakini ndio hivyo nakubaliana na mabadiliko. Nitamiss vingi katika bambataa niliipenda kupita maelezo .

BC: Talking about music…ilikuwaje ukazama zaidi katika mapenzi ya muziki wa kiafrika ilhali vijana wengi wa siku hizi wana kasumba ya kupenda zaidi miziki kutoka magharibi?

SK: Kwanza kabisa wakati nakuja hapa Clouds sikuwahi kujua kama ningefanya kipindi hicho cha Bambataa. Ila baada ya kufika nikakabidhiwa na nikaanza kujifunza. Naweza kukiri kwamba sikuwa naupenda sana huo muziki. Nilijifunza kuupenda na nikagundua kuwa ni muziki mzuri sana. Ukaniteka a nikawa Teja wa muziki huo.

Baada ya hapo ikawa mpaka nyumbani kwangu kila ninapokuwa hata simu zangu zikiita ni muziki huo utausikia na nitaupenda siku zote za maisha yangu. Inabid vijana wengi wabadilike.Hakuna muziki mtamu kama wa Afrika. Una vionjo vya kipekee,ladha tamu sana ambayo kama unatulia na kusikia ujumbe ulio ndani yake basi utajifunza mengi kwa sababu wanamuziki wetu wanaimba kulingana na hali halisi. Pia live instrument utazikia…dah sina namna ya kuelezea ila i love this kind of music nahisi hata ukinikata mkono au kidole basi labda damu yangu ina chembechembe za muziki huo.Naupenda sana muziki huo.

Sophia Kessy(kulia),Ferre Golla na Ben Kinyaiya. Sophia na Ben walikuwa MCs wakati wa show ya Ferre Golla nchini Tanzania mapema mwaka huu.

BC: Nikikuomba unitajie wanamuziki watano wa kiafrika ambao kazi zao unazizimia zaidi,utawataja kina nani?Kwanini?

SK:

1. Lokua Kanza-ana style ya kipekee katika uimbaji wake na ametulia sauti na mpangilio.
   
2. Marehemu Mama Africa Miriam Makeba-huyu mama ni hodari sana katika uimbaji.
   
3. Kofi Olomide -anaujua muziki anajipanga na anaelewa hasa nini maana ya muziki.
   
4. Fally Ipupa-kijana ambae ameingia na staili ya kubadili muziki huu wa Afrika na anajua anacho kifanya kwa kuingiza vionjo vya kisasa.
   
5. Mwanamuziki Kidum Kibido toka Burundi- anajua muziki na anajua namna ya kujipanga uwezo wake jukwaani ikiwemo sauti…na wengine wengi ambao nikiwataja sitamaliza leo.Hao nawakubali sana ingawa wapo wengi sana pia kutoka hapa nyumbani Tanzania.
   

BC: Kwa upande wa maisha yako binafsi, ni watu gani ambao unaweza kusema wanaku-inspire zaidi maishani?

SK: Vicky Ntetema, ni muwajibikaji na ananivutia sana mwana mama shujaa asieogopa kufanya atakacho. Mama yangu- kwanza kabisa ni mchapa kazi na anajituma.Wapo wengi pia ambapo wananivutia ila niwataje hao tu kwa kwa sasa.

BC: Pamoja na utangazaji,wewe pia ni mjasiriamali kupitia kampuni yako ya SK Entertainment.Kwa faida ya wale wasiofahamu hilo,unaweza kuwaeleza kampuni hiyo inashughulika na mambo gani na mpaka hivi leo imeshafanya yepi?

SK: SK Entertainment ni kampuni ambayo inautangaza muziki wa Afrika. Niliianzisha baada ya kuona kwamba kwa sababu naupenda muziki wa kia-afrika, kwanini nisianzishe kampuni ambayo itausuport muziki huo.

Mpaka sasa SK Entertainment imefanya mambo makubwa kiasi ingawa bado ndio mwanzo.Nimefanikiwa kumtangaza mwanamuziki KIDUM KIBIDO na kumwezesha kufahamika hapa nyumbani na watu wakamtambua vilivyo. Lakini pia imemsaida kufahamika hata kuko Ulaya kupitia website ya kampuni yangu na channel zingine.

Mbali na Kidum, mwanamuziki Deplaizir kutoka London najivunia mafanikio yake kwani nilifanya kazi ya ziada kumtagaza na kuweza kujulikana hapa nyumbani na kukubalika. Pia nimeweza kushauri na kuutangaza muziki wa hapa nyumbani huko UK na USA kupitia marafiki na website ambayo leo najivunia kuona wanawafaamu baadhi ya vijana wa kitanzania kupitia jina la SK entertainment.

Mbali na hayo namiliki duka la nguo la SK Colection lililopo Sinza kwa Remmy. Mojawapo ya vitu vinavyotokana na duka hilo ni pamoja na kuwavalisha wanamuziki, kuwashauri na kuwa kuwafundisha mambo mbalimbali yanayohusiana na kazi zao hususani katika kujitangaza na namna ya kulikamata soko la muziki.

Sophia Kessy na mwanamuziki mkongwe barani Afrika,Mbilia Bel

BC: Sasa tuongelee kidogo kuhusu masuala ya tekinolojia kama vile blogs kwanini wewe pia ni blogger.Kwa mtazamo wako,unadhani watanzania tunazitumiaje tekinolojia hizi au tunaweza kuzitumiaje ili kujiletea mafanikio katika nyanja mbalimbali za maisha?

SK: Kwanza kabisa naweza kusema watanzania bado hatujajua umuhimu na namna ya kuzitumia Blogs. Wengi wetu tumekuwa tunazitumia vibaya kufikisha ujumbe ambao naweza kusema sio ambao jamii inautarajia.

Kwa upande wangu niliona ni njia moja wapo ambayo inarahisisha kazi zangu na inanifanya nifikishe ujumbe kwa haraka zaidi na kwa walio wengi. Kama tungeweza kuzitumia vilivyo mafanikio yanakuja nimeona mifano mingi ambapo baadhi ya wanamuziki wangu wanapata show kupitia kwenye mawasiliano ambayo yanaanzia kwenye Blogs na websites.Pale watu wanasoma wanajua walipo wanafanya mawasiliano na mimi na hatimae wanafanikiwa.So ni namna ya kutumia na kujipanga kila kitu kinawezekana.

Wenzetu katika nchi zilizoendelea wanazitumia nyanja hizo ipasavyo. Na sisi tunaweza kufanya hivyo hivyo.

Na katika kuendeleza hili na pia katika kuhakikisha kwamba sipotei katika nyanja za muziki wa kiafrika kwa sasa napatikana kupitia www.africanmusicsafari.com. Huko kuna habari zote za muziki za muziki wa afrika na mambo mengi naamini tukizitumi ipasavyo tutafika.

BC: Kwa kumalizia najua kuna watu hawatonisamehe nisipouliza swali hili; Je umeolewa au una mchumba?

SK: ha ha ha ha ha ha ha dah hapana siaolewa ila kama mwanamke aliyekamilika, nina mchumba.

BC: Asante sana Sophy kwa muda wako.Nakutakia kila la kheri katika kazi zako na hususani kazi mpya ambayo utaianza hivi karibuni.

SK: Asante sana kaka na wewe pia. Kila la heri tuko pamoja mashabiki wangu nawapenda sana. Soon tutaonana live Clouds Tv.

Be Sociable, Share!

• 

Jina la Sauda Mwilima (pichani)sio geni miongoni mwa watanzania wengi hususani wapenzi wa vipindi mbalimbali vya televisheni.Yeye ni mtangazaji kupitia Kituo Cha Televisheni cha Star kinachomilikiwa na kampuni ya Sahara Communications sambamba na vituo vya radio vya Kiss FM na Radio Free Africa.Vipindi anavyoruka navyo hewani ni Bongo Beats na Mcheza Kwao.

Hivi karibuni BC ilipata nafasi ya kufanya naye mahojiano utakayoyasoma hivi punde.Je unajua Sauda anapendelea kuvaa namna gani anapotoka?Kuna mahali maalumu anapopenda kununulia “viwalo” vyake? Ana ushauri gani kwa vijana wengine ambao wangependa kuja kufanya kazi ya utangazaji kama yeye? Fuatana nasi katika mahojiano yafuatayo;

BC: Sauda,asante sana kwa kukubali kufanya nami mahojiano haya…mambo vipi?

SM: Mambo fresh tu.Nashukuru Mungu,siku zinakwenda.

BC: Kwa kuanza na kwa faida ya wasomaji wetu,unaweza kuniambia ulizaliwa lini,wapi,ukakulia wapi na mambo kama hayo?

SM: Nilizaliwa miaka 30 iliyopita,hapa hapa jijini Dar-es-salaam katika hospitali ya Rufaa ya Muhimbili.Baadaye tulihamia Dodoma ambapo niliishi mpaka nilipomaliza elimu ya msingi ambapo nilirudi jijini Dar-es-salaam.Mpaka sasa maisha yanaendelea hapa hapa jijini Dar.

BC: Ilikuwaje ukaamua kufanya kazi ya utangazaji wa televisheni?Unaweza kukumbuka siku yako ya kwanza uliporekodi au kurusha kipindi cha televisheni “live”?

SM: Wakati nipo sekondari, ndoto yangu kubwa ilikuwa nikimaliza shule niwe Mwanasheria au Mwandishi wa Habari.Lakini baada ya kumaliza shule nikaangukia kwenye mambo ya habari. Na kikubwa zaidi nilivutiwa katika kazi ya utangazaji na dada yangu, Saida Mwilima, ambaye alikuwa mtangazaj TVT(Televisheni ya Taifa) ambayo kwa sasa inajulikana kama Tanzania Broadcasting Corporation (TBC). Nilivutiwa sana na kazi aliyokuwa akiifanya sister kwa sababu ni mtu ambaye nilikuwa naishi naye kipindi nasoma.Wakati huo yeye tayari alikuwa mtangazaji.

Yeah nakumbuka kipindi cha kwanza kwenda hewani ilikuwa mwishoni mwa mwaka 2004.Katika kipindi hicho niliwahoji AY,Ray C,Stara Thomas,Banana Zorro na Ruge Mutahaba. Hicho kilikuwa kipindi kimoja ambacho tulikuwa tunajadili kuhusu wasanii wa Kiume kuwapa support wa kike.Ruge nilimhoji katika nafasi ya Promoter anayechangia kukua kwa muziki.Hicho ndicho kilikuwa kipindi changu cha kwanza.

BC: Tuambie kidogo kuhusu kipindi chako pale Star TV.Maandalizi ya kipindi huwa yakoje na kwa mtu ambaye hajawahi kuangalia kipindi chako,nini maudhui ya kipindi?

SM: Star Tv nina vipindi viwili ambavyo nafanya kwa sasa. Cha kwanza kinaitwa Bongo Beats na cha pili kinaitwa Mcheza Kwao. Miaka miwili iliyopita niliwahi kufanya kipindi cha Afya.

Maandalizi ya kipindi ni kwamba kabla sijakutana na msanii husika kwanza huwa nafanya research(utafiti) kumhusu yeye kwa kutumia vyanzo mbalimbali. Kutokana na ninachokuwa nimepata kutoka kwenye utafiti,ndio naandaa maswali yangu. Kinachofuata baada ya hapo ni miadi ya kukutana katika location kwa ajili ya mahojiano. Kipindi cha Bongo Beats kinaruka hewani kila siku kasoro Jumapili tu.

Kuhusu kipindi cha Mcheza Kwao,maandalizi yake huwa hayatofautiani sana nay ale ya kipindi cha Bongo Beats isipokuwa katika kipindi hiki huwa zaidi nafanya mahojiano na watu maarufu. Hapa nakutakana na wacheza filamu,warembo,wadau wa sanaa tofauti tofauti na mtu yeyote ambaye kwa namna moja au nyingine ana mchango katika jamii inayotuzunguka. Kipindi hiki huwa kinaruka hewani mara moja kwa wiki,siku ya Jumamosi Saa Nne na Robo usiku na kisha marudio yake hurushwa siku ya Ijumaa Saa Nne asubuhi.

Maudhui ya kipindi cha Bongo Beats ni kumuwezesha msanii kufahamika zaidi kwa mashabiki wake na vile vile kujielezea zaidi kuhusiana na nyimbo zake na mwisho kabisa kuwaburudisha watazamaji.

BC: Mpaka hivi sasa kuna kipindi chochote ambacho ulishakirusha hewani ambacho unaweza kusema ndicho ulichokipenda zaidi kuliko vingine vyote?

SM: Kwa kweli vipindi ambavyo nimeshafanya mpaka sasa ni vingi sana na kila kipindi kina utofauti wake maana unaambiwa safari moja huanzisha nyingine.

Vipo vipindi vingi sana ambavyo nimevipenda sana lakini kipindi ambacho naweza kusema nilikipenda sana ni cha binti aitwaye Zena Salehe. Huyu binti alianza muziki akiwa bado mdogo sana.Hivi sasa amekua.Nilimfanyia mahojiano ndani ya Bongo Beats akiwa darasa la pili.

Wakati akinijibu maswali, mwili wangu ulikuwa unanisisimka kutokana na majibu aliyokuwa ananipa. Yalikuwa hayafanani na umri wake kabisa.Alikuwa anajiamini kushinda hata wasanii wakubwa.Nilikipenda sana na pia nilipongezwa na watu wengi sana kutokana na kipindi kile.

BC: Bila shaka kuna watangazaji wengine wa televisheni duniani ambao unawafuatilia na ambao unapenda kazi zao.Unaweza kuniambia kidogo kuhusu mtangazaji au watangazaji hao na kwanini unapenda zaidi kazi zao?

SM: Nampenda sana Mwanamama Oprah Winfrey. Sijui hata nielezee vipi hisia zangu maana napenda sana utendaji wake wa kazi.Napenda jinsi anavyojiamini na jinsi anavyouliza maswali. Nina uhakika yule ni mmoja miongoni mwa watangazaji hodari sana duniani.

BC: Kazi ya utangazaji wa televisheni inakwenda sambamba kabisa na kuwa maarufu.Je,kuna nyakati umaarufu huo unakusumbua?Kivipi?

SM: Siwezi kusema kama nasumbuka sana ila ndio hali halisi.Kikubwa zaidi watu wanatakiwa waelewe kwamba utangazaji ni kazi tu kama kazi zingine zozote.Tofauti pekee iliyopo ni kwamba sisi tunaonekana na kujulikana kwa watu wengi.Mara nyingi watu wanatu-judge vibaya kitu ambacho kinakera kupita kiasi.

BC: Nikikupa nafasi ya kujifafanua au kujielezea wewe mwenyewe kwa kutumia maneno matano(5),ungetaja maneno gani?

SM: NAJIHESHIMU SANA PIA MPENDA WATU.

BC: Kazi ya utangazaji inakwenda sambamba na suala zima la style na fashion.Unaweza kuniambia kwa kidogo kuhusu style yako.Unapendelea zaidi kuonekana au kutoka namna gani na unapendelea duka au maduka gani ya nguo na vitu vingine vya urembo ili kukidhi mahitaji yako?

SM: Kuhusu style napenda zinazokwenda na wakati lakini zenye heshima.Kama ni nguo napenda kuvaa kutokana na sehemu ninayokwenda maana kila sehemu ina aina yake ya nguo. Kuhusu viatu napenda sana viatu virefu.Kama ni vifupi basi iwe raba.Kuhusu maduka sina duka maalumu.Ntaingia popote pale ili mradi pawe na kitu kizuri ntakachopendezewa nacho.

BC: Akitokea kijana akakwambia “Sauda,napenda sana kuja kufanya kazi ya utangazaji wa televisheni kama unavyofanya wewe” ungempa ushauri gani?

SM: Cha kwanza kabisa nitamuulza klichomvutia.Pili nitampa ushauri unaohitajika katika utendaji wa kazi na kisha ntamkaribisha kwa moyo mkunjufu.

BC: Nini mipango yako katika miaka mitano ijayo?

SM: Kikubwa zaidi ni kujiendeleza zaidi kmasomo. Hivi sasa ninayo Advanced Certificate in Journalism.Nahitaji kujiendeleza zaidi ya hapa nilipofikia.Pia napenda kuwa mfanyabiashara na pia kuendelea na kazi. Kingine ni kuwa na familia yangu mwenyewe.Panapo majaaliwa kuwa na watoto japo wawili.

BC: Asante sana Sauda.Nakutakia kila la kheri katika kazi zako.

SM:Asante na wewe pia.Kila la kheri.

Be Sociable, Share!

• 

Imeandikwa na Na Angela Semaya wa Habari Leo

MAISHA yake sasa yamebadilika, amelazimika kuwa mtumwa wa kujificha kwa kuvaa vazi aina la Hijab ambalo anasema kwake limegeuka kuwa vazi analoliheshimu na kulithamini kwa kuwa ndio msiri wake mkubwa siku hizi, hii yote ni gharama inayotokana na moyo wake wa ujasiri na ushupavu uliotokana na kutumia kalamu yake kufichua uovu na unyanyasaji dhidi ya watu wenye ulemavu wa ngozi kwa kuuawa kwa imani za kishirikina.

Kwa walio wengi ndani na nje ya Tanzania, jina la Vicky Ntetema sio geni masikioni mwao kwani ni mwandishi mahiri wa Idhaa ya Kiswahili ya Shirika la Utangazaji la Uingereza (BBC).

Ntetema aliyezaliwa miaka 51 iliyopita ameibuka kuwa mwandishi mahiri, jasiri na shupavu baada ya kufichua siri ya kutisha kutokana na uchunguzi wa mauaji ya albino na familia zao akitaka kujua kwa undani sababu hasa za mauaji na ukatili dhidi ya albino. Hatimaye kazi yake hiyo imemuwezesha kupata Tuzo ya Ujasiri katika fani ya Uandishi wa Habari inayotolewa na International Women’s Media Foundation.

HABARI LEO Jumapili iliamua kumtafuta Vicky baada kutaka kufahamu kwa undani wa kilichomsukuma kufuatilia habari hiyo na kwa kiwango gani amefanikiwa, maisha yake kwa ujumla na kuhusiana na tuzo hiyo.

Ntetema ambaye alifanya uchunguzi wake kwa siri bila woga anasema Novemba, 2007 alipokea ujumbe wa maneno ukimuelezea kuhusu matukio ya kuuawa albino na kukatwa viungo vyao kwa imani za kishirikina, lakini awali naye hakuamini kama hicho kitu kinawezekana.

Na baada ya kufuatilia kwa muda na kujithibitishia habari hizo, alianza kuishawishi BBC, lakini walionekana kusitika wakiwa na mashaka kwamba kweli inawezekana kuwepo kwa matukio hayo? Hata hivyo anasema hakukata tamaa aliwasiliana na waandishi wengine walioko katika maeneo husika nao walimsaidia kuchunguza na kumpa taarifa zaidi.

Wakati akiendelea na uchunguzi wake aligundua kuwa waganga wa kienyeji ndio waliokuwa wakisababisha mauaji ya albino kwa kuwaambia wateja kuwa wanaweza kupata utajiri kwa kutumia viungo vya walemavu hao, ndipo alipoamua kuishawishi tena BBC huku akiendelea na uchunguzi wake kwa njia ya simu kwa kuwasiliana na watu wa Kanda ya Ziwa.

Kile alichokuwa amekusudia kukifanya na kukifichua, kilithibitishwa na Rais Jakaya Kikwete ambaye Mwezi Machi, 2008 alikemea vitendo hivyo vya kikatili dhidi ya albino na kuweka wazi kuwa tayari watu 19 walishauawa.

“Baada ya Rais kutangaza hivyo, nikasema kama kiongozi wa nchi amekemea kiasi hili na ametaja hadi maeneo yanayohusika na matukio hayo…kwa sababu ya kuwa na uhusiano mzuri na wahariri nilipeleka maombi yangu bila kusita wanisaidie ili niweze kwenda kabisa eneo husika ingawa waliniambia kwa kipindi hicho hawakuwa na bajeti,” anasema.

Dhamira yake ilimsukuma Ntetema kuchukua fedha zake za mshahara na kuamua kwenda Mwanza kwa ajili ya kuendelea na uchunguzi wake. Anasema kazi hiyo ilimlazimu kuzunguka sehemu mbalimbali hadi akajikuta ameishiwa fedha na kulazimika kuomba kwa mama yake.

Akiwa Mwanza, alilazimika kutumia jina lingine kwa ajili ya usalama alifika Kituo Kikuu cha Polisi mkoani humo na kuonana na Kamanda wa Polisi wakati huo, Zelothe Stephen na Mkuu wa Mkoa wakati huo, James Nsekela na walimueleza kwa undani kuhusiana na matukio hayo na kuthibitisha kuwapo.

Hata hivyo polisi walikataa kumsindikiza katika vijiji vinavyotajwa kuwa na waganga wa kienyeji wanaofanya biashara ya viungo vya albino kwa hofu ya kulogwa na badala yake walimuonya kuwa akifika huko asile, asinywe wala kulala ama sivyo anaweza kupotea.

“Kwa kweli nilipata hadithi za kutisha hasa kuhusu kijiji kinachoitwa Gambush, lakini nilisema nakwenda na walikuwa wakiniona mbishi sana…niliamua kununua biblia na rozari, nilimpigia mama, alinitia moyo nimtegemee Mungu,” anasema.

Akiwa Sengerema alikokwenda kufuatilia habari za wavuvi haramu alipigiwa simu na Mchungaji wa Kanisa la Kiinjili la Kilutheri Tanzania (KKKT) kuwa mchawi amekwenda kutubu baada ya kufanya kazi hiyo muda mrefu tangu akiwa na miaka mitatu na kuua watu 40.

Ntetema anasema walimkuta mchawi huyo aliyejitambulisha kwa jina la Daniel Shilinde akiwa ametapika sana yakiwa madonge ya damu na mwisho alilazimika kulazwa hospitali baada ya kuishiwa damu, lakini kila aliyeombwa kumsaidia alikataa kwa hofu ya kurogwa.

“Mimi nilitaka mtu huyu aishi ili anieleze vizuri mambo ninayoyataka kikiwemo hicho kijiji cha Gambush, nikajitolea damu na aliweza kupona na kuniwezesha kunipa taarifa nyingine nilizokuwa nahitaji,” anasema.

Uchunguzi wake ulimwezesha kupita wilaya mbalimbali na akiwa wilayani Magu, alikutana na Mwenyekiti wa Waganga wa Tiba za Asili ambaye alimfafanulia kuwa kuna waganga wa tiba za asili ambao hutumia miti shamba kutibu na kuna waganga wa kienyeji ndio wanaohusika na ushirikina.

Anasema alikwenda Gambush na dereva teksi mmoja ambaye amekuwa akipeleka wafanyabiashara na hata viongozi wa serikali kwa waganga. Alipofika mwandishi mwenzake na dereva teksi waliegesha gari mbali na yeye alienda kwa mganga mmoja maarufu.

“Wakati nikiwa kwa mganga wakati wote kidole kilikuwa kwenye simu ndani ya nguo ili kikitokea chochote niwataarifu wenzangu…sasa nilipofika nikaambiwa nitafute kuku ikabidi nitoe fedha ili akanunuliwe, haya alipoletwa kuku nikaambiwa nimshike kuku na kumueleza shida zangu zote.

“Jamani waganga ni waongo kuku hata sikumueleza chochote, baadaye mganga alivyofika nikamueleza mimi nataka kupata utajiri, lakini cha ajabu nilipokuwa nikimuuliza kuku kasemaje mganga anashindwa kusema mara ooh! lazima usafishe kwanza, nikagundua aha! Hiki ndio nilichoonywa na wenyeji,” anasema na kuongeza kuwa mganga huyo alimtaka alale ili apewe dawa, lakini Ntetema alikataa na matokeo yake mganga huyo aliwaelekeza njia ya kurudia ambayo haipitiki na walikwama hadi waliposukumwa na watu wengine.

Katika uchunguzi wake wote, Ntetema alifika kwa waganga 12 na wawili kati ya hao walithibitisha kwa vinywa vyao kuwa wanaweza kumuuzia viungo vya albino na anaongeza kuwa mara nyingine, lazima ukifanya habari za uchunguzi uwe mjinga ili upate unachotaka.

“Mmh! nakumbuka wakati nikiwa kwa mganga mwisho wakati nataka kutoa fedha kutoka kwenye pochi, kiredio kidogo cha kurekodia kilidondoka ikabidi nifanye kama ni simu.

Akaniuliza unatembea na simu mbili nikamwambia ndio si unajua mara nyingine moja inaweza isipatikane, akaniambia hebu nipe namba nikupigie, nikamwambia namba yake siijui sana mpaka niiangalie, akaridhika ingawa alinitazama sana,”anasema.

Akiwa kwa mganga huyo wa mwisho huko Magu, Ntetema anasema alipigiwa na mganga ambaye alishawahi kwenda kwake awali ambaye alimwambia amemshitukia kuwa si mfanyabiashara, bali mwandishi. Akaenda mbali zaidi na kusema alidokezwa na askari polisi mmoja aliyekuwa ampigia simu mganga huyo.

Kuanzia hapo, simu na ujumbe wa vitisho havikukoma, akalazimika kuwahi Mwanza ambako alishauriwa na mwenyekiti wa waganga wa tiba asilia asirudi hotelini na BBC walimtaka aondoke haraka Mwanza.

“Nikiwa uwanja wa ndege watu wawili walinifuata wakiniambia wao ni maofisa wa usalama wa taifa hivyo wanataka kitambulisho changu na pasi ya kusafiria, lakini niliwataka waonyeshe vya kwao walikataa,” anasema na kuongeza kuwa ilipofika ndege ya Precision na hivyo alipanda na kukimbilia Kenya.

Kutokana na uzoefu wake mwandishi huyu anasema waganga ni watu hatari kwa sababu wana nafasi kubwa katika jamii za kitamaduni za Kiafrika na wanatumia wauaji wa kukodi na wanalindwa na polisi wa kawaida.

Tangu alipoanza kuripoti habari hiyo Ntetema amepokea vitisho na watu wengine walijaribu kumfuata hadi ofisi za BBC Dar es Salaam na kumkosa, hali iliyomlazimu kuondoka nchini mara mbili kwa ajili ya usalama wake ingawa mwenyewe anasema kamwe hawezi kukimbia nchi yake kwa sababu ya waovu.

Katika kipindi cha mwaka mmoja na nusu anaishi maisha ya kuhamahama huku akitembea amevaa hijab, vazi ambalo anasema analiheshimu sana kwa kuwa linamsaidia kujificha na sio hivyo tu analazimika pia kutembea na mlinzi wake binafsi.

Je, Uandishi wa habari ni kitu alichotamani tangu zamani? Vicky anasema; “Ndiyo.” Na anakiri kwamba, tamaa ya uandishi wa vitabu au magazeti ilimjengea umakini wa kusoma kwa bidii shule ya msingi na sekondari na alipomaliza kidato cha Sita katika Shule ya Sekondari Jangwani alitakiwa kujiunga na Jeshi la Kujenga Taifa (JKT), lakini alifanyiwa operesheni ya kongosho.

Hata hivyo serikali kupitia Wizara ya Ulinzi na Jeshi la Kujenga Taifa lilimtaka kujiunga na JKT na kufanya kazi za kuandika hivyo jukumu lake lilikuwa kuandika majina ya makuruta wapya na kumbukumbu za makuruta waliomaliza mafunzo.

Ntetema anasema akiwa na umri wa miaka 16 baba yake alifariki akiwa shule na kwamba aliona kama ndoto zake zimepotea maana lengo lake ilikuwa kusoma uandishi kisha aje kumuonesha baba yake na pia aliona ana jukumu la kuangalia wadogo zake na mama yake ingawa alikuwa na ndugu zake waliomtangulia.

Hata hivyo, akiwa JKT rafiki yake wa sekondari alimletea gazeti la DailyNews ambalo lilikuwa na tangazo kuwa kuna nafasi za kwenda kusoma Urusi na moja ya kozi ni uandishi wa habari wakati huo ikiwa ni mwaka 1979, aliomba nafasi hiyo na alichaguliwa na wasichana wengine 22 kwa sababu ilitaka wasichana ndio waombe na kati ya hao ni yeye peke yake ndio alikwenda kuchukua masomo ya uandishi wa habari.

Ntetema alisoma miaka saba Urusi na akisomea lugha, upigaji picha, sinema, uandishi wa habari wa magazeti, redio na televisheni na kati ya hiyo miaka miwili alisomea uandishi wa habari za radio. Lakini alipomaliza chuo alipotaka kurudi nyumbani Tanzania kufanyakazi serikali ilimwambia amepata elimu ya juu sana, yaani Shahada ya Pili wakati wahariri nyumbani (Tanzania) hakuwa na elimu kama hiyo hivyo hakuna nafasi ya kazi.

“Unajua wakati tunaondoka tuliingia mkataba na serikali kuwa ukirudi unatakiwa kutumikia kwanza Watanzania kabla ya kufanya mambo mengine, lakini walishindwa kunipa kazi…bahati niliona tangazo la Shirika la Afro International Theatre la Uingereza ambalo walihitaji mwalimu wa Kiswahili na mtu wa kuanzisha jarida,” anasema na kuongeza kuwa alibahatika kupata nafasi hiyo na hivyo mwaka 1987 alitoka Urusi na kuhamia Uingereza.

Mwaka 1991 Ntetema aliona tangazo la BBC, Idhaa ya Kiswahili likitaka mwandishi na hivyo aliomba na alipata nafasi hiyo ingawa kituo kilikuwa, Uingereza lakini alikuwa akisafiri nchi mbalimbali kutafuta habari.

Mwaka 1992 vyombo binafsi vya habari vilianzishwa na aliona tangazo la kituo cha televisheni cha ITV na Radio One aliomba kazi, lakini walipata hofu namna ya kumlipa maana alikuwa ni mwandishi wa kiwango cha juu. Basi alikuwa na kipindi chake maarufu kilichojulikana kama Rekodi Bora maarufu ambacho kilimpa fursa ya kufahamu aina ya muziki na wasanii mbalimbali.

“Nilipenda kuwa mwandishi wa habari zaidi, si DJ. Sikupenda pia kukaa ofisini kutafsiri kazi zinazofanywa na watu wengine nilitaka niende kwenye kazi mwenyewe badala ya kusoma kazi za watu wengine…niliona kama akili yangu inadumaa,” anasema na kufafanua kuwa, kuanzia hapo alianza kutoka nje kwa kazi mbalimbali.

Ntetema anasema aliweza kutembelea nchi za Senegal, Rwanda, Burundi, Jamhuri ya Kidemokrasia ya Congo, Uganda, Malawi na Zimbabwe ambapo aliweza kupata habari za Waafrika wengine na kuziripoti na kujulikana na watu wengine duniani.

Moja ya kazi zake ambazo pia ni kumbukumbu nzuri katika kazi yake ya uandishi wa habari ni kwenda nchi takatifu ya Israeli kipindi cha mapambo ya mara ya pili ya Palestina kudai maeneo yao kipindi hicho ikiwa ni mwaka 2002.

Ntetema anasema hiyo ni safari ambayo hataisahau hasa akizingatia kwamba alikuwa anakwenda katika nchi takatifu ambayo alikuwa akiisikia kwa kusimuliwa na baba yake kutoka kwenye biblia, aliufikiria mji wa Yerusalemu na Bethlehemu.

“Nilipata faraja, tena hata sikuamini kwamba nakwenda huko. Lakini zaidi nilitaka kujua kwa nini pande hizi mbili zilikuwa zikipigana katika nchi takatifu, nilipofika nilijifunza mambo ya Kiyahudi, Kiislamu na Kikristo.

Nilizungumza na viongozi wao yaani wa Wayahudi Rabi Mkuu, Waislamu Sheikh Mkuu ambaye alikuwa Yassin Arafat na Kiongozi wa Wakristo wa Kanisa Katoliki,” anasema mtoto huyo wa tano kuzaliwa katika familia ya watoto kumi.

Cha ajabu! Alichobaini makundi hayo hayagombani kwa sababu ya dini la hasha! Wanachogombania ni ardhi yaani kila mmoja anataka Nabii Issa Bin Mariam kwa waislamu akija awakute katika eneo hilo takatifu, wakati Wakrito wanataka mtoto wa Mungu akija awakute katika eneo takatifu na Wayahudi wanataka akija Masiha awakute katika eneo hilo takatifu, kimsingi wote walitaka Bwana Yesu akirudi awakute katika nchi takatifu, hivyo hawagombei suala la dini ila ardhi takatifu.

Ntetema anasema alipofanya mahojiano na Hayati Yasser Arafat, kiongozi huyo alimwambia Muislamu wa dhati hawezi kudharau kuzaliwa Bwana Yesu na atamheshimu Bikira Mariakwa hiyo ni lazima aelewane na mkristo. Anasimulia zaidi anasema hawezi kusahau maishani safari hiyo ilimwezesha kufahamu mambo mengi.

Hata hivyo, anakumbuka alilazimika kuondoka Israeli baada ya BBC kumtaka kukimbia haraka maana saa chache zilizopita bomu lililipuliwa mjini Tel Aviv karibu na ofisi za BBC, wakati huo akiwa katika ofisi za Waziri Mkuu wa Israel wakati huo Ariel Sharon, kwani alikuwa na miadi naye ya kufanya mahojiano.

Anakumbuka pia kuumwa na hadi kufariki dunia kwa Baba wa Taifa, Hayati Julius Nyerere anasema alifanya habari hiyo akiwa katika wakati mgumu, kwani hakutaka mwalimu afariki dunia. Ntetema, mama wa watoto wawili wa kiume Douglas na Thomas, anasema ujasiri na uhodari wa kufanya habari za uchunguzi umechangiwa na kusoma vitabu vya upelelezi na filamu.

Anatoa mfano wa vitabu vya mwandishi James Hardley Chase, Ian Flemming na Agatha Christine ambavyo anasema vilimsaidia kumpa mbinu za kufuatilia habari za uchunguzi. Vile vile kusoma mtandao na kusikiliza radio.

Mwandishi huo ambaye pia ana Shahada ya Uzamili katika Uhandisi wa Teknolojia ya Habari na Mawasiliano kutoka Chuo cha Uchumi London, anasema aliamua kusomea taaluma hiyo iwapo siku sauti yake itakauka. “Waandishi pia waangalie na taaluma nyingine ili unapoona unataka mabadiliko unacho kitu kingine cha kufanya.”

Akizungumzia kuhusu Tuzo ya Ujasiri ambayo atakwenda kupokea mwezi Oktoba mwaka huu katika sherehe itakayofanyika katika miji mitatu ya Los Angeles, NewYork na Washington anasema hawezi kufurahia Tuzo hiyo mpaka mauaji ya albino yatakapokoma na watu wenye ulemavu wa ngozi kuthaminiwa.

Wito wake kwa wanawake ni kuwa waachane na fikra kuwa hawawezi kufanya kitu na kutoa mfano wa mtangazaji wa habari wa kwanza mwanamke kutoka Afrika kutangaza BBC, Zeyana Seif (marehemu) kuwa alimhamasisha na kumfanya ajiamini kuwa naye aweza kufanya vizuri kama mtangazaji huyo.

Huyo ndiye Vicky Mtetema, mwanahabari aliyegeuka mkimbizi ndani ya nchi yake.

Pichani Vicky Ntetema akiwa na Mariamu.Picha  na habari kwa hisani ya Habari Leo. Tafadhali usinakili bila ruhusa kutoka Habari Leo.

Be Sociable, Share!

• 

Kwa mtu yeyote ambaye anapenda fani ya utangazaji au mtu yeyote ambaye ni msikilizaji wa radio,hakuna shaka kabisa kwamba jina la Master T sio geni. Lakini Master T sio jina lake halisi. Jina alilopewa na wazazi wake ni Taji Liundi.

Yeye ni miongoni mwa watangazaji na waongoza shughuli(MCs) ambao wamejijengea jina ,kujikusanyia idadi kubwa ya mashabiki na kujijengea heshima ya aina yake katika fani hiyo maarufu. Wiki chache zijazo ndiye atakayekuwa jukwaani kusimamia shughuli nzito ya kumtafuta mrembo mpya wa Tanzania(Miss Tanzania 2009).Atashirikiana na Nancy Sumari(Miss World Africa,2005) katika zoezi hilo.

Ukimsikiliza iwe ni redioni au akiwa msimamizi wa shughuli fulani utafurahi,utajifunza,utaburudika na kisha bila shaka utakubali kwamba jamaa ana kipaji,anaipenda kazi yake,anakuthamini wewe kama binadamu na anakupenda kama msikilizaji wake. Umakini anaouweka katika kazi yake yaweza kuwa ndio siri ya mafanikio yake.

Yeye ni miongoni mwa wale watangazaji ambao licha ya kujaaliwa kuwa na sauti inayofaa kabisa kwa masuala ya utangazaji,pia ni wenye kipaji kikubwa katika masuala ya lugha.Master T anaimudu vyema lugha ya Kiswahili na pia anakipambanua vyema Kiingereza na pia huwezi kumuweka mbali na Kifaransa.Hii inamfanya akamilishe ile preamble inayosema;ukitaka kuwa mtangazaji mzuri,sharti ujitahidi sana katika masuala ya lugha.

Hivi karibuni nilipata nafasi ya kufanya naye mahojiano ambayo utayasoma hivi punde.Katika ufupi na ufasaha wa aina yake,Master T anaweka wazi masuala mbalimbali muhimu kuhusu historia ya maisha yake,heka heka za utotoni,kazi yake kama mtangazaji,harakati zake katika mwanaharakati dhidi ya ugonjwa hatari wa ukimwi,maoni yake kwa vijana na mengineyo mengi.

Je, unajua ni mkasa gani mkubwa wa kimaisha uliowahi kumkumba Master T? Unajua wazazi wake walitaka awe nani,afanye kazi gani badala ya utangazaji?Nini mtazamo wake kuhusiana na mapambano dhidi ya gonjwa la ukimwi?Fuatana nami katika mahojiano yafuatayo na Master T;

BC: Taji,kwanza kabisa asante kwa kukubali ombi langu la kufanya nawe mahojiano haya.Pole na majukumu.Mambo yanakwendaje?

MASTER T: Vyema Kaka, nami nashukuru kwa fursa hii.

BC: Natambua kwamba wengi wana ufahamu mkubwa kuhusu historia binafsi ya maisha yako.Lakini kwa faida ya wale ambao hawana habari,unaweza kuniambia kwa kifupi tu kuhusu maisha yako ya awali;ulizaliwa wapi,ukakulia wapi,ukasoma wapi na mambo kama hayo?

MASTER T: Nimezaliwa Dar, nilisoma shule ya Msingi Kisarawe pale Kariakoo kwa muda mfupi. Nikaelekea Uswiss (Switzerland) mwisho wa miaka ya 70′ ambapo niliendelea na shule ya msingi nikijifunza Kiingereza na Kifaransa. Tukahamia Zambia na dingi, nikamalizia darasa la saba.

Ikafuata Zimbabwe niliposoma form 1-2, nikaomba kurudi Bongo, nikapangiwa Ilboru Arusha, nikapiga mpaka form 3-6, nikafurahia mafunzo ya Oljoro JKT halafu Chuo cha Diplomasia mapema miaka ya 90′.

Mr.and Mrs.Taji Liundi with their daughter Upile.

BC: Kila binaadamu huwa na hadithi au mikasa ya utotoni ambayo huwa haisahauliki.Kwa upande wako,ukikumbuka maisha ya utotoni,kabla ya kufikisha miaka kumi hivi,nini huwa kinakujia kichwani kwako mara moja?Unakumbuka mkasa gani?

MASTER T: Sina kumbukumbu nzuri, tena ni ugonjwa wangu. Lakini katika udogo wangu, nakumbuka kidogo na nimehadithiwa jinsi nilivyonusurika baada ya kunywa sumu. Wadogo zangu wakafariki. Ni zamani, maisha yanaendelea.Mungu mkubwa katika mipango yake.

BC: Hivi sasa unafanya kazi wapi, kama nani?

MASTER T: Mkuu wa TBC International Radio, 90.fm Dar es salaam. Naipenda sana kazi yangu. Nafurahi pia kuwepo TBC ama Radio Tanzania ambapo mzee wangu aliwahi naye kutangaza kipindi cha Tuambie mwaka 64′.

BC: Nikikaa mahali nikaanza kukuongelea ni lazima kwanza nianze kukuongelea kama mtangazaji kabla sijarukia kwenye mambo mengine. Je nini kilikushawishi ukaamua kwamba utangazaji ndio kazi unayotaka kuifanya maishani mwako? Nani alikuvutia kuingia katika fani hii? Nini chanzo cha jina “Master T”?

MASTER T: Nilitakiwa kuwa mwanadiplomasia. Mama mzazi ndiye aliyeandika barua ya maombi ya kazi IPP. Nilienda kwenye usaili nikiwa sina wazo lolote, usingizi tu. Nikapita mara moja. Sikujua nina sauti nzuri wala nini! Nilikuwa napenda muziki balaa lakini! Nikiwa Zimbabwe, nilikuwa msikilizaji sana wa Radio 3 na msumbufu kwa madjs nikitaka wanipigie nyimbo. Nadhani dingi ndiye aliyeotesha mizizi ya mimi kuwa mtangazaji kwani aliniruhusu kuwa na radio tu! Katika ujana, nilikosa Tv, baiskeli, gari nk! Unoko wake umesaidia.

Charles Hillary aliona ni vema kunita Master na sio Mister kwani nilikuwa mdogo. Hivyo akaanza kunita Master T. Kilichofuata ni kupotea kabisa kwa jina la Taji Liundi hadi siku hizi…

BC: Tangu uanze kazi yako ya utangazaji ni wazi kwamba umeshawahoji watu wengi. Katika watu wote uliowahi kufanya naye mahojiano yupi hutomsahau kamwe? Kwanini? Na labda ni tukio gani la utangazaji ambalo unalikumbuka zaidi?

MASTER T: Dah, labda niseme Kanda Bongoman, kwani ndiye maarufu wa kwanza kumhoji alipokuja kwa mara ya kwanza Tz! Nakumbuka baada ya kipindi, Charles akaniita na kunipa Tax Invoice. Akaniambia nilipie gharama za matangazo ya kupromote tamasha la Kanda nililokuwa nalizungumzia hewani…eh! Monica Mfumia kuniita mwizi…Rankim kufukuzwa, sikufurahi. Mengi kunirudisha Radio One na kuniambia niache kuendesha vicessna wakati ROne ni Boeing, kumkacha Diallo, kusikitika kuondoka Clouds na kuacha vipindi vyangu kama Apex. Kifo cha Kiiza Kahama mtangazaji mwenzangu, kuendesha kituo cha Times hadi kilipofika, na kuangalia nyuma na kumshukuru Mungu kwa watangazaji kibao niliowapa fursa…na watu niliowagusa na wanaonipenda na wengine kutonielewa lakini kuniongelea kama wananijua fika!!

BC: Ulimwengu wa utangazaji na habari hivi sasa unakabiliwa na changamoto mbalimbali zikiwemo kuingia kwa tekinolojia mpya na mbinu mbalimbali za kupashana habari kama vile blogs,facebook,twitter,myspace nk. Kwa mtizamo wako,unadhani ulimwengu wa habari na mawasiliano tuliouzoea unafaidika au unaangamia kutokana na hizi zana mpya? Unatabiri nini kitatokea katika miaka kama kumi hivi ijayo katika habari na mawasiliano?

MASTER T: Knowledge is Power, power is corrupting. Ni jinsi mtu unavyoelewa ama kutafsiri habari. Teknolojia inasogeza uwezo wa mtu kuwa na habari azitakazo kiganjani! Pia inawezesha watu kutengeneza habari na maelezo watakavyo. Inawezekana hata leo Serikali kuiangusha kutokana na maendeleo haya. Matabaka ya wenye uwezo wa kufahamu na wajinga litapanuka, siri zitanyanyasa watu na uongo utawagawanya watu. Habari ndio mfumo ujao wa maisha yetu, jiandae kuwa muelewa vinginevyo….

BC: Hivi karibuni wewe mwenyewe uliamua kuingia kwenye ulimwengu wa “blogs”.Ukaanzisha blog ambayo imelenga zaidi kwenye masuala ya urembo.Ni kwanini umeanza kublog na kwanini labda umeamua kuwa na “niche” ya masuala ya urembo?

MASTER T: Inaitwa UMODO kwenye modotz.blogspot.com. Napenda sana urembo. Sio fashion haswa. Mimi nilikuwa mchoraji, nilikuwa napenda sana kuchora maumbile. Naona uzuri katika kucha, nyusi, vidole, tumbo, makalio, goti nk. Lakini pia, naamini kwamba nchi yetu ipo katika wakati muafaka wa kibiashara kuruhusu umodo kuwa sehemu ya ajira kwa vijana wengi Tanzania. Nashauri tu kwamba tujenge upeo mkubwa zaidi wa maana ya umodo, isije ikiwa ya maumbile vimbaumbau kama wanavyopenda magharibi. Tutafsiri kivyetu, kimitindo na “malighafi zetu”. Hivi karibuni nitatafsiri maana yangu kwa onyesho/shindano langu la kwanza litakaloitwa UNIQ MODO. Tega macho na masikio…

BC: Suala la uhuru wa vyombo vya habari,uhuru binafsi wa mtu kujielezea ni miongoni mwa mambo ambayo bila shaka yatazidi kuwa gumzo kutokana na maendeleo haya ya tekinolojia na upashanaji wa habari. Unapoangalia kuhusu masuala hayo hapa nchini Tanzania; unadhani tunao uhuru wa kutosha katika vyombo vya habari?

MASTER T: Jeff, mimi sio mwandishi wa habari.I am not a journalist. Nasema ukweli na huwa natamka hivyo, nimeweza kufanya kazi katika vyombo vya habari lakini sijasomea hata chembe. Ni mbunifu tu na kwa kweli ni rahisi mno. Kwahiyo najibu kwa mtazamo wangu.

Uhuru wa habari? Uhuru wa aina gani haswa? Wa kumfichua kwa uhakika na taarifa sahihi Fisadi? Kukosoa Chama tawala kwa kukiuka itikadi? Kuainisha kiueledi matatizo ya kimkakati yanayokabili maendeleo ya jamii? Je, tunahitaji uhuru wa namna hiyo? Nani anataka kutunyima uhuru huo? Sio yule yule anayewajibika na ukweli na uwazi unaoendana na demokrasia ya kweli na utawala bora? Uhuru wa habari unaendana na ueledi wa uandishi na wajibu wa dhamana ya uongozi wa wananchi waliyoitoa kwa mtawala. Uwiano ukiwepo. Uhuru upo. Tafakari.

BC: Pamoja na utangazaji, Master T ni msimamizi mzuri wa shughuli . Je ni jambo gani ambalo unaweza kusema huwa unalihofia zaidi unapokuwa unasimamia shughuli au kwa maneno ya kigeni unapokuwa Master of Ceremony?

MASTER T: Sihofii kitu, nakuwa nimesoma na kujianda kwa shughuli kama vile muhusika mkuu! Huwezi kuendesha shughuli ya Rais Kikwete kiblah blah tu, atakuumbua! Unaweza kujenga ama kuporomosha muonekano wa mteja kwa kuboronga. Hivyo ni heshima kubwa na fahari pia kuwakilisha wateja wengi wakubwa wanaonipa fursa ya kuendesha shughuli zao.

Master T akiwa kazini.MC

BC: Kwa muda mrefu sana, wewe umekuwa miongoni mwa watu muhimu waliosimama kidete kuhakikisha kwamba muziki wa bongo fleva unakua,kuheshimika na kuchangia kwa dhati katika maendeleo ya kijamii nk. Nini hasa kilikufanya ukaingia katika harakati za kusaidia maendeleo ya Bongo Fleva?

MASTER T: Mmmh, nilijiengua kwenye muziki huo miaka kama 5 iliyopita baada ya kuona vijana hawasikilizi wala hawaambiwi, soko linapenda rushwa na dhuluma. Nafahamu kwamba nina uwezo mkubwa sana wa kuwasaidia vijana kwani nimeona mengi na nimeishi na kutembela sehemu nyingi duniani. Hivyo nilipogombana na wakuu wangu wa kazi Radio One ili wakina Jaydee waimbe hewani, nilikuwa najitoa wao wapate fursa. Nikawa nafukuzwa kazi na kuhamahama najaribu kueneza injili ya flava zao. Leo mimi naishi kama shujaa masikini wao wanatoa rushwa na kukumbatia soko hewa! Nimechoka.

BC: Hivi karibuni nilifanya mahojiano na Mr.II ambaye kama tunavyojua ni miongoni mwa wasanii wa mwanzo mwanzo kuifanya Bongo Fleva ikubalike katika jamii. Katika mahojiano hayo,Mr.II alisema kwamba muziki wa B-Fleva unahitaji “total overhaul” akimaanisha kwamba hivi sasa muziki umepoteza muelekeo. Je unakubaliana na hoja hiyo? Kama ndio,unadhani nini kinaweza kufanyika ili kurekebisha mambo?

MASTER T: Duh, baada ya maelezo yangu hapo juu, sasa nitapimwa uzalendo! Muziki sio mbaya jamani! Wabane pua au makoo, mbona Marekani wanabana na auto-tune! Ha ha ha ha! Tatizo ni SOKO. Mr 2 alinialika kuzungumza kwenye Hip Hop Summit yake, wasanii sijui walinisikia nikielezea kuhusu SOKO? Nakumbuka siku moja katika uzinduzi wa filamu fulani, nilipata fursa ya kuzungumza mbele ya Waziri wa Utamaduni, nikamwambia, afungue milango yake tuende tukashauriane kuhusu nini kifanywe juu ya SOKO. Hakujibu. Kimya hicho ndicho kitanzi cha muziki huu wa vijana wetu hadi leo. Ukijumuisha na teknolojia ya kushusha muziki kwenye mtandao, nashindwa hata jinsi ya kushauri tufanyeje!

BC: Kwa mapana na marefu umejihusisha na mapambano dhidi ya ugonjwa wa Ukimwi.Umewahi kuwa Kamishna wa Tume,Mwanaharakati asiyechoka katika mapambano. Ukiangalia tangu ulipojitosa katika mapambano haya,kumekuwepo na maendeleo gani? Tunaelekea kuishinda vita hii au safari bado ni ngumu?

MASTER T: Jitihada na fedha tele. Nahisi hatushindi lakini pia najua wapo wanaookoka kwa kuwa wasikilizaji na watekelezaji wa ujumbe sahihi zinazotolewa. Mabadiliko ya tabia ni muhimu sana! Sio rahisi lakini nilazima tuwe wajasiri wa kupinga hisia zetu na kutumia njia bora za kujikinga dhidi ya maambukizi ya VVU. Kupima ni njia moja madhubuti. Mh. Rais anatakiwa kuendelea na kampeni yake kwa KASI na ARI. Hakurudi kupima baada ya miezi mitatu! Kwa kweli, na humu ningeweza kuendelea kufanya kazi ya kuelimisha kitaifa. Lipo jeshi la vijana wengi mahiri waelimishaji rika nchi nzima, wawezeshwe.

Naamini utegemezi wa wahisani ni muhimu katika maeneo nyeti lakini kama ni kufikia wananchi, ni jukumu letu wenyewe. Vyama vya siasa, mashirika, makampuni na asasi ziongeze bidii. Tuwe na mpango kabambe wa kupambana vijijini. Mkakati wa kupunguza maambukizi mijini. Kuna vijana wengi ambao hawakunisikia nikielimisha Ukimwi redioni miaka 7 iliyopita, leo wanahitaji kuelimishwa, vipindi vya nguvu havipo hewani. Siri ni elimu. Wala sio magunia ya pesa! Ugumu wa mapambano ni mafisadi wa raslimali za mapambano dhidi ya UKIMWI!

BC: Maendeleo ya tekinolojia yanamaanisha kupatikana kwa urahisi habari ambazo hapo awali ilikuwa ngumu kuzipata.Hivi leo,kwa mfano,kupitia mitandao, vijana wengi wanaweza kuona vitu kama pornography nk.Unadhani nini kifanyike ili kukabiliana vyema na maendeleo haya ya kitekinolojia hususani katika uhusiano wake na mapambano dhidi ya ukimwi?

MASTER T: Hakuna sehemu duniani ambapo wanashinda vita dhidi ya pornography. Kupigana na moto kwa moto ni kuukuza moto. Kwanini tusiwaelimishe vijana madhara ya kisaikolojia yanayoweza kutokea kwa kujikita kwenye mitandao ya ngono? Tusiwatishe. Kila kijana anataka kuona au kuchungulia utupu akifikia umri fulani, ni natural. Mimi niliangalia na naangalia, lakini hainiathiri kwa vile nimeiweka kwenye kabati maalumu kwenye ubongo wangu la kujiliwaza kingono. Tena sipendi ngono ya moja kwa moja, bora ile inayonifundisha jinsi ya kufurahia tendo zuri la ngono na mke wangu! Sawa?!! Dingi alikomea sehemu tu katika maelezo yake…nani angenifunda zaidi?

To be able to love people,you have to love nature first.People are products of nature.

BC: Mara nyingine katika mapambano makali kama haya dhidi ya Ukimwi,huwa inaweza kutokea kukawa kuna jambo ambalo umelifanyia utafiti binafsi na kuamini kwamba linaweza kuwa suluhisho lakini kila unapojaribu kulisema hakuna anayeelekea kusikia. Je kwako wewe hiyo imeshawahi kutokea? Ni jambo gani?

MASTER T: Nchi yetu iwekeze kwa vijana. Elimu ni swala nyeti. Elimu rasmi, elimu ya vitendo na maarifa ili vijana waweze kujishughulisha na kazi mbalimbali. Fursa za maendeleo katika michezo na kazi za sanaa zizingatiwe. Vijana wengi wanaweza kuvumbua vipawa na vipaji vyao. Tukuze utamaduni wetu ili vijana waitangaze nchi, kwa sanaa za maonyesho, sinema, uchoraji, uchongaji na uundaji samani. Naamini pia kwamba sekta ya hudumua ni muhimu sana na vijana wengi wanaweza kuajiriwa, vijana wa Kenya na Uganda(hata Malawi) wanatupiku mf. mahotelini.

Kaka, hapa naweza gombania urais kwa hoja mbalimbali…nadhani naeleweka kiasi.

BC: Taji anapokuwa hayupo hewani,anapokuwa hayupo katika shughuli yeyote ya ki-uanaharakati ni mtu wa aina gani? Au nikiwauliza rafiki zako wa karibu kuhusu wewe unadhani watasema nini?

MASTER T: Naishi a very private life, inatisha na pia ni faraja kujulikana kwa kiwango changu, huwa najishtukia nikiwa katikati ya watu wengi, nakuwa huru ninapokuwa jukwaani! Napenda sana kucheza soka hivyo nipo uwanjani ofisini ama Kiwanja cha Garden Kino, au Leaders weekend na timu ya Mango. Jumapili naenda Ocean Road kucheza kikapu. Ama nipo sehemu na mamodo tunapiga picha kwa ajili ya blog. Sometimes nazuka kiwanja chochote kile uzunguni ama uswahilini!

Napenda pia kutumia muda na familia ikiwa Mamsup hayuko busy na mwana naye hana mitikasi yake. Vinginevyo, naangalia filamu kwa sana, soka la Arsenal na video za muziki ama nawasha laptop na kurambaza mtandao! Niko simple sana.

BC: Watu wengi wanaweza kusema wewe umeshatimiza ndoto zako kwa kiasi kikubwa. Lakini bila shaka wewe mwenyewe unaweza kuwa na ndoto ambayo bado haijatimia na ungependa itimie siku moja. Ipo?Unaweza kuniambia ni ndoto gani hiyo?

MASTER T: Yes, now I wanna make money!

BC: Kwa ujumla una ushauri gani kwa vijana kuhusiana na suala zima la maisha na mafanikio?

MASTER T: “Acha kufanya yale ambayo yanakuvutia sana sasa, ili utekeleze yale ambayo yataongeza tija na faraja katika maisha yako!”

BC: Ni watangazaji gani ambao unapenda kazi zao hapa duniani? Kwanini?

MASTER T: Duh, Kaka, huwa sina hizo sana. Larry King ni yeye, Oprah ni pekee, Mike Embley, Muhagama, Seba, Nyaisanga, GG, PJ, Joan, Fredwaa, Kipozi, Tido, Sanga, Amanpour, Ducet, Degeneres, Zee A, Gardner, Salama nk,mimi, wote tunatakiwa kumshukuru Mwenyezi Mungu kwa kutupa vipaji vinavyogusa mamilioni ya watu. Ni nadra na baraka tele!!

Sifa kuu ni muono wa mbali, ubunifu, umahiri na ustadi mkubwa kila siku!

BC:  Asante sana kwa muda wako Taji.Nakutakia kila la kheri katika shughuli zako.

MASTER T: Amen! Ahsante tena kwa fursa hii na natumaini majibu yangu ni stahili.

Be Sociable, Share!

• 

Majuzi wakati ulimwengu unasheherekea sikukuu ya wapendanao,mtangazaji maarufu nchini Tanzania,Michael Maluwe alihitimisha siku hiyo kwa kufunga ndoa na kipenzi chake Diana katika Kanisa Katoliki Parokia ya Msimbazi jijini Dar-es-salaam.

Pichani ni Michael na Diana wakati wa tafrija iliyofanyika katika ukumbi wa Sunset uliopo Mbezi jijini Dar-es-salaam.BC inawatakia ndoa bora yenye Baraka na maelewano tele.

Picha hii ni kwa hisani ya Father Kidevu ambaye kama unamuhitaji kwa shughuli yako unaweza kumpata kupitia simu yake namba +255 755 373999.

Be Sociable, Share!

• 

Paschal Mayalla(pichani) mwandishi na mtangazaji maarufu hajambo na tayari yupo tena mitaani kuendelea na shughuli zake ingawa kidogo mkono bado unamsumbua.Hiyo ni kwa mujibu wa blog ya Mzee wa Sumo.

Kama mtakumbuka hivi karibuni Mayalla alipata ajali mbaya ya pikipiki alipokuwa akisafiri kuelekea Dodoma akitokea Dar-es-salaam Pichani ni Pascal Mayalla akikatisha katika mitaa jijini Dar-es-salaam kama alivyonaswa na Mzee wa Sumo.BC inaendelea kumtakia Mayalla afya njema.

Be Sociable, Share!

• 

Miongoni mwa makundi hayo ni lile lililotamba sana na kujulikana kama Kwanza Unit.Miongoni mwa wasanii waliokuwa wanaunda kundi hilo ni KBC au KSingo(pichani) kama alivyojulikana wakati ule na hata hivi sasa.Mbali na Kwanza Unit,wengi bado mtakuwa mnamkumbuka kama mpigania haki za Wana Hip Hop na pia miongoni mwa wanamuziki waliojitolea sana katika kuhakikisha kwamba Hip Hop ya Tanzania inaeleweka na kukubalika.Pia wengine mtamkumbuka kama DJ pale Clouds FM katika Dr.Beat.

Tukiwa bado katika kuhakikisha kwamba historia ya vuguvugu hilo na kwa ujumla historia nzima ya muziki tunaouita “wa kizazi kipya” hivi leo,haipotei na inawekwa vyema mtandaoni,hivi karibuni tulifanya mahojiano na KBC kama utakavyoyasoma hivi punde.

Je unakumbuka Kwanza Unit ilianzishwa mwaka gani?Nini yalikuwa malengo ya mwanzoni?Leo hii KBC akiangalia nyuma anaona tofauti gani au maendeleo ya aina gani katika muziki wa kizazi kipya?Nini ushauri wake kuhusu masuala ya haki miliki na utawala wa biashara ya muziki?Kwa maoni yake,nani anachangia kudidimiza muziki?Ni producer au Radio DJ?

Ili kupata majibu ya maswali hayo na mengineyo mengi,fuatana nasi katika mahojiano yafuatayo ambayo pia yana Swanglish ya aina yake katika kuleta au kuchanganya ladha kiaina;

Kwanza Unit:Then and now!

BC: Shukrani na karibu sana ndani ya BC.Mambo vipi?

KBC:What up Jeff!! It’s OBAMA 08 and I like this BC atmosphere,..Tunaendelea Kupambana..That Hasheem Thabeet interview was GREAT!!

BC: Kwanza kabisa nadhani wapenzi wengi wa fani ya muziki nchini Tanzania na duniani kote  wangependa kufahamu;uko wapi na unajishughulisha na nini hivi sasa?Bado unafanya shughuli za muziki?Kama hapana,imekuwaje ukaachana na muziki?

KBC:Well at the moment im “PassPort Pimpin”..In and Out of Bongo..Si Unajua tena siku hizi dunia kijiji cha ujamaa??I’m Graphic Designer by Profession..Mfanya Biashara and a B.BOY GENTLEMAN..In Bongo im a Hip Hop Veteran..Sitoweza kuacha music..I still write alot.

BC: Kumekuwepo na mijadala mbalimbali kuhusiana na historia nzima ya kundi la Kwanza Unit. Ndani ya mijadala hiyo kumekuwepo na kutofautiana kuhusu historia nzima ya kundi hilo.Unaweza leo kutuambia kwa mlipoanzisha kundi la Kwanza Unit mlikuwa wangapi, kina nani na mlikuwa na malengo gani hasa?Mwamko wenu ulitokana na nini?

KBC: First and foremost let me start by giving Thanx to All the Kwanza Unit supporters All over the world,from the early days till now..

Kwa kweli tumeshuhudia mijadala mingi kuhusu historia ya Kwanza Unit lakini tatizo watu wengi huitazama Kwanza Unit kama kundi la muziki tuu..while Kwanza UniT is/was a MOVEMENT. That’s bigger than Music…bigger than the number of Emcees in it..

The Movement started in 1992.Malengo yalikuwa ni kwanza kutambulisha na kuelimisha jamii kuhusu utamaduni huu wa HipHop..Pili ni kutumia Hiphop kama chombo au kitendea kazi cha kuelimisha na kuangazia mazuri na mabaya yanayotokea katika jamii zetu za TZ..Long story short EDUTAINMENT..

BC: Ni changamoto gani(kiutendaji na kijamii) ambazo mlikumbana nazo kipindi mnaanza ku-rap?

KBC:Changamoto ilikuwa to follow the VISION that we had collectively..to Document whats happening Around our Jamii,..The Struggle,The Good times,the joys and Pains..so we became the Voice of the urban Bongo Youth.

Kwanza Unit 1994:Kutoka kushoto kwenda kulia Eazy -B, D-Rob (RIP), Rhymson(now Zavaara),Fresh-G and Y-Thang.

BC:Ni wazi kwamba muziki wa rap/hip hop nchini Tanzania umeshapitia vipindi kadhaa muhimu.Hapa nazungumzia tangu kuanzishwa kwake mpaka hapa ulipo hivi leo.Sasa ukilinganisha na “enzi zenu” na jinsi mziki ulivyo hivi leo nchini Tanzania,kuna tofauti gani za kimsingi ambazo unaziona?Ni tofauti nzuri au mbaya?Kwanini?

KBC:“Enzi Zetu” huh?..ha haa..we not that old Jeff! HipHop Culture inatambulika zaidi kwa watanzania siku hizi.Thanx to Programs like WAPI chini ya usimamizi wa ZAVARAA a.k.a CHIEF RHYMSOM,kwa kuelimisha vijana kuhusu Hiphop Culture and its elements.

Lakini Bongo HipHop music bado unapata vikwazo vingi siku hizi kutokana na mafanikio ya muziki wa BONGO FLAVA. Watanzania wengi Bado hawajui tofauti kati ya HipHop na Bongo Flava..hata wale Radio DJ ambao ni kiungo kati ya msanii na mashabiki wa Muziki wa TZ.

Siku hizi Everybody RAPs..Even RnB singers Rap nowadays..lakini ukweli ni Kwamba just cos you Rap.. it doesn’t make you HipHop artist.Ni kama wale watalii wazungu wanaweza kujifunza kuongea Kiswahili vizuri tuu..lakini hawawezi kuwa waswahili..vivyo Hivyo kuna wasanii wengi wa BongoFlava wanao Rap lakini sio Wana HipHop.

BC: Pia kumekuwepo na habari au taarifa tofauti tofauti kuhusu muanzilishi au waanzilishi wa muziki wa kufoka foka(rap) nchini Tanzania.Kwa unavyokumbuka au kuelewa wewe,nani unaweza kumuita mwanzilishi wa rap nchini Tanzania?Ilikuwaje?

KBC: No Disrespect Jeff,but the word KUFOKA FOKA is offensive to an artist as the ‘N’ word to a Black person..that word was invented by ignorant TZ journalist who did not know anything about Rap music,and even when they were informed about it they refused to call it what it is..RAP MUSIC..so they called it KuFOKA FOKA..

Now you see what we had to go thru “Enzi Zetu”..we had to fight for everything..Most press and media people at that time found it hard to be informed about this new artform by these Urban Bongo youngsters.Most of them wrote their own version of our story and that’s why you have too many contradicting stories.

BC: Kama ilivyo kwa mambo mengi katika jamii,muziki wa kizazi kipya ni eneo mojawapo ambalo linapingwa,kubezwa na kupewa shutuma mbalimbali.Miongoni mwa shutuma zinazoambatana na pingamizi kadhaa ni ile ya kwamba hivi leo vijana wengi wanafanya muziki sio kwa sababu wana vipaji bali ni katika minajili ya kuganga njaa tu.Unasemaje kuhusu shutuma kama hizo?Unadhani zina ukweli wowote?Kama ndio,hali hiyo unadhani ina mchango gani katika maendeleo ya muziki?

KBC: Muziki sio kitu ambacho kila mtu anaweza kufanya,kwa kizazi kipya au Zilipendwa..The Problem is not doing it for the money or for the love..the issue is do these so called Wasanii know music??..

Ukweli ni kwamba hata kama una kipaji cha muziki ili watu wakusikie utahitaji kurecord professionally. Hapo itabidi ulipe studio fees,mashabiki wa muziki ni wengi itakubidi kujipromote..itabidi utengeneze copies of your demo..itakugharimu..Hata kama unataka kutoa muziki wako bure itakubidi utengeneze copy nyingi ili kila mtu akusikie nk

Sasa kwa wale wanaoweza muziki na wana uhakika na vipaji vyao kutokana na demand ya mashabiki wa muziki,wameingia kwenye “Biashara ya Muziki”..watu wengi wanaotoa shutuma Hizo inabidi wafanye mahesabu ya gharama za kurecord+Kupromote. Studio owners dont care kama una kipaji or Not..All Money is good Money,its bizness,they have bills to pay too.If it was Free then we could critisize.Halafu kila mtu ana haki ya kujitafutia.Si ni bora
wafanye Muziki kuliko kwenda kukaba na kutumia madawa ya kulevya..au sio?

BC: Katika muendelezo huo huo wa shutuma na lawama,limekuwepo suala la producers kuonekana kama chanzo cha kuzorotesha ukuaji na umakini wa muziki wa kizazi kipya.Wanaosema hivyo wanasema kitendo cha producers kukubali kumuingiza mtu yeyote studio ili arekodi nyimbo bila kuzingatia kipaji alicho nacho mtu bali hela aliyonayo tu kinaua kabisa fani.Unasemaje kuhusu hilo?Unashauri nini kifanyike?

KBC:Tatizo sio Music Producers Jeff..kusema kurecord wasio na Talent ni kuua fani ni sawa na kusema Kufundisha wanafunzi wajinga ni kuua elimu..Tatizo ni Radio Dj’s wasiojua Muziki,wanaopokea pesa na kupromote yeyote yule mwenye pesa..sisi wana Hiphop tunaziita WACK SONGS.

Kwa mtindo huo huwapa nafasi wasio na vipaji kwenye chart za muziki..so every other kid thinks music is easy..so they go to the studio too..more money to the Producer-More money to Radio Dj’s..More money kwa Muhindi anayeuza kanda(cassettes) na kuwaibia wasanii..RADIOs KILLED GOOD MUSIC!!

Kwanza Unit.Hapa ilikuwa ndani ya Lang’ata(siku hizi FM Club) 1994

BC: Leo hii ukiangalia jinsi ambayo muziki unaoitwa wa kizazi kipya umepata umaarufu kiasi kwamba ndio umekuwa kimbilio la vijana wengi katika kutaka kujiajiri na mambo kama hayo unajisikiaje?

KBC: It really feels like Graduation day..Job Well Done..Juhudi zetu na malengo yetu yametimia,nguvu zetu hazikupotea bure..TZ artist can live off music now..Vijana wa kitanzania wanatumia sauti zao na uwezo wao wakisanii kujiajiri na kutangaza utamaduni na maisha ya jamii yetu ya Kitanzania..ProF Jay on tour Europe+USA..Juma Nature getting nominated for MTV awards…Lady JayDee performing at Nelson Mandela’s Birthday nk. Enzi zetu wengine walituita wahuni lakini hatukukata tama.Leo hii hata President Jakaya Kikwete ni mshabiki wa muziki huu wa kizazi kipya.1994 People were amazed of what KWANZA can do..today Im amazed of what FID Q can do..”it feels really really Good”..

BC: Ni wanamuziki gani nchini Tanzania hivi leo wanaokuvutia kutokana na kazi zao?Kwanini?

KBC:Unajua Muziki wa Vijana TZ umegawanyika,I have alot nitataja wachache..
HASHIM a.k.a Dogo,FID Q,JUMA NATURE,SALU T,Professor JAY,J-Mo,MChiZi Mox,CHIDI BENZ,NAKO2NAKO,BaBUU,KURASSA,LANGA,BOB-Q na BK,..aaaah Man! JeFF I got many..LADY JAYDEE,NURUWELL,DAZ NUNDAZ,MASHARIKANZ,Giz MABOVU,Mjomba NASH..i can feel up a room Jeff let me stop..ha haaa

BC: Je mna mpango wowote wa kujumuika siku moja kama Kwanza Unit na kufanya japo onyesho moja na pamoja?Mawasiliano yenu yakoje?

KBC: Yeess!!Mpango huo upo na ulikuwepo..Tulitarajia kujumuika pamoja mwaka huu kwa Kishindo Kikubwa ile siku ya 08/08/08..Lakini Mikataba ya Kibiashara ikaingiliana..lakini yote Heri..Tegeni Macho na Masikio 2009!!..its gonna be BIG!!

BC: Matatizo ya haki miliki na wasanii kuibiwa kazi zao yamekuwepo toka enzi na enzi.Unadhani kwanini inakuwa ngumu kuyapatia ufumbuzi?Unadhani hiyo ni vita isiyo na mwisho na ambayo mshindi hawezi kupatikana kamwe?

KBC: Haki Miliki itapatikana pale wasanii watakapo funguka macho kuhusu biashara ya Muziki..TZ music industy set up needs to be restructured.Tunahitaji Music Business ya kweli.Msanii anahitaji kuwa na lawyer,Msanii anahitaji Kuwa na Contracts na Recording Labels..sio radio DJ’s.

Haki za msanii na makubaliano ya kibiashara yawe wazi kwenye Contract wakiwakilishwa na Lawyers wao.Kwa wale wasanii wakubwa wanaohitaji Meneja..inabidi wawaajiri..Msanii ni boss wa meneja wake sio vice Versa..

Record Label ndio zigharamie studio fees na promotion cost..we all know alot of money is generated in Entertainment industry,more Tax money for our serikali.Ingekuwa vizuri kama serikali ingesaidia kulinda haki miliki za wasanii hawa..Kwa kweli inabidi wanamuziki wa TZ waende na wakati..”2008 World SuperStars like Jay-Z,50 Cent,Shaggy,Akon,KC n JOJO,etc wanafanya shows Tanzania..na tunawalipa pesa nyingi tuu..Mamillioni!! kwanini hatuwezi kuwalipa wasanii wetu wenyewe??

BC: Mwisho ungependa kutoa ushauri gani kwa vijana ambao hivi leo wapo kwenye “game”?

KBC:Kuheshimiana,kushirikiana,kupeana support.Nimewahi kwenda show mbali mbali za wasanii wa siku hizi..ni vigumu kuwaona wasanii wenzao kuja ku support..kama kila msanii wa kizazi kipya atahudhuria show ya mwenzao basi wote watatengeneza chakula kizuri.

Nawashauri katika Fani yoyote ile..Bring your “A game”..work hard on it..give it 120%..wasitegemee misaada.Business is never personal.Wasanii wajielimishe,wasidanganyane na mafanikio ya hapa hapa nyumbani. Wajitayarishe kama kama wanariadha kabla ya Olympics.Wana jukumu la kuiwakilisha Tanzania kisanaa.Pia nawaomba wasanii wote wawashauri Wanaume Family(Ze Original) kurudiana…their shows were AMAZING!!Vile vile Kumshauri HASHIM “Dogo” kurudi kwenye Muziki..tunahitaji sauti yake..Hata Album moja tuu..He is the Best TZ HipHop artist thats never been heard by many.

BC: Asante kwa muda wako na tunakutakia kila la kheri katika kazi zako.

KBC: Yo! Jeff shukrani sana..its been REAL,Keep up the Good work with the Blogg..Here is a gift to All Kwanza Unit and Bongo Celebrity Fans.
my song called “GRINDING”-KBC feat Fid-Q n RoZe PeTaL..Enjoy!!

Be Sociable, Share!

• 

Kama umeshawahi kutembelea Zanzibar hivi karibuni na ukapata nafasi ya kufungulia radio yako baada ya kupata ushauri wa wenyeji,hatutoshangaa kabisa ukituambia kwamba ulisikiliza radio ya Coconut FM.Na kama ulipata muda zaidi wa kuisikiliza Coconut FM,bila shaka ulipata nafasi ya kumsikia mtangazaji Hafidh Sutti(pichani).Kipindi chake kinaitwa Africoco na huruka hewani kuanzia Jumatatu hadi Ijumaa kuanzia saa kumi na moja jioni mpaka saa tatu usiku.Tune in and feel the vibes!

Be Sociable, Share!

• 

Pamoja na mafanikio na “soko” ambalo tayari alikuwa ameshajitengenezea,hivi karibuni alifanya uamuzi mgumu wa kuamua kurudi shuleni ili kunoa zaidi kipaji alichonacho.Hivi sasa anasoma katika Chuo Kikuu cha Cape Town nchini Afrika Kusini.Mbali na kuamua kurudi shule,Bobby ndio kwanza alikuwa “amepata jiko” kabla ya kuwa baba mapema baadaye.Mchanganyiko huo wa mambo ndio unaotufanya tuuite uamuzi wake wa kurudi shule kuwa mgumu!How is he handling all these?

Hivi karibuni tulipata nafasi ya kuzungumza naye machache kuhusiana na maisha yake,shule,ndoto zake na mengineyo mengi.Je anasemaje kuhusu Afrika Kusini anaposomea hivi sasa?Anasomea nini?Nini ushauri wake kwa vijana wanaoota kila siku kwenda “bondeni”?Anazungumziaje maendeleo ya muziki na filamu ya Tanzania akilinganisha na Afrika Kusini? Fuatana nasi katika mahojiano yafuatayo;

BC: Bobby,karibu sana ndani ya BC.Tunafurahi kupata fursa hii ya kufanya nawe mahojiano.

BOBBY: Niwashukuru nyie BC kwa kunipatia mimi fursa hii ya kipekee.

BC: Kwanza kabisa hongera sana kwa mambo kadhaa uliyofanikisha hivi karibuni.Tunajua umeoa hivi karibuni,umepata mtoto na sasa umerudi tena shuleni.Mambo yanakwendaje katika maeneo yote hayo matatu?Unasomea nini hivi sasa?

BOBBY: Namshukuru Mungu kwa kunijalia mwenza anayenifaa na pia mtoto wa kiume mwenye afya njema aitwaye Ethan Patrick. Kwa sasa ninasoma katika Chuo Kikuu cha Cape Town nchini South Africa, ninachukua BA in Film and Media Production.

Bobby pamoja na mkewe Helena Mkonyi(now Mrs.R.G.Mongi) siku ya harusi yao.

BC: Ilikuwaje ukaingia kwenye fani ya utangazaji na mambo yote ambayo umekuwa ukiyafanya hususani upande wa burudani?

BOBBY: Kwa upande wa burudani hili ni jambo ambalo lilikuwa likinifurahisha tangu utotoni. Nilianza kutambua kipaji changu nilipokuwa Umbwe High School( I think you remember the Mawenzi concert…you did a Bob Marley Song….) that is when I first realised what I want to do later on life, if not personally be the one entertaining then at least be part of the whole entertaining process.

Proud Father.

BC: Ni kwanini umeamua kurudi tena darasani hata baada ya kuwa umeshajitokeza kama mmojawapo miongoni mwa Djs na MCs mahiri kabisa nchini Tanzania?Je ulikuwa uamuzi mgumu sana kufikia?

BOBBY: Ukweli ni kwamba kipaji peke yake hakitoshi haswa kama ni mtu mwenye falsafa za kiharakati za kuleta mabadiliko katika maisha ya mtanzania kama mwafrika. Fani ya media nchini imekuwa kwa kasi sana lakini taaluma yenyewe bado haijafikia viwango vya kiushindani.Wapo wadau wachache mno wenye uwezo wa kufanya kazi zitakazoweza kushindana kimataifa lakini sio wengi kama inavyotakiwa na ndio maana nikaamua kurudi masomoni. Kingine ni kwamba sikupata bahati ya kufahamu chuo kinachotoa elimu katika fani ya filamu hapa nchini, kama vipo haviingii ndani zaidi kitaaluma ndio maana nikachagua kuja kusoma South Africa.

MC: Kama DJ,MC,TV personality nk ndani ya Tanzania utakuwa umekuwa ukifuatilia maendeleo ya sanaa na maonyesho kama vile kwenye muziki,filamu nk.Unaweza kuyaongelea vipi mabadiliko mbalimbali ambayo umekuwa ukiyashuhudia?Na sasa ukilinganisha kidogo na Afrika Kusini ulipo,unadhani tupo wapi katika medani za kimataifa?

BOBBY: Fani ya muziki ni fani ambayo naweza nikasema ndio inayopeperusha bendera ya Tanzania kisanaa. Vijana wanafanya kazi kama vile hawataamka kesho.Guys are working very hard and have created a trade mark for Tanzania as the Hip Hop/Rap Hub of East Africa.

Kwenye sanaa ya filamu, hatua za mchakamchaka ndio zinaanza kuchanganya, licha ya kwamba kuna mengi ya kuboreshwa najivunia kusema ya kwamba sasa hivi watanzania sio waoga kujaribu vitu vipya japo kuwa wakati mwingine unaweza ukahisi wadau wa fani hii wanataka kuiga mtindo wa Nigeria. Ushauri wangu ni kwamba, tusitizame ushindani wa Nigeria tu, tujiandae kushindana na watengeneza filamu wa duniani kote, haswa nikizungumzia lugha na ubora wa picha na sauti zinazotumiwa kwenye filamu zetu. Mifano yakutizama na kushindana nayo iwe Bollywood na Hollywood.Tukiweza wafikia hao then mwendo utakuwa ni wa mbio za kasi na sio mchakamchaka kama sasa. Mfano mzuri ni music videos za Bongo mbona quality inafaa hata kimataifa?

Kiujumla lakini, hatua na mwendo uliopo ndio wenyewe. Ndio kwanza tumeanza, dunia inapaswa kuogopa kwani Bongo ndio inapanda sasa. Inapendeza kuona pia ya kwamba hivi sasa wameanza kutoa tuzo kwa ajili ya filamu za kitanzania, hii itakuwa changamoto kubwa kwa sanaa hii huko tunakoenda.Ila ufisadi na uswahili usiingizwe humu tu!

BC: Ni wanamuziki gani wa barani Afrika wanaokuvutia?Una sababu zozote?

BOBBY: Wapo wengi sana ila ningependa kuwataja kwa mtiririko huu, Uganda, Kenya, Tanzania na South Africa. Hawa ni Bebe Cool, Nameless, Profesa J na HHP. Sababu zangu kuu ni kwa sababu kazi zao siku zote haziyumbi bali huboreshwa siku hadi siku.Wametoka mbali mno mpaka wamefika walipo, wamejitunzia heshima zao na wanaheshimu walipotoka. Kwa ufupi” these are hustlaz who made it big and are still humble!”

BC: Ni jambo gani ambalo unaweza kusema huwa unalihofia zaidi unapokuwa unasimamia shughuli au kwa maneno ya kigeni unapokuwa Master of Ceremony?

BOBBY: Kwangu mimi kuna sheria moja tu, uoga ni neno ambalo halipo kwenye kamusi yangu. Ila kama ushauri, ni muhimu mtu kuwa na utulivu kwanza, kujua utakachokisema na kwa mtirirko upi.Kuwa na mbinu mbadala endapo hitilafu yeyote itatokea ukiwa jukwaani na kama ni muoga wa halaiki basi usiwatazame usoni bali uwa tazame vitosi vyao haswa vile vya waliosimama nyuma kuliko wote.Kwa kufanya hivi utakuwa hauwatizami machoni lakini utaonekana kuwa unajiamini na kuwatazama wao.

Bobby(kushoto) akiwa na MC mwenzake Jokate Mwegelo katika usimamizi wa shughuli.As he puts it,confidence matters.

BC: Ni jambo gani unalolihofia zaidi maishani mwako?

BOBBY: Ninachokihofia kuliko vyote duniani ni kifo kusema kweli. Sio kuogopa kufa bali kuhofia kifo chenyewe. Nadhani ukiwa na wale uwapendao hupendi utengane nao na hilo wazo tu la kutengana… nalihofia mno!

BC: Umeshakaa Afrika Kusini kwa muda sasa.Miezi michache iliyopita paliibuka vurugu zinazotokana na baadhi ya wa-Afrika Kusini kudai kwamba wageni wanawachukulia kazi zao na nafasi zao za kuendelea.Unadhani hiyo inatokana na nini?

BOBBY: Hili jambo ni la kisiasa mno lakini kwa ufupi ukweli ni kwamba wenzetu walipata taabu sana wakati wa Apartheid na hii iliwaathiri kwa kila namna lakini haswa kitaaluma na kisaikolojia.Haya tunayoyaona ni matunda au madhara ya utawala huo.

BC: Labda kwa mtu ambaye hajawahi kufika Afrika Kusini,unaweza kumuelezea vipi kwa kifupi kuhusu nchi hiyo ambayo katika siku za hivi karibuni imetokea kuwa kimbilio la waafrika wengi katika kutafuta riziki na maslahi?

BOBBY: Ni nchi yenye maendeleo mazuri ukizungumzia infrastructure lakini kama mtu hana shughuli maalum kule sishauri mtu akajitosa kwenda kutafuta riziki kule kwani Bongo kuna mengi yakufanya na riziki imejaa tele. Kama ni biashara ya kihalali sawa, masomo sawa, kuhamia na kufanya kazi endapo utaipata sawa kwa sababu uchumi mzuri sana lakini kujilipua au kuzamia….ohoooo mbona utasota!! Wapo wengi tunaowaona huku.

Bobby(wa pili kutokea kulia) akiwa na marafiki zake,wanafunzi wenzake,U of Cape Town,Afrika Kusini.Kila la kheri Bobby!

BC: Mwisho ungependa kutoa ushauri gani kwa vijana wenzako kuhusiana na suala zima la maisha?

BOBBY: Kusema kweli maisha hayana formula ila binafsi ninayo ya kwangu ambayo ni….. mwogope Mungu, ogopa UKIMWI, chapa kazi / jitume, heshimu watu, tenda mema nenda zako……the rest leave it to God.

BC: Asante kwa muda wako Bobby.Tunakutakia kila la kheri katika masomo yako na pia familia.

BOBBY: Thanks BC.

Be Sociable, Share!

•